看見openrice有訂坐電話，可是打去店員稱老闆已取消訂坐服務。
沒所謂，二人六時到達，不用等位但要搭枱。

點了出名的蟹粥和炸八爪魚丸，另外點了蒜蓉蒸大蟶子($35隻)，炸白飯魚和蜆肉春卷。

先上的是炸八爪魚丸，外表ok, 吃下會覺得平平無奇，而且太多胡椒粉。

再來是蟹粥，上枱時仍滾著，我吃蟹蓋，糕是有的，但不多，可能不是合時，我覺得蟹糕有點生，可能怕煮得太久蟹肉不夠滑吧...吃第一碗，我把蟹蓋的蟹糕全部混進去，很好吃，但之後的粥充斥著味精和胡椒粉味，蟹應該是新鮮的，加了這麼多調味實在是浪費了！

說說其他，蒸蟶子，好吃但有些許沙，不貴也不算便宜，男友說名苑也是$35隻，只是這裡沒茶芥加一。

炸白飯魚，香口，不過只有少許($29)，可能白飯魚是貴的食物。

除了蟶子，我覺得蜆肉春卷不錯，外面未吃過，香脆又多蜆肉。

吃完之後舌頭都被味精弄到痺痺的！可能店子白天是做茶檔，習慣了多味精，其實海鮮本身新鮮的話，不放也很好吃！

全晚都有個疑問，為何蟹上的糕仍是完整地"依附"著蟹蓋蟹肉，整煲粥會金黃色，好像很多蟹糕混和一起煮，男友說可能粥底用"上湯"煲。

膏蟹粥二人份量
砂鍋黎到時仲係bulubulu...滾熱辣，
正呀!!!!!!足晒料，隻蟹唔細同埋好多肉呀，
肉質鮮甜蟹肉多之餘膏仲勁，我翻轉個蟹蓋嘩左一聲，
真係好多膏，好滿足呀
******************************另外叫了炸八爪魚丸

現時天氣時凍時唔凍，其實我是怕熱一族，所以會喜歡凍一點。在寒風刺骨的日子裡，有什麼比吃到一碗熱辣辣的煲仔粥更好呢？就在這段時期，位於紅磡的生記就是我會慕名而去的地方，他們的生滾蟹粥會以砂煲送上，吃後一股暖氣湧上心頭，登時十分暖洋洋。太約七時左右到達，等了半個鐘左右才有位。這兒的環境比較地踎，枱與枱之間亦十分擠迫，但大家也不會介意，只求快些可以吃到那煲美味的蟹粥。我亦不例外，點了一煲「鴛鴦蟹粥」，什麼是鴛鴦蟹，其實是膏蟹及蜆。蟹粥上枱時，粥面不斷有泡泡爆出，是何等的滾燙。粥底呈淡黃色，尚算軟綿，充滿膏蟹鮮甜的味道，還夾雜著蜆的鮮味，相當不錯，而蟹蓋上裹黏著不少蟹膏，實是好蟹人士之福呢。我等為食人士又怎會安於只有一煲粥，還點了炒麵、籠仔蒸飯及不少小食。先是很快便售罄的「蠔仔水晶粉卷」，這碟是已是最後一碟。一咬開粉皮，便有為數不少鮮甜的蠔仔在內，味道不錯，而粉皮亦算滑溜，只是覺得可以薄一點更佳。當晚的焦點除蟹粥外，另一卻落在「自家製蜆肉春卷」身上，香脆可口的春卷皮包著極多的蜆肉，差點兒爆出來般，咸鮮味十足，蘸上少許喼汁，實在是推介之選。本來想試「肉燥蒸茄子」，可是沒有肉燥，只有另選「蒜蓉蒸茄子」代替，神奇的事情又再出現，蒜味不重，但茄子卻十分好味，原因在於豉油的調味很好，一點也不咸，令沒有味道的茄子變得鮮味起來。吃粥配炒麵是早餐的組合，我也不放過這兒的「豉油皇炒麵」，事情卻很奇怪，有炒麵的香氣，但卻一點也不乾身，還很濕潤且油膩，對於這個有點失望。接著便是「籠仔象拔蚌仔蒸飯」，這個也是較為普通，雖然少少一籠已有四隻象拔蚌仔，但飯粒的情況有點不濟，炒飯底的軟硬度近乎泡飯，表面有點濕潤，但內裡卻有回硬，亦有點像生米般，很奇怪的感覺，幸好象拔蚌仔夠鮮甜，拌上的粉絲吸入蒜味後，亦不錯。最後的反而是「油鹽水浸蜆」，與平常加入了大頭菜等等配料煮成的湯有很大分別，它彷彿真的只用油、鹽及水煮出清湯來浸蜆，味道淡淡的，幸好蜆肉夠鮮，否則真的不想吃了。吃完所有野之後，還有點意猶未盡，但奈何實在不能再吃了，所以便將那些小食留待下次再來吧！價錢方面亦算經濟，只是五百多元，已經非常飽。

電視節目介紹，便來試試，幸好份量偏少，可試多點不同食物。先上椒鹽白飯魚，即叫即炸，新鮮熱辣，外脆肉軟，好好味呀！煲仔蟹粥，必叫之選，蟹味香濃又多膏，可是煲底燒焦了，可惜！蠔仔春卷，很驚喜，皮脆，餡料多汁，讚！串燒雞皮是我的最愛，這裡都不錯，愛雞皮的可以一試。冬蔭公浸蜆，酸辣的湯底引出蜆肉鮮味，不嚐辣的我都忍不住吃，友人更喝掉整鍋湯呢！

整體食物不錯，但必需有耐性，各種小食都令人驚喜，反而馳名蟹粥只是一般。

因為比小宜佢地賣一賣廣告... 等位人數多...
因為人多，廚房做唔來... 上菜好慢... 所以第二轉等位會仲慢
好彩我同朋友仔2個早去...7點到... 都叫第一轉
但都要等45分鐘先有位
後面來的仲慘... 一等再等...

叫左蟹粥~~ 110蚊 ！又真係幾好味... 好鮮甜...
新鮮係真的~``蟹鮮味滲入粥到！必食

另外叫自家制蜆肉春卷、炸八爪魚丸、蠔仔春卷
不過蜆肉春卷、蠔仔春卷就鹹在dd，可能真係人多...
炸八爪魚丸都係普遍，唔算太特別
但算抵食
會再來

紅磡的曲街及老龍坑街一帶，以往只會令我想起殯儀服務。 的而且確，我上次去這附近，就是為了這些事而來，沒想過，一年後，再來這裡是吃晚飯。

生記原本是一間街坊知名的普通港式大排檔茶餐廳，近兩年因一連串的雜誌及電視節目的報導，令這街坊食店成為名店，今晚幫襯時，要等差不多半小時才能入座。

生記的鎮店之寶是膏蟹粥，我亦不能不試這蟹粥以大瓦煲上枱，足夠我們五個人吃。 這煲果然落足料，有齊蟹蓋及蟹鉗，足有一隻完整的蟹，又落了頗多的薑蔥。 粥很鮮味，又有很濃的清甜蟹膏味，像吃蛋黃粥似的。我吃時在想怎樣煲這蟹粥才有如此膏味呢，我估蟹膏跟蟹可能是分開地放的，蟹膏跟米飯一起煮，融和後才能令粥充滿蟹膏味。

今晚另一焦點是這籠象拔蚌蒸飯用蒸籠煮飯，真的能令飯保持原味。 這籠飯有濃厚鮮味，也有點鹹，柔軟度適中，但可惜象拔蚌就略微太硬，可能蒸得稍為過龍了點。

另一味是蒜萁蒸聖子，很鮮甜美味。炸八爪魚丸，頗香脆，內有粒粒八爪魚，小朋友最喜歡。這味蠔仔春卷，每件春卷都有足料蠔仔，份量十足。吃了那麼多海鮮及煎炸食物，要吃點油菜清一清腸胃。今晚五個人吃了六道菜，如此豐富海鮮餐，居然只是六百多元，很抵吃。

但環境方面，並非人人可以接受，來這裡吃飯，就要市井一點，切忌穿名牌華衣手袋，如濺污了你就不要怪責人呀。

成日見雜誌介紹生記老坑, 秋風起之際我地兩口子決定到此一試 事先好彩有訂位, 去到個陣已經有人等位, 之後仲要勁多人, 如果無訂位就大檸樂啦 入到去非常擠迫, 事先聲明如果對食物環境有要求就一定唔可以o黎, 因為佢係比大排檔更Dirty 我地好快點左4樣野: 奄仔蟹粥 奄仔蟹粥即係用未受精的蟹整o既粥, 蟹羔顏色呈鮮黃色, 味道鮮甜羔質感又滑, 食落非常咁鮮味, 但係就唔多羔! 雖然粥底本身未夠滑, 但蟹鮮味滲入粥到, 正 蠔仔春卷 除了美味, 還是美味, 味道就唔多講, 只係可以話去食唔點呢個就一定後悔! 反而提提大家下次去食記係用生菜包住食, 口感一流 冬蔭功浸蜆 冬蔭功湯略淡, 蜆肉亦較細粒, 可以放棄 豉油王炒麵 起初諗住太多唔叫, 但食落麵身軟, 炒得有火喉, 用粥送o黎食一絕, 推 秋風起, 除左去一眾酒家歎大閘蟹之餘都可以到生記食下奄仔蟹

本身住紅磡，平時搵野食上OPEN RICE, 見咁多人讚，老婆又非常鍾意食蟹粥，今晚一於試下佢。
6PM 去到，冇乜人，唔洗等位。鋪頭賣相認真唔掂，細間、殘舊又污糟。差過一般茶餐廳。
叫左蟹粥，鼓油王炒麵，八爪魚丸三樣。 八爪魚丸先上，夠熱但冇味，差過預期。唔食冇捐失。
跟住蟹粥，蟹算OK但唔係羔蟹黎既，冇乜羔。粥底非常普通，唔明點解咁多人讚！ 一d都唔覺佢有乜好食。
麵最後先黎，味OK 但幾油下。都係果句，唔食冇捐失！ 埋單175蚊唔算貴，老板娘態度ok 但幫唔到暋加分。名過其實。唔會再幫襯了。

再黎食
之前已經食過1次 真係好味 再黎
8點多, 坐滿人 連門外都坐埋

2個人叫左一個2人蟹粥,蠔仔豉油王炒麵,炸八爪魚so

蟹粥 $110
用瓦煲上 d粥仲係度滾緊
足足1隻蟹
d粥當然都夠綿 真係好好味
係嫌多左d蔥

蠔仔豉油王炒麵 $68
好多蠔仔呀 )))))))))
仲要大部分都係脹卜卜 好肥美
唔會好咸唔會好油
呢個價錢真係幾抵

炸八爪魚so $29
炸八爪魚so = 炸魷魚so????
呢個雖然都好味,唔會好油
炸得又唔會好粉
不過就唔太抵
得3條左右

唔知係咪我記錯價錢呢?? 佢收左我$215既……

老闆娘對客人既態度就100分
就伙計就…. 差d喇

成日聽到佢喝個伙計既

蟹王朋友之前來過這裡, 成日向我推介, 兼拿某報紙的訪問給我看, 看相片好似好好食咁, 7月底有時間, 約左3個朋友去試下, 看看味覺是否同視覺一樣 ichiban

住紅磡的朋友帶我地去, 由紅磡火車站天橋向 '大酒店' 方向行, 經過紅茶館, 行入必嘉街, 再轉曲街行, 就見到老龍坑街排食店, 唔駛問邊間, 我地見到一間茶餐廳格局的門出外有幾個人在等位, 就知道係呢間, 我地4個人等左10分鐘到, 就有位了.

因為我地超仲意食蜆, 所以食左雜鈉錦鮮蟹大碗麵, 泰式炒蜆, 同埋蜆肉春卷.

估唔到 D 蜆勁鮮, 肉地厚, 又無沙, 超讚!!

價錢係大排檔價, 質素超班, 我地 D 蜆王, 蟹王一定會再來~~

P.S. 大排檔, 家庭式經營, 撲實, 低調 @ 紅磡舊區......久違了的舌尖上的香港味道