72
18
23
所有分店 (1)
電話號碼
2458 8637
特色
適合大夥人
營業時間
星期一至日:11:30-23:00
付款方式
現金
座位數目
100
其他資料
酒精飲品
自帶酒水 詳細介紹
泊車 詳細介紹
電話訂座
電視播放
食評 (125)
好味海鮮燒鵝 焦點食評
新晉食家 2016-09-20
206 瀏覽
趁著中秋假期要周圍去食下好野, 星期六訂了位去興記食海鮮我們自攜海鮮, 全部都在三聖村裡的海鮮店買的可能假期加上週末, 訂了台也要再等15分鐘才有位還好座位也算寬敞 , 我們8 人, 給了1 張12 人大台~店員會將所有自攜海鮮用筒裝好一拼帶到台邊, 然後逐一下單這次遇到的店員都很正常, 不算很有禮貌 , 但至少跟單很足除了海鮮, 這裡的燒鵝都很有名, 點了半隻這隻鵝有點肥, 味道賣相都OK 海鮮上菜速度都幾快, 食左一陣燒鵝已經陸續上台豉椒炒蟶子少少辣, 蟶子肉很嫩,不會炒過火鹽油水煮蜆幾清淡又帶點咸味, 唔錯上湯龍蝦跟伊麵底龍蝦同麵都好入味椒鹽瀨尿蝦很香口~鹽焗奄仔蟹只是用鹽焗已經好好吃, 這道菜應該唔需要花太多功夫 XD蒜蓉粉絲蒸貴妃蚌蒸得恰到好處 可能今次好彩, 每款海鮮都煮得好食. 又冇甩漏,  當初都擔心假期會整得冇咁好食 煮功其次, 最重要係海鮮夠新鮮, 唔煮過火已經好好味買海鮮用了約HK$1,800興記加工費, 半隻燒鵝, 再加上點了一堆啤酒汽水 , 8 人賣單合共HK$1,500都幾抵食! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-09-14
301 瀏覽
臨近中秋,趁假日同屋企人食番餐海鮮餐慶祝,揀左興記試下。買完海鮮就入去,門面大排檔格局,入到去又幾光猛同乾淨企理喎~俾埋濕紙巾,大排檔泥講都算幾好。聽講燒鵝幾出名,叫左半隻,好快就泥。皮脆肉嫩就未算,但咬落都好juicy,肉質算實淨,無淋到一pat,味道還可以,係略嫌肥左啲同有少少雪味。一舊燒鵝都未食完嘅時間,豉油王蝦碌就勁快出場,好乾身,一滴汁都無,俾蝦殼吸晒,好脆好脆,蝦肉好彈牙(廢話~啲蝦咁新鮮~~~)不過豉油味偏咸,如果可以加少少糖調一調味應該會再好食啲。緊接住豉椒炒蟶子,俾佢拎走晒啲殻,賣相泥講無咁討好,但個人覺得呢個係今餐最好味,無炒得過老,肉質仲彈彈下之餘,濃味嘅豉汁入面食到癮癮約約嘅蟶子甜味~隔左一陣,海鮮湯到,啲料係買海鮮送嘅,有啲細魚仔同蜆肉。湯同湯料分開上,奶白色嘅湯,第一個印象係鮮,然後魚嘅泥味慢慢會滲出泥,呢個時候食番粒蜆,咸咸地又鮮甜嘅味道就會蓋過個泥味。「乜咁大隻」全枱人眼都突埋,食到半飽整咁大碟酥炸生蠔泥😂唔知脆唔脆,因為個人唔食蠔的。咁食下個薑蔥胡椒炒鮑魚啦,「嘩」真係大嗌!好!咸!呀!咸味蓋過晒鮑魚本身嘅甜味,有浪費了好食材嘅感覺。順帶一提,成個餸條蔥最好味。最後一魚兩食,先泥炆頭腩,先炸後炆,醬汁比較濃味,魚皮同炸漿煙煙韌韌,吸滿醬汁,要泥送酒唔錯。第二食叫左炒斑球,呢個好有香氣同埋炒得幾好食,咸味較重,之但係咬開見到一梳梳嘅魚肉,肉質又滑,食完心情大好~總結呢間海鮮加工嘅大排檔,地方企理冷氣又夠,服務都算幾好,呀姐好好耐性同我地落單,食物方面,味道平均,略嫌偏咸,但整體都可以接受。 繼續閱讀
(以上食評乃用戶個人意見 , 並不代表OpenRice之觀點。)
星期六中午去食,來料加工,一入去就sell人哋要燒鵝,見招牌菜起初唔太為意叫了一份 ,一上菜賣相已經好差,咬落去無肉好油,塊皮冇彈性,好戲在後頭,面頭三舊己無乜肉,下面更加精彩,全部都係千年油加皮,你俾返噚晚賣剩嘅都算啦,唔使砌一碟皮同骨俾人掛,起初好好聲氣同啲一般職員理論冇人理扮聽唔到,跟住有職員話係例牌,一般都係肥d,之後我地已經全部人情緒高漲火到爆,那個高級啲四眼佬態度極度惡劣,話應該一上菜就出聲話,食咗冇得轉,大佬食咗一舊已經出事,點知下面一層會中晒伏,反問佢我請返你食你食唔食?佢答唔出,再問佢攞出去比隻狗食唔食?佢又答唔出扮聽唔到,全程食到爆火到無可再爆,收人地$130一碟尋晚賣剩嘅骨有冇良心架,大排檔收人地酒樓價錢比垃圾人,好過去搶來料加工,豉油蝦炸都好似乾屍咁又無味,炒聖子唔知一半肉去左邊,啲殼就原銀奉還俾你,薑蔥炒蟹,蟹膏又係冇左一大忽,啲蔥完全一整條放落去炒,叫加工?嗰啲所謂嘅鮮魷炒通菜,鮮魷得2件,四個人己吾夠分,啲菜又係好似隔夜咁,油都好似冇換過,千年由再加水 整體員工態度都非常惡劣,特別是疑似高級啲四眼男人,做生意做到咁極度卑劣其實實無下次啦,有良心?瞓得着咩?買$600海鮮來料加工五百幾你唔好去搶?最滿意氣水囉,可能都係買啲水貨俾人,除咗我地一定冇下次仲希望大家提防 繼續閱讀
(以上食評乃用戶個人意見 , 並不代表OpenRice之觀點。)