今次係同老公D舊同事去----講是講非吹水大集會
一行十二個大人, 當然唔少得我個百厭仔啦

今次去關財記買海鮮, 送左2斤蜆比我地, 仲有專人同我地送去興記加工, 唔使自己攞, 抵讚,
買左齊頭$1200!

當晚菜餚有--

白灼九節蝦--D蝦真係好鮮甜, 正!

豉椒炒蟶子-- 豉汁香濃, 辣辣地超冶味 (同我地去左殼方便食)

豉椒炒蜆--同炒蟶子一樣冶味, 但好多肉同殼甩左, 食得比較麻煩

油鹽水灼花蛤--花蛤鮮甜,D肉唔韌, 佢仲加左粉絲吸左D汁, 好味!

辣酒煮花螺--有酒味, 唔太辣, 好味!

西芹炒石斑球-- 火侯啱啱好, 香口鮮味, 魚肉爽口唔爛

椒鹽瀨尿蝦--OK, 但比較油膩

薑蔥炒蟹--OK

砵酒焗蠔--上枱時個樣唔靚, 但食落真係幾正, 淡淡酒香煮得又夠乾身, 正!

半隻燒鵝--皮脆肉厚, 入口熱辣辣, 正!

蒜蓉炒豆苗--OK, 但比較多油

另外叫多一碟豉油皇炒麵+一碟楊洲炒飯, 相比豉油皇炒麵好味D

仲叫左2枝啤酒+9罐汽水, 埋單$1140.00

關財記-$1200.00+興記-$1140.00, 合共$2340.00, 平均每人都係$195.00咋

(最衰只限UPLOAD 8張相, 只可揀部份上載)

嗰日放煙花, 屯門好多地方都封左路, 兜兜轉轉左好耐先入到黎三勝村. 聽聞呢到食海鮮好出名, 不過因為當日封路既關係, 好多人都因為咁而入唔到黎. 所以今晚我哋黎到既時候見到海鮮檔都無咩人. 我哋成班人第一次黎, 都唔知幫襯邊間好. 結果買海鮮嗰間野既老闆叫我哋如果去冬菇亭既話揀南記或者興記都ok. 由海鮮檔行過去冬菇亭, 第一檔見到既就係興記. 反正大家都無perference, 雖然南記就係隔離, 不過我哋都係揀左第一眼見到既興記.

因為我哋成班人都無人精於揀海鮮, 所以味道just ok 唔知係d料既問題定係煮法有問題. 全晚最好食既就係個蒜蓉粉絲蒸扇貝. 粒扇貝大大粒, 蒸出黎又彈牙. 不過, 我哋買左一札小聖子, 叫佢鼓椒炒, 唔知點解炒左出黎有好大碟.... 望到都好開心既, 但係食落我哋全枱人都覺得好似唔係咁新鮮~~~ 變左好似呢碟聖子唔似係我哋買嗰札咁....

咁遠入黎, 食d咁既質素, 咁我都係寧願去遠d, 入流浮山食正好多!!

真係好耐無去食海鮮，以往諗住食海鮮都係去西貢及索鼓灣。今次因為去黃金海岸酒店住，加上睇咗開飯食評，決定嚟呢間試一試。結果......果然好嘢！

我哋一行人四大一小先去咗三聖邨碼頭附近的海鮮檔買海鮮，買咗斤幾蟶子，兩斤花龍，兩斤飛龍(大瀨尿蝦)，一斤花螺，四隻扇貝同埋一斤蜆。埋單八百元，都算差唔多。

然後，我哋行過去興記，一入去因為訂咗枱所以立刻有位。店員個個整齊恤衫西褲，而且都好有禮貎。跟著就幫我哋落單。

白灼花螺 - 真係好鮮。啲螺肉又爽，最正個海鮮醬，唔太甜。GOOD！
上湯龍蝦 - 又係一絕，我鍾意佢唔太咸，而且個"茨又唔會"太多，加上花龍多肉又鮮味，都係由頭食到尾，連爪都食埋。
椒鹽瀨尿蝦 - 老婆讚口不絕，我就覺得仲可以炸多少少時間，同埋啲椒鹽唔夠多同少咗啲辣味。
蒜蓉粉絲蒸扇貝 - 呢碟完全係個扇貝個鮮味救番味餸。因為我同老婆都覺得個粉絲比較硬，蒜蓉味入唔到，加上個豉油唔夠味，但真係個扇貝夠厚身，又甜，都係正！
豉椒炒蟶子同埋豉椒炒蛽 - 兩味都係豉椒炒，真係好正！興記啲豉椒好正，所以呢兩味餸食到最後雖然好飽都仲可以食得晒。一定要食！

當然，除咗海鮮我哋都要食呢度個招牌菜--燒鵝！ 個燒鵝真係好掂，同啲海鮮不分春色，好好味！

連埋個炒菜心，六罐汽水，埋單只係四百九十元，扺食到吖！

所以一定要再嚟！

我哋係附近海鮮檔買過嚟比佢炒，買咗1隻大瀨尿蝦 ($158)，成斤重。
仲有1斤聖子($54)

自攜海鮮製作費，每斤加$36


1) 椒鹽瀨尿蝦
好嘢味，由於隻蝦新鮮，真係超好味！


2) 味菜炒聖子
老公之前同同事食過，所以特登帶我嚟試，真係勁好味！
平時食襯都係豉椒炒，用咸酸菜炒，另一番風味！

3) 腐乳通菜
啲菜有啲老，只食菜葉，可能已過時......
唔夠腐乳，勁大碟。

喱度勁多人嚟，大枱多，如果大夥人嚟，最好訂枱！

在街市買了些海鮮，我們向店舖的人問有沒有食店介紹，她們便帶我們來到興記，一心認定這夜可吃到既新鮮又便宜的海鮮，把三個裝了剛買的海鮮給這裡的侍應生後感覺像進了間黑店般，因為我們只得兩個人，未夠一斤海鮮都算一斤計。

2隻椒鹽賴料蝦
蒜蓉味反而較重。加工費$38。

蒸蒜蓉粉絲扇貝
粉絲過淋，豉油不夠鹹，比較淡口。加工費$38。

清蒸黃油蟹
從點菜至蒸好放在飯桌上足足等了一個多小時。據說要馬上雪藏一小時候才能蒸。不見黃油瀉出來，反而較多已結實了的蟹膏。加工費$60一隻。

兩個人大概用了$200，我們買這些海鮮用了才不過$240。

可能因為無訂枱 , 等左戍個鐘先有位,
末食但巳經喂飽左D 蚊 -.-''
終於有位啦 , 等左 at least 20 mins 終於有人執枱,
D 侍應全部請番末開洒 , 要落單等成 3 個字先理下祢,
好啦 , 等左半個鍾 , 花生都冇得咬下,
竟然同我講仲未落單!!
但一D 歉意刀冇,
仲話多人係咁,
離譜到..
crazy !!!! 最後未食已走人,
停車場$$ 要俾 2 個鐘,
時間, 金錢完全浪費哂俾間野 !!

今日阿爸生日, 一早BOOK左興記食晚飯, BOOK左18:30, 去到已經爆晒棚, 仲有人在外面等位, 好彩BOOK左位咋

我地去左元朗大橋街市買海鮮, 貪果度多選擇, 平靚正, 買左3斤幾蟶子, 斤幾中蝦, 仲有阿爸最鐘意的生劏石班魚肉, 共$450.00

跟住攞去興記加工

--豉椒炒蟶子, 豉汁香濃入味, 辣辣地超冶味, 但好似過火左少少

--西蘭花炒石斑魚肉, 火侯啱啱好, 香口鮮味, 魚肉爽口唔爛

--蒜蓉開邊蒸蝦, 蒜味啱啱好, 帶出蝦鮮甜味


--燒鵝例牌, 皮脆肉厚, 入口熱辣辣, 正!

--蒜蓉炒唐生菜, 略為多左D油, 少D油會健康D嘛

燒鵝+炒菜+一支啤酒+一罐可樂+一支柑桔檸檬+海鮮加工錢, 埋單$391.00, 比埋TIPS都係$400.00

我地五個人: 買海鮮$450.00+興記埋單$400.00, 共$850.00, 平均每人都係$170.00咋, 已經飽到攬住個肚出門口, 正!

　　30/6 入左黃金海岸玩，晚上約了兩個屯門之友到三聖村食海鮮，有朋友負責發辦由佢到街市買海鮮，及之前打電話到興記訂枱。記得舊年來黃金海岸玩，晚上 Walk in 興記，俾佢趕走，今次終於有得試佢手勢。

　　先來個豉油皇蝦球，正，新鮮彈牙，蝦的鮮味及豉油是絶配。跟住食扇貝，以及焗生蠔，扇貝好大隻又鮮甜，而生蠔則焗得剛剛熟，蠔味濃郁，得唔鞋口。嘩，除左料靚，個廚房好得。

跟住來的是興記最出名的燒鵝，皮脆肉汁豐富鵝味足，鵝背及鵝脾好正，唯鵝胸有少少鞋口。同時間，上埋個肉蚧，及條蒸魚。 條魚蒸得唔錯，但太多海鮮，條魚又幾大條，最終食唔哂。而 d 肉蚧好飽滿，好多肉，煮得剛剛好， d 蚧肉好 succulent 又好 tender。

　　自携兩紅一白，估計冇收開酒費卦。

　　埋單時，燒鵝白飯連招呼煮工等都係 $285，當然自備海鮮來料。怪唔得咁多人啦！不過十點幾就係咁叫人人早 d 走，趕收工。

繼上次食完興記未能盡興食"豉椒蟶子",心有不甘,也成就了今次一嚐新鮮貝殼類海鮮!
今天準備充足先到三聖側的海鮮檔買海鮮。其實我和斌斌也不懂選海鮮,所以見就幫襯了當時當刻最多人幫襯的海鮮檔買了東風螺和短身蟶子(共銀140元)。

然後二人再到興記點了:豉椒蟶子、"焯東風螺"、什菜粉絲和走不了的燒鵝。今次不多說什菜碟和燒鵝了,因還是如上次一樣好味。

先來東風螺:哇!清甜到不得了(是材料新鮮的原因吧!),又脆口。可惜興記得是豆板醬似的辣醬...不是車仔麵式的橙色辣醬,所以嗜辣的我沒有點過辣醬,怕壞了事。

再來是蟶子...奇怪的事發生了...那碟蟶子的數量好像比買來的多...但又不能確認...斌斌說其實應該差不多...by the way,味道少了一點驚喜,沒有預期的惹味,但也因為材料新鮮的關係,所以還是有一點鮮甜。

埋單(不計材料,包綠茶一支):214。味道5分,是因為新鮮的食材,未必是興記的煮法。

一想到三聖村,大家會想到食海鮮,我就想起廿幾年前"舊日的足跡",因為小弟就讀的幼稚園,正是在三聖村之內.

周日的傍晚,看不到一張張可愛在遠處的笑臉,只見很多也是為吃海鮮而來的食客.眾友人先在海鮮檔買些海鮮,再拿去附近的飯店加工,本來是去冬菇亭內的"興記",但未入黑已經全場爆滿,唯有要另找地方,不過,入得寶山豈能空手回?

聽聞興記的燒鵝也是遠近馳名,於是打包一隻,一隻燒鵝之份量實在太大,要分兩盒上,拿去附近牌檔吃.剛燒起不久的燒鵝,新鮮熱辣,怎樣也不會差得去邊.燒鵝皮脆,肉質較實,但肉味濃.也是水準之作.打鐵要趁熱,要吃就快手,否則一冷卻,食味便差矣.

我們八個人,差點吃燒鵝吃到飽,好像已忘記其後還有眾多海鮮,來等著我們.

上年同同事去來晚飯,訂左位都要等。今日老公心血來潮去食海鮮。點知六點一二,有好多大「吉」枱。但我地無訂枱,只能坐後門的開陽小枱,環境不能接受。如果唔係就要等到七點才可以o係出面再開枱咁話…..唔係太明當中原因。
anyway,所以大家黎食,一定要訂位了。

男友提議在三聖晚飯。這是一個絕佳的提議,每次駕車經過總見燈火通明,想必十分熱鬧!

我們特意走過賣海鮮的檔口,因為人少(兩丁咁大把!);又因為唔識揀海鮮,所以還是決定去興記直接order期待的蟶子。誰知道興記本身並無海鮮賣的,一定要外帶才可。

也無所謂啦!經常在附近出出入入,要再試也一定有機會;於是就order了例牌燒鵝、粉絲什菜(但興記無煲仔賣的,要碟上)和檸檬雞。

燒鵝十分夠味,但個人覺得太肥了,吃了三件已經膩了,結果還是斌斌清碟。那檸檬雞件略嫌不夠汁,有點乾身,但雞肉卻是難得的嫩滑;最喜歡的是什菜粉絲"碟",菜的種類十分齊全又夠味!

看見大家也是一大圍人的飯局,十分高興呢!有機會要和爸媽試試。

Book左6:45PM，6:00早到左，先confirm左個訂位，跟住去關財記買海鮮。
買左西澳龍蝦約1斤7兩，3隻大連鮑魚。買海鮮共$330。

跟住自己攞返去興記。

1)上湯龍蝦衣麵底 – 2樣加埋上枱，冇諗過1斤7 兩咁大碟。雖然唔係南澳龍蝦，但都彈牙，味道唔錯，麵都有幾碗。
2)清蒸鮑魚 – 覺得而家食鮑魚，都冇左鮑魚味。但蒸的時間都岩岩好，細路仔用隻叉叉住食，個樣食到好滋味咁，OK啦。
3)班片西蘭花 – 每次去都叫，$50覺得幾值，因為真係班片，唔係D不知名有魚鯹味魚肉。

白飯一碗。

埋單$175。加埋買海鮮，即係$505。覺得底食，有鮑魚有龍蝦有班片食，自己買料整都可能差唔多價錢。

上菜好快，唔駛8:00PM埋單返屋企。

29-03-09 興記 Sunday Dinner

朋友生日, 即日book 21:00, 幸好有位
7 人晚餐, 亦都是忠仔記買料
買料用了$520
連加工total 大概$1200
當中魚和蝦和海鮮湯的料是送的

跟第一次吃的伙伴
但無獨有偶也是7 人
上次3 男 4 女
今次4 男 3 女

其實如果會吃湯渣的話, 大可人頭數目減2 作為餸的數目標準

醬爆雞球: 因為當中有人不怎麼吃海鮮, 所以另外點了這道小菜. 不過這道菜卻不大好吃, 香味是夠, 很多韮王, 很多辣椒
但是雞肉炒得過了火, 老了

呠酒焗蠔: 乾了一點, 有點像炸蠔, 吃起來有些地方脆卜卜的, 但內裡就沒有汁了. 和日本料理吃到的炸蠔當然不同啦

椒鹽蝦: 本身的蝦已死了一段時間, 用椒鹽的方式吃起來會好一點. 爆得很香, 很脆, 蝦殼都吃了

神仙魚: 兩味, 炆頭炒球. 炆頭的部份都是先炸再炆, 很脆, 很入味, 又是脆卜卜的, 金香味美.
炒的部份用西芹去炒, 亦很香口.

蒜茸貴妃蚝: 很新鮮, 很香, 啖啖肉的, 吃起來很有感覺

豉椒炒蟶子: 幾乎是這裡必吃的, 豉椒的味道把蟶子的鮮味吊了出來

和中七同學到了興記晚餐
沒有預約, 五時半到了興記
只得最早七時半入座

在沙灘公園坐了一會
便到海鮮檔買海鮮
其中一人認識忠仔記店員
便買了$950 海鮮

然後到了最旺場的興記加工


1) 豉椒蟶子
2) 豉油蝦
3) 芝士焗龍蝦伊麵
4) 椒鹽瀨尿蝦
5) 蒜茸炒豆苗
6) 海鮮湯
7) 清蒸紅斑
8) 蒜茸粉絲蒸扇貝
9) 菓皮蒸鮑魚仔
10) 燒鵝半隻

1) 豉椒蟶子: 豉椒使蟶子本身的鮮味得以發揮, 而且很入味, 豉汁濃, 用來撈白飯最好

2) 豉油蝦: 蝦很大隻, 多膏, 整個蝦頭也是膏, 一定要'損'先可以吸盡箇中精華.

3) 芝士焗龍蝦伊麵: 龍蝦很爽口, 多肉, 很彈牙, 很新鮮. 但略嫌上湯味蓋過了點芝士味, 芝士味不夠濃郁.
伊麵煙靭, 吃起來很有感覺.

4) 椒鹽瀨尿蝦: 這種瀨尿蝦是多蝦膏的, 蝦肉較少. 蝦膏的確很多, 整個背部都是膏. 椒鹽不足, 跟這道菜的名不相稱

5) 蒜茸炒豆苗: 豆苗不夠爽, 好像不太新鮮

6) 海鮮湯: 用料十足, 蝦蟹菜各樣都有, 但可能只是煲了不足半小時的關係, 味道很淡

7) 清蒸紅斑: 魚肉不算滑, 有點蒸過了火, 魚皮也很鞋

8) 蒜茸粉絲蒸扇貝: 味覺之選, 香濃的蒜頭味加上粉絲, 一口咬下, 感受到肉汁湧出來

9) 菓皮蒸鮑魚仔: 鮑魚仔大大隻, 相當鮮甜, 當然亦一定要撈汁. 內臟最好平要吃, 有幾顆鮑魚內臟是綠色的

10) 燒鵝半隻: 雖說是招牌菜, 卻只覺得是肉厚而已. 燒鵝本身沒有油香, 皮也不脆, 肉味更不見得特出.

6 罐汽水, 1 支藍妹, 5 碗白飯

Total $1700
即是說淨加工費約$600 多
平均每人消費$1700/ 7 = $243