睇到有人 comment 焗豬扒飯唔得我好 surprised. 如果有朋友問我, 其他我唔敢介紹, 但我一定會介紹人食呢度既焗豬扒飯及焗田螺.

我雖然唔係成日去, 一年可能只有兩三次. 但每次都風雨不改叫焗豬扒飯. 足足有二十年 ( 唔計小時候家人星期日帶去食 ) . 色,香,味二十年如一, 無一次係令我失望, 無論堂食或外賣.

我認為佢既焗豬扒飯係現時全港最好食 : 扒面外層包住一層簿身麵包糠?( not sure ) 少脆, 係焗出來果種脆. 扒身少厚, 瘦身但好淋. 深紅色 ( 沒有半點帶橙色 ) 既汁唔酸偏向甜, 飯底應該係用蛋炒過再加豬扒一齊焗, 香軟既飯唔散, 質地及形狀有D似意大利飯但無咁 sticky.

老牌既港式西餐廳同區既有佢同皇后, 天后區還一間叫英皇餐廳. Queen's 巳轉營左好耐, 味道亦一齊轉哂. 天后英皇餐廳亦結業多年. 小時候星期日去可以食一個黑椒牛柳或到太平館食燒乳鴿瑞士雞亦簡直令人興奮, 最怕話要去飲茶.

今時今日食扒有好多 choices i.e. Outback. 但如果你用 Outback 既扒 compare to 黑椒牛柳或金雀安格斯 then it's not fair.

響金雀你大至上會見到四種類型既客人 :

第一種係六十年代既人, 一塊牛柳的確令佢地最回味無窮.

第二種係第一種人生既仔女, 我係其中之一, 佢地會帶住自己既男女朋友, 老公老婆甚至仔女朋友公司同事. 回味小時候之餘亦希望身邊人任一起感受到.

第三種係因為花樣年華及2046而慕名而來既朋友.

第四種係遊客.

的而且確, 花樣年華及2046才令金雀廣為人知, 但其實我想講既係, 響花樣年華及2046, 黃家偉應該冇講過金雀每一樣食物一定好好食. 如果你係第一二種人, 你應該都唔會叫花樣年華餐或 2046餐.

雖然金雀下面寫住牛柳之家, 但我只會推介金雀既焗豬扒飯, 因為真係自己食過之中最好既. 佢既牛柳, 牛扒或安格斯 rib eyes 我都有食過, okay 好食, 但響今時今日 openrice 裡面咁多掛正主打菜式既餐廳, 金雀下牛柳之家既主打, 同某D響呢度 search 到既乜乜出名餐廳一樣, 唔算特別出色, 但百幾蚊貨式就算交足功貨. 反而, 最震撼我既仍然係佢比牛扒更平既焗豬扒飯.

從來都只係上黎Openrice.com齋睇唔寫，但食過呢間金雀之後，真係無論如何都要同大家分享一下。

琴晚去開銅鑼，灣就上Openrice.com睇下有咩好食。Click到銅鑼灣專頁，見倒介紹銅鑼灣食扒既餐廳，見倒金雀呢間老牌扒房就想試下，預期同金鐘既樂意差唔多。

諗住咁出名要book位，打去話2個人唔使book架喇，咁就早d七點左右去到。的確唔使等位，地方都算大，好多位。d人都尚算有禮貌。

見咩正餐、特餐無咩心水，2個人分別嗌左個鐵板鴕鳥肉扒餐(大概$110)同芝士焗龍蝦拼牛柳(大概$170)。

睇之前既食話羅宋湯唔錯，就揀左1紅1白1。的確紅湯幾出色，白湯就係一般老牌餐廳既白湯，不過不失。但個餐包就係涼的，唔算冰凍亦都唔係石頭咁，但絕對唔係好食。

到主菜上，個鴕島肉扒賣相其實唔差，但一食落去就嚇死人！薯條係完全冰冷，鴕鳥肉基本上都只係微暖，完全係靠塊鐵板既溫度，但餐廳冷氣都算幾凍，成份餐轉頭已經凍晒。鴕鳥肉唔係扒，係鴕鳥肉柳，份量好多，肉質都可以，但問題係完全無味道！唔熱，無味道，但份量奇多。

至於龍蝦牛柳，再次唔熱既。龍蝦肉質極梅，煮法係拆肉撈火腿粒炒蛋，再鋪上芝士焗。幾乎食唔倒一點龍蝦味，唔以為食緊有怪味既炒蛋，非常失望！牛柳算係最正常，上菜時都已經係微溫，但食落起碼有點味道。

正餐(約$95)、特餐(約$85)都配甜品，但我呢2個相對較貴既餐反而無。餐飲就係一般老牌餐廳質素，不過不失。

另外餐廳做緊$12一支細生力啤酒。平時從來飲生力，都嗌左支飲下下火。

大部份幫襯既都係街坊打工仔打扮，絕對係唔想點花錢、又可以食下扒、對食物質素無要求岩黎既平民餐廳(但如果係咁我會情願去茶餐廳，價錢唔使一半但都仲好食)。

上星期六同朋友們, 一行五人食lunch, 下畫3點半入到去, 仲有幾圍人.
我地order 左個 set lunch + 2046 餐 及花樣年華餐.

前菜有:
周打魚湯 - so so
忌廉 - 無味, 唔濃.
羅字 - 好味
焗田螺 - 好味, 著蓉好味.
焗青口 - 好味
大蝦沙津 - 好味.

主菜:
牛扒 - 唔掂, 無牛肉味
雞扒 - 唔掂, 都係無味的.
羊扒 - 有D蘇, 但反而係最好食, 因為有味道
龍蝦 - 好失望, 我地以為佢原隻上, 點知佢將D肉起出黎mix 左其他野再一齊焗, 我地都懷疑D肉係咪新鮮, 因為煮到一 pat pat 咁....食得出係龍蝦黎既,但食唔到鮮甜效果.

總結 : 試一次夠晒, 唔會再食~~

今天難得同爸爸一起在銅鑼灣,當然食一間舊餐廳...金雀,因為我都未試過..哈哈..點知..入去裝潢很開心..好懷舊,仲有2046海報

叫左一個全餐,一個特餐,一個乳鴿海鮮飯餐

紅湯好多料,白湯水d

焗石斑都ok,不過汁唔知咩味,又不是不好吃..好彩不"梅"

牛扒加炒飯(加好似5定8元),牛扒係幾好,不過好細,細過女仔手,炒飯好濕,不乾身..

爸說意粉不是不好吃,不過肉醬不好吃,但佢係食肉醬意粉..留左一半肉醬..總體冇咩芝士味

乳鴿..唉..皮都算脆.不過好少肉..一定係營養不良..不過都$110家...

海鮮飯....冇味,石斑都係果d,所以OK,有幾隻蝦,一隻青口同好濕的炒飯

雪糕都幾好..有奶味..

總結:比我見到2046海報同裝潢..不過我都係去返前一條街的太平館..起碼食過幾次,CWY同TST分店水平都一樣....

和媽午餐, 叫左個set lunch, o黎到牛扒之家, 當然叫牛肉食喇!

先上個羅宋湯, 一如以往, 好有水準.
之後塊魚, 加上d 粟米,
煎得唔油, 仲係加左d 蛋才煎的, 有d 蛋絲, 香口d , 也不錯.

塊牛真係好細... 之前落單又冇問我要幾多成熟, 俾人一種 "好危" 的feel ....
牛扒之家呀....

一切開, 7 成喇. 肉質都算不錯.
叫左蒜汁, 唔要黑椒;
蒜味又冇乜.

飲凍檸茶, 正常.
服務ok.

不再有果種令人食完想再來的感覺...
係塊扒不再特別又縮左水的關係?

第一次幫襯金雀，叫左一個全餐 ($85蚊) 揀左肉眼扒 + 一個蝦王牛柳餐 (星期六呢個餐做特價$105) 作為晚餐， 2 個人食岩岩好，無咩食淨。

羅宋湯好多料，忌廉湯放左 d 麵包粒都幾好食 ^^

全餐無用鐵板上，但係唔係唔熱 ( 同上一篇講既唔同)
而且塊牛扒係煎過黎既，所以好香口，但係唔乾身
牛柳餐用左鐵板上，算幾厚身，另外大蝦都有蝦膏，有鮮甜味，抵讚。
我覺得咁既價錢係銅鑼灣食扒已經算唔錯了
因為佢好食過扒王之王好多 !!!

餐廳怖置得好懷舊 feel
好似花園餐廳既浪漫版咁
卡位張檯好窄身，岩 2 個人撐檯腳咯
如果 4 個人黎既，唔好貪坐卡位啦，應該會唔夠放野食

不過要留意既係，其實個餐牌一早就寫明個餐有無跟雪糕
( 唔係全部餐都有跟，要自己睇返咯~)

１．環境：燈光陰暗，四人座位完全坐到好迫．
２．服務：是是但但唔多聽客人指示，就行左去．未食完既野又幫人攞走，想趕我地走喱．打電話黎訂位，話四位唔可以book，咁點解我地未走又放個reserved牌係度既？
３．食物：比垃圾更垃圾，凍冰冰，野食用左千年油黎整咁樣．
３．１麵包：凍冰冰，
３．２羅宋湯：水汪汪，唔好味．
３．３粟米魚柳：舊魚好un，又係凍凍．
３．４焗豬扒飯：又話係招牌菜，唔係卦！睇落都唔係焗既樣，失望＋O嘴．
３．５鮑片雞絲意粉：連螺片都不如，連齋鮑片都好過ｄ唔知咩片．
４．抵食：大把茶餐廳好食，又抵ｄ．
５．衛生：有蚊chi陪你用餐，多麼的romantic．

屋企班食肉獸生日，又話想食又話想有野睇，
好就去金雀啦，話曬佢都係拍花樣年華既地方，
睇個場都好懷舊啦~
有大有細，佢就比左個大地方我地，見我地迫，仲推埋隔離既檯等我地舒服d，
真好服務呀~
當然個個都係要佢既香濃白湯啦，唔係講少唔係講玩，個湯有雞絲，仲有脆脆麵包粒，個稠度適中，入口香滑，無奶酥味~
多士加牛油同沙糖點佢既湯，嘩正呀~
咁多人，大家鍾意share多，就要左:
1. 2046- 個沙律係白色汁淋面，兩個車厘子放係兩個生果球既中間，個樣令人有無限暇想orz 個汁酸酸甜甜還可以，龍蝦嘛?食唔出....
2. 海鮮飯乳鴿餐- 焗飯，好夠芝士味架~隻鴿炸到又香又脆，d肉又無炸到乾曬，好味呀~
3. 七打牛扒餐- 戲玉呀~ 估佢唔到係你面前煎架，個伯伯級既侍應哥哥好厲害架~耍雜技咁，仲噴埋火，炏炏聲~睇到細路拍曬手~個牛比2046既嫩好多，仲有返個牛肉味架~
4. t-bone set- 最好味既牛呀~ 兩邊既肉無論肉既酥味，肉汁既多寡同埋肉既彈牙度都完全唔同，一塊兩個享受。
5. 羊架餐- 無特別，個汁唔夠香，個架唔夠羊味....
食完返屋企都仲回味緊個七打牛扒既表演呀~

咁耐至寫，本小姐第 1 次來咋，學下王靖雯同周慕雲鋸番個聖誕扒先!!!

餐湯：雞絲忌廉湯 + 羅宋湯 ~ 羅宋湯超多紅蘿白同椰菜，有牛肉添，起碼有菜食下，全肉好辛苦架，而雞絲忌廉湯有脆脆麵包粒，雞乜鬼絲 ... 其實係雞肉碎，望落 ma ma 地，味道就唔知


西冷牛扒（朋友）$95 ~ 6 成，BBQ 汁，碟上，真係好鬼大塊，長過手板，雖然話係 6 成，但似 7-8 成，切開無見紅，肉質咬落較實，牛肉味不太濃，落單前問過阿姐意見先決定（實物同阿姐講 1 樣），始終碟唔及鐵板，感覺爭少少，不過炸番茄又幾新喎，同埋個汁 + 堆磨菇片淋上塊扒後成個觀感 fit 哂


美國安格斯肉眼扒（本小姐）$140 ~ 落單阿姐話好美味架，6 成，超多黑椒汁，熱辣辣鐵板上 perfect，眼見塊扒兜住哂 D 汁就知我呢份仲大，大家都係 6 成，但切開個心仲見到嫩肉得黎無血水，肉質較林且牛肉味濃 D，激中意呢種口感，阿姐果然無介紹錯 ... good3


紅酒 @$40 ~ 開頭未 breath 夠有 . 酸，稍後食 D 肉再飲就覺得 OK，只係靚紅酒唔會向呢度飲到，no comment


餐飲：熱檸水 ~ 太飽，只飲幾啖

金雀....很久都沒有來了, 今晚原意是去隔條街的新寧, 但沒有位, 只好留下電話號碼, 等他通知. 跟住走來金雀碰碰運氣. lucky! 剛剛有客人正要離開, 不用等了!

其實最怕食那些港式餐廳"哪"過既"扒", 所以ordered 咗一個大蝦餐, 友人就一個雜扒餐, 再一個side order 羊鞍. 個set 係包括有, bread, soup, entrée and drinks.

cream corn soup: 真係沒有什麼味道...自己+鹽+pepper 啦
prawn : okay 啦, frozen prawn, 但at least D 肉唔係"霉"的
雜扒 : 夠多loh!! hahha, 一定飽
tea : not good, 無茶味
coffee : not good, d 啡好"劫"

同男朋友第1次黎食~

間野無咩特別~
有幾張poster...有d聖誕佈置...同一般西餐廳無分別!

d檯好矮~飲湯時有d辛苦~

d侍應都係用普通話談天~服務無咩好講~


我叫左個駝鳥肉餐~$115 (無甜品)
份量好多@@
不過d蒜蓉汁整到好油~好肥~
鐵板又唔夠熱~
駝鳥肉無味!!!!
食左兩件就唔想食>.<
都唔知自己食緊咩....

個白湯...一d雞絲都唔見~得兩,三粒肉粒仔....成碗野無料架=.="...
味道都ok既....
多士唔夠熱~牛油又硬~跟本塗不上去=.="
凍檸茶酸,無味,唔甜,細杯~差~

男朋友叫左個羊膝餐~$98

佢話好食~份量多~
唔"so"~d汁又不會蓋過d肉味~
唔錯!!

羅宋湯~無大家講到咁正~
不過味道不會太酸~都唔錯~

凍奶茶夠茶味~好飲~

今餐一半一半啦~
可能下次黎食牛會好味d.......
唔會再食駝鳥肉!!!!!
不過份量夠~
俾個笑啦^^

因為本身唔係香港(島)人,係朋友話佢出名,所以就試吓.原來出名係來自此餐廳拍過2046同花樣連華,hehe,真係有眼不識泰山.

朋友就極力推介,但我覺得普通好食,又未至於唔好食.我叫左常餐,個牛柳要7成熟,都好琳,而朋友們都叫鐵板燒牛扒,份份都好有份量,味道是ok的,只可以講句比花園餐廳好食,但又比花園餐廳貴.反而我鍾意個忌廉湯放左d麵包康,脆卜卜,好得意.

同朋友兩個人來這餐廳飯聚, 最初純粹是友人想去一些懷舊茶餐廳, 拍拍照, 貪此餐廳環境氣氛也是懷舊裝飾, 又有[2046] 作招徠, 抱著懷舊的心態來試的。

個人來說, 我甚少吃牛肉, 所以有牛肉味, 鮮嫩, 五成七成熟, 牛柳或西冷, 我一概也沒有深入的研究。
故此我點了一個牛仔柳餐, 加少少錢可以有一舊魚柳。

首先要了羅宋湯, 之前睇食評指羅宋湯很足料, 抵飲!!
果然如此, 真的有很多蔬菜, 雖然以茄膏調味加色, 不過仍然是比其他茶餐廳出色。

餐包有微暖, 快快搽上牛油就吃下肚。

好快就有玉米魚柳奉上, 玉米沖很杰, 帶糊狀, 不好看不好吃。 魚柳屬一般貨色, 急急吃完, 求求其其, 算收貨的。

好快就有牛柳食了, 數一數, 有成五件牛柳之多, 每件也有一定厚度, 算是交足功課!!
切切切, 未算是難切, 但有筋。 只好選沒筋的部份吃, 比較好咀嚼。 不知道牛肉是不是一定有一股羶味, 本人有點不太可以接受。 五件牛柳飽到只可以吃下三件, 真的太多了。

最後加上一個雪糕作結, 味道略甜, 清淡一點就最完美了。

**ps 洗手間比我想像中乾淨清潔, 所以衛生加分不少

地方幾迫, 唔好以為仲有王家衛嗰種(浪漫)FEEL
食物唔錯, 會再嚟

羅宋湯 煲到好似老火雜菜湯, 食咁耐西餐, 未試過咁正, 必試
全餐多舊魚, 其實係新鮮石班, 正
牛扒有肉味, 不過間中會太熟, 可以試下叫佢換
甜品JELLY好早賣晒, 要留定好D
傳統凍餐包比較硬, 如果可以叮熱或者鬆軟D會好味D

晚餐/全餐主菜原來可以改,唔問唔知, 記得問下

跟花樣年華粱朝偉鋸扒@銅鑼灣金雀餐廳 2046

http://hk.myblog.yahoo.com/goodboy_philip/article?mid=38060


眨下眼原來成兩個月無寫 "好唔好食又睇落去" WOH! 大家一定 "瘦" 左好多! WAKAKA...我都唔想架...去東京番黎又要追寫之前既 SMAP TOUR 東京遊, 其實我無偷懶唔食野, 只不過最主要都係忙到 HIGH HIGH 無時間寫...因為寫一篇"好唔好食又睇落去"唔係求其 POST 幾幅相寫幾句野就算呢...人家有心血架...好喇! 11月開始寫番, 黎黎黎一齊去"食"餐勁, 今次用心少少, 0係 D 相度加料補番數!
 

話說某晚做野做到十一點幾好想去鋸扒 WOH! 大佬...夜媽媽十一二點邊度有得鋸扒? 當我正想放棄走去食 DORAYA 食吞拿魚飯既時候, 經過金雀餐廳! 望望營業時間至一點 WOH! 即刻仆入去啦! 仲有梁朝偉陪食 TIM!  好唔好食又睇落去?
 

地址: 銅鑼灣蘭芳道13-15 號地下
 

當年王家衛既花樣年華同 2046 有幾段0係金雀餐廳拍, 餐廳裡面除左有強烈電影感之外, 餐廳牆上仲有 "梁朝偉同張曼玉" 戲內食飯既橫畫。
 

想當年睇 2046, 真係睇到我洽眼訓 ...直至見到木村個蛋撻頭先醒番 D...好難怪木村媽到王家衛飛天, 老老實實我真係 R 哂頭, 恕我唔識欣賞個劇情...不過戲內場景同燈光處理真係拍得唔錯!
 

A...唔好以為今次 D 相影得唔好, 不過加料玩下 EFFECT 咁配合下王大導既 STYLE 姐!
 

坐低0個陣十一二點, 得番兩三枱客, 仲有自由行0係度影相, 咦! 我都影緊相...
 

置身王家衛電影既世界...望住個鐘, 0岩0岩十二點鐘...我要你記住呢一分鐘...(呵欠)
 

2046 同花樣年華餐你點揀?
 

十幾種食法, 我比較鍾意 PURE 既牛味, 所以點左個椒鹽牛柳! No sauce 簡單最好!
 

羅宋湯牛尾腍, 唔駛落胡椒, 夠哂味! 食住牛油多士, 正宗舊式扒房餐廳配搭!
 

沙津唔馬虎, 蔬菜真係一大兜!
 

仲有魚柳, 粟米汁有火腿粒, 仲有奶油甜味!
 

野食相唔攪 EFFECT 比大家睇 "全相", 店內背景相就攪下鬼啦!
 

支支支...牛柳兩塊五吋半 X 三吋 X 一吋厚, SIZE DOESN'T MATTER, 最緊要好味!
 

食牛柳, 要見紅, 鐵板太熱, 要搭0係薯菜上避免變熟啊! 唔落汁, 加 d 椒鹽已經好好味!
 

BB 豬啊...擘大口...等我餵你食一啖...
 

係咪好好味呢, 肉汁香濃, 牛味豐富, 咬落又鬆軟...唔...唔...唔...
 

黎杯涷檸水, 清一清, 未飽 ORDER 多個...
 

栗米牛脷, 其實我鍾意厚切既牛脷多過薄切六塊, 因為食厚厚牛脷既口感好得多呢! 食埋個細薯仔唔再餓 LU!
 

時間0岩0岩好, 食完! 有禮既侍應仲比我周圍行下睇個夠, 做埋我呢個客就打烊!
 
環境: 4  (上一代既扒房裝修, 保養好而又整潔, 電影場景下進餐, 別有風味。)
衛生: 3.5  (清潔整齊, 從餐具調味料擺位至筆直枱布可見!)
服務: 3  (女侍應 HELPFUL 健談態度好!)
味道: 3.5  (MEDIUM RARE 控制好, 預算左上鐵板時熱度, 就算邊食邊切都唔會變得太熟; 牛柳質素亦唔錯!)
價錢: 3  (一個牛柳餐加一個牛脷, 二百幾元; 百零元一個牛柳, 轉 SET 加幾十元, 銅鑼灣區合理!)
最終評分: 3.5   牛柳質素, 店內裝潢, 價錢服務, 整體唔錯, 值得一去啊!
金雀餐廳,金雀,扒房,2046,花樣年華,梁朝偉,王菲,張曼玉,章子怡,好孩子,日本,木村,木村拓哉