幾日前約曬成堆朋友出嚟飯聚 佢哋話想食打冷 但係帶咗我去茶餐廳到食? 原來每當去到差唔多夜晚嘅時段 香港仔茶餐廳嘅菜單 就會有平時嘅茶餐變咗打冷小菜😂😂 去茶記食小炒真係第一次 裏面嘅裝修簡約 牆壁油上咗淡淡嘅薄荷綠 感覺舒服 而且環境都幾乾淨 唔錯 先叫咗兩杯嘢飲解下渴先 菠蘿冰食就食得多啦 飲得嘅菠蘿冰味道尚算唔錯 有少少甜 不過裏面 有大量嘅菠蘿 可以醫一醫肚先 話咁快就嚟咗碗肥牛撈麵 肥牛撈面有得揀唔同嘅醬汁 例如燒汁黑椒沙嗲等等 我就揀咗最傳統嘅沙爹醬汁襯返牛肉 食厭咗沙爹牛肉麵嘅朋友可以 試下呢碗 始終肥牛相比滑牛肉 容易進食得多 別有另一番感覺 頭盤就有鹵水墨魚肉同埋紅腸 鹵水味好正 唔好睇到上面淨係得肉 下面亦都有啲爽脆嘅芽菜墊底 不得不讚鹵水鵝片 好爽口不但止 肉質亦都好鮮嫩

爆火山丼HKD168 爆丼丼🏠荃灣河背街74號地舖 。嚟到一間專係賣丼嘅舖頭 唔通唔食丼 。充滿著三文魚子嘅丼 成日都會喺tvb十點半嗰啲日本旅行節目出現 。又唔少人都唔太鍾意三文魚子 覺得魚油味實在太大 不過我就對佢幾有好感嘅 就好似榴槤咁 喜好嘅程度可以好極端 。除咗三文魚子之外 其實仲包含咗三文魚 吞拿魚 同埋帶子 。當然魚生嘅數目就一定冇三文魚子咁多 不過個數量依然係 好難就咁bug落去食 所以侍應都會比多隻碗我將飯同魚生分開食😂😂 。 除咗佢哋另外一款充滿海膽嘅四重爆丼 我諗呢碗就係佢哋另一款招牌丼 講真嗰句 魚生嘅份量就一定冇廣告相影得咁多 或者可以形容係少好多 不過都可以一啖飯一啖魚生嘅 。另外一點就係 啲飯係微溫嘅狀態 第一次食唔係凍嘅魚生😂😂 。 不過要讚嘅就係份量都算幾大 食丼嘅飽肚之選 安格斯牛肉鵝肝丼HKD118 。通常食丼都係用魚生做主角 一講起牛丼大部分人都會諗起吉野家 高級少少嘅牛丼你哋又食過未？ 。同圖片一樣 牛肉嘅分量非常豐富 而鵝肝就係有一件喺中間 。汁燒牛肉醬汁偏甜 有少少洋蔥味？醬汁味道係唔差嘅 肉質嘅處理手法可以再做得好啲 。鵝肝無騷味 表面有少少燶 用筷子分開佢嘅時候 充滿獨特香味嘅油脂已經偷偷地竄出嚟 口感幾creamy 雖然咁食法好似好cheap咁 但用嚟撈飯真係一流 。個人有種癖好就係將一啲好似好高級嘅食材再用一種好低級嘅食法 雖然好似浪費咗件寶物咁 但咁樣先係最簡簡單單去感受嗰樣食材嘅味道 eg黑松露炒蛋 魚子醬瑪莉餅 爆丼丼🏠荃灣河背街74號地舖

鹽酥雞拼盤 HKD66 。點止鹽酥雞呀 仲有其他經典台灣夜市小食都喺度😝 。連我最鍾意嘅蒜味腸仔都竟然有兩條😍 畀我娘親話我食垃圾食物 。反而娘親就會比較鍾意地瓜條 我係咪應該要話返佢鍾意食古草味食物？ 。 鹽酥雞外皮脆卜卜 不愧係蝦片嘅好朋友 。 飲緊兩杯黑糖系列嘅飲品 再食帶有鹹味嘅小食個感覺好舒服 黑糖布甸鮮牛奶 HKD38 黑糖珍珠鮮牛奶 HKD38 。兩杯飲品 我會比較推薦黑糖布甸牛奶 。第一 通街手搖鋪都有黑糖珍珠鮮奶嘅時候 我已經飲厭咗黑糖珍珠 。第二 布甸遇上黑糖嘅時候味道係唔錯嘅 就好似我哋平時食焦糖布甸 品嚐焦糖味雞蛋味互相配合 只不過而家換咗黑糖 。第三 黑糖珍珠個杯上面嘅雪糕認真有啲難bug😂😂 。第四 黑糖味道係唔錯嘅 不過我會略嫌珍珠比較硬 但係反而我娘親就鍾意呢種質感 佢話有嚼勁😂😂😂 。 總結 我鍾意左手邊 我娘親鍾意右手邊

銅鑼灣金田家。 銅鑼灣登龍街34號地下。 成日行下行下街就想食野女朋友又話想食日本野，又話想食拉麵，就唯有又帶佢去食金田家，係吖又係金田家吖，不過今次係喺銅鑼灣咁解。 今次食左黑豚拉麵 HKD98 肉吖係吖係肉吖，但係仲感覺係冇咁鹹同肉味重啲（對比其他分店來講），麵質點左硬麵，本人建議曲麵就點正常麵質，而直麵就應該點硬麵。 今次亦都試咗佢哋個替玉，就係咁既，佢哋首先係等你食完原本個面，然後要請個侍應，幫你點個替玉，同時佢亦都會問你想要嘅麵質。但係我就建議，當你食到一半覺得唔夠果時就好落單，因為啲面唔會連湯上，所以早啲落單，啲麵就可以吸收湯嘅精華。 同埋激辛拉麵 HKD93 本身想食雞湯曲麵，但係亦都想試下啲新野，所以就點左衣個，佢個辣味好突出，亦都好香辣椒味，佢嗰種辣味係好似韓式辣醬咁，佢個辣味係霸王，遮住左本身豚骨湯嘅甜，同碱水味。 同時間亦都要注意，麵種唔可以轉。

每次上嚟食飯目的都係搵貓 白色嗰隻永遠都係瞓覺 黑色嗰隻永遠都係迎賓 我愛金莎 跟餐HKD45 。餐牌上面寫住係店長最愛 如題最高嗰粒真係金沙嚟嘅 。其實佢係一杯朱古力沙冰 不過仲會飲到唔同flavor 少少咖啡？ 。 個杯以外嘅沙冰都成座山咁高 叫老豆老母幫手食沙冰 佢哋都覺得味道唔錯 就算放耐左都唔會變淡 。朱古力控必點 甜品（蛋糕） HKD78 。 細細個就睇美少女戰士睇得多啦 見到呢度除咗廚師發板好吸引之外 仲有唔同造型嘅甜品 。 今次就揀咗呢個朱古力蛋糕估唔到佢仲會幫我印埋美少女戰士個樣上去 。 完全回憶返曬童年回憶 好少女心 。 朱古力蛋糕味道有啲似brownie 味道濃沃 朱古力迷必叫 。 再加埋右上角有個類似雪糕嘅波 不過係比較硬身嘅 。 亦都有少量水果粒做擺盤 同朱古力味幾夾 。 呢間cafe咁出名有貓咪 梗係唔少得有貓咪速纖插喺上面 虎蝦番茄意粉 HKD188 。 咁多個主菜裡面最鍾意就係食呢啲意粉 。好多時候出面嘅餐廳都會幫茄汁意粉加茄膏 我自己就覺得冇必要嘅 淨係新鮮嘅番茄味先吸引到我去食 。除咗蕃茄之外亦都有三色椒增加味道 。虎蝦肉質實淨 有嚼勁 幾好食 幾好食 另外加咗50蚊試咗份鵝肝 小食多滋味 多食脂肪肝 鵝肝外脆內軟 不過食少少好啦 食完記得運動 香煎石斑魚柳 HKD218 。 朋友話想食魚 就嗌咗個柳畀佢食 。 魚柳係香煎手法去製造 上面會淋咗啲有少少似芥末嘅醬汁 味道偏向wasabi 。 石斑本來係冇乜味道嘅魚嚟 唔少餐廳都會加唔同特色嘅醬汁去增加鮮味 。 不過用芥末去調味就真係第一次食 幾有趣

屯門咖哩屋 Set Dinner HKD95 。男朋友去屯門醫院interview完食啲咩好 一於去試下我一位屯門朋友推介嘅印度菜😙😝 。一個餐包咗雞湯 串燒雞件 炸咖哩球 任何一款咖哩 薄餅同白飯 。所有食物嘅味道認真唔錯 雖然呢個係一人餐 兩個人分嚟食都食得好飽😂 所以一份印度菜九十幾蚊 兩個人食飽實在唔太貴 。就算係平時lunch好似都係三十幾蚊有交易 。chicken soup真的很chicken 有啲似喺鄉下餐廳煲出嚟嘅中湯感覺 係真材實料嘅雞味唔係濃湯寶 。加咗少少粟米粒 所以似粟米肉粒飯味道？？lol 。其中串燒雞件味道 有啲似燒烤場已經醃咗嘅雞肉lol 不過係脆卜卜好多嘅版本 而且配埋檸檬汁更多咗一陣清新嘅果香酸味 。 我同男朋友原本以為炸咖哩球係炸燒賣 個外表真係神似🐤🐤 咖哩味唔濃 炸至金黃色嘅嘅一口炸物 配上青檸醬同燒烤汁 味道認真唔錯 係一個令人幾滿足嘅前菜 。牛脷有三塊 咖哩唔使多講 就係嗰種又鹹又甜又重香料又有層油喺面嘅食物 無論係配上印度薄餅定白飯 濃味食物配上白紙都係相當合適🐄 。薄餅內部柔軟 層次分明 帶有明顯嘅麵粉味 隨意撕出合適自己嘅大小 用手去拎著件薄餅點咖哩 先係最霸氣最好食嘅食法 但相比以往食過嗰啲略嫌唔夠香脆 。btw有另一啲屯門朋友話呢間舖頭隔離嘅曼谷菜好難食 但係我同男朋友都覺得呢間餐廳味道同服務態度都好好😝😝 。點解我啲friend可以住咁遠☹

牛油果吉列牛堡 HKD45 。 吉列牛扒口感唔似平時食嗰種好結實嘅牛肉 好鬆軟 粉漿唔算厚 。 相比起之前食過嘅牛油果漢堡 呢度係用咗牛油果醬mix咗芥末 味道幾得意 用條脷lam一lam有少少辣 同蕃茄一齊食就啱啱好 挑剔在牛油果味就唔算太突出 。 成熟方面牛肉未整到well done 大概係medium well嘅狀態 。我問侍應係咪手打牛肉 佢話係舖頭親自每日手打 問佢幾多安士 點解塊牛可以咁厚 佢就話用咗120g牛肉 。淨係肉嚟講 我諗已經去到重量級level 嗰日夜晚我連lunch都冇食 一開始會覺得個包好細個 驟眼睇應該唔夠食 事實係食到一大半已經飽到食唔落 要朋友幫我清埋佢😂😂 。 而且包底用牛油煎香咗 有時個口唔夠大 咬唔到底下啲醬汁嘅時候 就會食到牛油同芝士嘅味道 安格斯牛堡 HKD48 。一款好經典嘅牛堡 相比起牛油果漢堡肉嘅份量就冇咁多 不過仍然相比起其他舖頭厚😂 。而且相比起牛油果漢堡 主角就係返安格斯身上 所以重點嘅味道就放喺牛肉度啦 。兩個包一樣咁掂 一個比較傳統另一個比較特色 冇得比較 。埋單嘅時候同侍應傾咗幾句偈 都係問下咁嘅價錢喺尖沙咀會唔會太平 間舖會唔會蝕😂😂 。佢就答唔會 某啲時間會特別多人 又唔少OL客 好多時候係熟客 又會見到一啲新面孔 食完下次佢哋又返轉頭幫襯就會覺得好開心 。係科學館附近嘅小店 大家經過就支持下啦 真係幾好食㗎

上次食過銅鑼灣分店之後覺得幾好食 今日同朋友行東角嘅時候 就再翻撻多一轉 喺午市呢啲個個打工仔放lunch嘅繁忙時段一樣受歡迎 一樣咁多人 不過相比起銅鑼灣呢度就有派籌嘅服務 等咗幾分鐘就已經可以入座 就算未入過去食 亦都可以喺門口嘅大餐牌諗定食啲咩先 侍應帶咗我去兩個人嘅位坐低 順便點咗個秘製特色牛骨湯河HKD62 順便加多28蚊升級多個香芒椰汁糯米飯 侍應同我推薦佢哋嘅魔法梳打 見到餐牌上面寫咗有我最鍾意嘅青檸 梗係要試下 秘製特色牛骨湯河HKD62 。牛肉湯聲稱煮咗超過十個鐘 配菜就有 牛肉 牛丸 牛腩 牛柏葉 。 其中我認為份量比較多嘅係 牛肉 比較少嘅係牛柏葉 牛丸有兩大粒 牛腩都有幾嚿 。 雖然湯底我覺得冇乜特別 不過勝在配料肉香突出 唔會有雪藏味 。夾起時候 我睇錯咗以為係啲河粉未熟 見到有少少透明 食咗先知道原來係洋蔥絲來lol 河粉 洋蔥 傻傻分不清 。洋蔥絲份量唔少 同牛肉湯配搭起上嚟幾夾 。另外值得一讚嘅係牛肉 畀我嘅感覺有少少似生牛肉湯河嘅牛肉片 成熟狀態啱啱好唔會好老 。當然要嗌埋我最鍾意嘅芒果糯米飯 因為呢度嘅椰漿絕對唔會落得孤寒 而且食起上嚟好方便 一啖一件 好似一口牛咁樣

醬油味玉叉燒拉麵HKD149 。 一碗拉麵做得好唔好食 好多時候都係取決於湯底 。 湯底有肉味 說太過鹹 可以釣到叉燒嘅鮮甜味 。調味方面做得好平均 起碼啲拉麵都已經吸收咗湯汁嘅清華 。但唔會有好嘔心嘅發脹情況出現 。 如圖有一大片叉燒鋪喺面 實際上都唔止一塊 有四大片 。而且加上矜貴嘅松露醬 增加咗食叉燒嘅新鮮感 。再加上有少少酒味嘅糖心蛋 好好食 味噌味肉叉燒拉麵HKD149 。 一款湯底比較油嘅拉麵 不過啲油香勁大陣菇味 。同另一款拉麵一樣 都係有四片叉燒嘅 滿足曬我哋呢班食肉控 。 而且呢本拉麵比較多蔬菜 又有洋蔥粟米芽菜西洋菜 感覺上比較健康 即刻花飲食 。呢度拉麵嘅質地有少少似上海麵 比較幼身 炙燒骰仔肉HKD28 。一口牛嘅朋友 不過今次係豬肉版本 。平時食開洋蔥豬扒比較多 如果以一個新穎啲嘅方式去呈現 又係另一種姿態 。骰仔豬肉配上洋蔥醬 滿足到鍾意食肉嘅慾望得呢又覺得幾清新 格局就好似平時嘅拉麵舖一樣比較迫 見到師傅們咁辛苦整拉麵 好有熱血感 就好似融入咗去平時睇開嘅動漫咁

Afternoon tea set HKD218 。high tea喱一種英式傳統真係好值得保留 除咗係因為自己支持小食多餐 食下午茶亦都係放學放工之後約人出街好合理嘅藉口 。人一世物一世終於試咗人生第一個afternoon tea二百蚊相比起xx酒店嚟講真係相當便宜 侍應聲稱係一款改良過唔算太傳統嘅tea set😂😂 。自己平時都會去某啲event 好聽啲叫交際去識人 難聽啲叫黐飲黐食 所以都會食開相關嘅小食甜點 個人覺得呢間質素唔錯 比較出色嘅係三文治同鹹點 不過就冇英式鬆餅(scone真心已經食到厭曬 亦唔覺得特別好食 所以有冇我都唔在意 。三文治有傳統嘅火腿芝士 同我比較偏愛嘅青蘋果蕃茄 。青蘋果同番茄嘅性質差唔多 合作起上嚟好和諧 味道清新 而且好爽口！！ 夏天食呢個三文治真係好正 我以後喺屋企都會試下咁樣整 。鹹點包括咗煙燻三文魚 魚子醬 鵝肝 沙律蝦 。玫瑰造型嘅三文魚 一大舊放落口 仲滿足過食壽司 感覺非常良好 如果有埋檸檬汁就更加之好 。 魚子醬份量少 比較難食得出味道 鵝肝足料得多 大件到好似午餐肉咁 最愛就係佢嗰一種獨特嘅鹹香油脂香 吞落肚罪惡感即刻返曬嚟 但係我寧願跑多啲步都要食鵝肝 。甜點有馬卡龍 eclairs 木糠布甸 焦糖布甸 同朱古力餅 。eclairs仲要有兩條💕💕 食tea set又點可以無tea Apple garden HKD15 。係無熱食嘅情況下 飲返啖暖胃嘅蘋果茶成個人舒服曬 心情都變得好輕鬆 。味道酸酸甜甜 蘋果香明顯 。而且有蠟燭座熱 幾時倒出來都係暖笠笠 。 一壺都夠兩個人飲 Green tea latte HKD15 。突然間想飲green tea所以就嗌咗😂😂 。抹茶唔算太甜 奶味佔比較多