去过三四次了，不过之前都不是我埋单，也不清楚价格。终于有大学同学带女友来香港旅游下榻富豪香港酒店，我要尽地主之谊，自然就想到了富豪金殿。

酒店餐厅嘛，环境、装修、服务自然都没话说，座位宽敞，大厅明亮气派，waiter的普通话和英语都很流利（这一点对于我这种不会粤语的人来说很重要！）；人比较少，适合朋友谈天，可以预定，不必拉着朋友一起排队，哈哈

言归正传。我有regal card，所以不仅所有菜品都可以75折，而且还有一些特价菜，就是菜单上带*的，可以有55折（下面我会标注）！有的菜的名字记不清了， 凑合描述一下了，哈哈

带子西兰花，带子很大只，也很多，我喜欢；
菜单第一页厨师推荐的一个什么大虾，用咸蛋做的，非常好吃，也够special，有几只记不清了，反正我们五个人是够一人一个了；
花胶和蔬菜在一起的一个汤，这个用会员卡有55折，很清单，花胶分量够足，配上55折的价格，很划算；
一个鸭肉做的菜，最外面是炸的，里面得上层是芋蓉下层是鸭肉，一点都不油腻，这个也有55折；
一种烤的鸡，是推荐菜，外皮烤的非常非常脆，鸡肉的味道也好，在很少机会吃到正宗北京烤鸭的香港，这个倒是可以暂时替代一下，所以我每次来富豪金殿都要这个。这个也是55折；
一个什么虾的面条，很鲜美，我喜欢——突然发现一顿要了两个有虾的菜，失误失误～

好像就这些，我们5个人——除了我以外的四个都是刚从迪士尼回来饿到不行的——吃到撑也没吃完，只好打包。如果少要一个菜，应该就比较合适了。

埋单940多蚊，很开心！

拿著生日coupon去試一試米芝蓮一星餐館，兩個人吃了以下的菜色
珍珠東星班片-珍珠是蛋白及魚蓉做的，就是前一食評那個，好味
羊肝菌皇子鴿-鴿的肉質軟，似是鮮鴿做，味道見人見智
龍蝦麵(兩客)，每客有半隻龍蝦仔，大小尚可，龍蝦新鮮煮得剛好熟，好味
粟子布丁，一般
月餅(免費送的)，蓮蓉不夠軟滑
綜合來說，菜色用料好，味道也不錯，不過沒有太大驚喜
個人有coupon又有七折，所以只吃了二百幾，好抵，原價我想要七百左右。
普通菜色一百元左右，酒店來說不是太貴吧。

生日那天,看見office裡 的notice board有人貼上一張三百蚊富豪香港酒店中菜coupon,正當苦惱找那裡吃好野但又要顧住荷包的兩口子,簡直像執到寶咁開心,哈哈
我兩目標是五百蚊之內埋單
--東星斑片
--東坡肉
--至愛芝士蝦球伊麵
--蒜蓉豆苗
Special order: 鮑魚,海參,魚翅,花膠

酒店中菜部果然聞不虛傳,
斑片-好唔好食一定講究條魚新唔新鮮,所以入口即知,無得呃
東坡肉-唔肥,入口即溶
芝士蝦球伊麵-上湯正,蝦夠大隻,因為蝦會易縮水,但上枱仍然好大隻,鮮蝦味,伊麵加芝士,恰到好處,即飽口但唔太膩
蒜蓉豆苗-豆苗夠嫩
Special order: 鮑魚,海參,魚翅,花膠---配合生日而點的,兩口子每人一口品嚐過而已,但製作絶不馬處,每一口一樣有佳餚的水準

最後埋單五百蚊多幾十蚊,因為記埋加一嘛,
因為平日,唔算很多人,差不多專人看守茶壺是否需要添茶,同埋茶壺下有蠟燭溫住,夠細心!
服務一流,侍應會細心留意幾時出現在你面前來招呼.

和男友在富豪酒店吃金裝海皇魚翅餐，菜單如下：

合時精選糖水--- 核桃露，不算很濃，但ok

金湯海皇生翅--- 比較特別，金黃色

XO 醬爆蝦球--- 很好吃，但只有4個蝦

鮑汁花膠扣花球--- 多汁

杞子濃湯浸班球---味道比較濃

因為男友有免費的coupon, 所以很享受。

早前公司揀左係呢度食春名,
我地成班同事都對呢間野好失望......

我地係Book左一間房兩檯咁食,
一入到佢已經有一種怪味,
好似d布之類好耐冇洗或未乾得晒既味,
又唔多夠冷氣
d野食好普通,
職員分野食又分得好唔平均,
連條魚都可以兩檯分亂晒!
(因為佢一條魚係啡色,一條係橙紅色,好似睇得出)
隻雞又係,
我地呢檯可以差唔多成檯都係分到雞亦、雞脾位置架!!

淨係叫佢地畀杯茶我都可以唔記得,
雖然職員都算有禮,
但以酒店黎講咁既服務質素我真係未見過囉!

其他都唔想再講,
又唔係收得平,
食d基本套餐都要成五千幾蚊圍,
其實講真以酒店黎講就唔係貴,
不過比起質素就好唔得啦!
總之叫我自己畀錢就唔會黎呢度食啦!

近幾年，每年我家都到這間酒樓開年，貪其地方寬倘，可以留位，有財神派利是，往年還有舞獅助慶，又就近我們各人的家。年初二，與家人十一人到這裏開年。

今年酒樓的點心菜色選擇非常多，一張點心紙，印了有差不多一百項，目不暇給，見到了未吃已經很開心。那張點心紙拿到手，便馬上‘tick‘了十多個點心。沒多久，點心便源源不絕的送上，效率很高。

富豪金殿就是跟這間酒店其他餐廳一樣，樣樣都高級酒店水準，就是食物水準普通。簡單如蒸排骨，牛肉球，或較複雜的千層糕，蝦餃（如照片中所見，怎可配得上一間四五星級的酒店呢），無論是用料，或者是烹飪，都平平無奇，亦無創新。最抵贊的也是侍應的服務，加上高高的樓底，台距適中，如果不是價錢太貴，本來是可彌補食物品質的不足。加埋一碟碟的小吃，茶芥，加一，在年初二所有信用卡都沒有折扣的情況下，飲餐茶開年真的很貴。

今年公司x'mas lunch 揀呢度食...聖誕食中菜, 怪怪的! 不過無所謂啦, 未過, 當試新lor.

食完成餐飯, 都無咩特別感覺, 無邊樣菜特別深刻. 只可以講, 味道就同普通酒樓差無幾lor... 咁到酒店, 價錢又收貴d , 期望就當然會高d ga la. 比起其他酒店中菜廳, 呢度又的確係遜色wo.


環境唔錯, 都幾靚...但服務就要再改善下啦.

收到富豪酒店四人餐的coupon(50% off),就來試試吧...

雞絲翅---味濃,真正的翅不算多,但翅皮不少,口感不錯
翡翠蝦球---蝦球大而爽,但拿到來的時候已是一般暖的,熱一點更好
鮑汁花膠鵝掌---鵝掌入味,花膠很腍,不錯
清蒸老虎斑---味道一般,還是那句,不夠熱吧
瑤柱硯菜---不過不失
杏汁燕窩---杏汁香,可惜燕窩少了點,不過以這錢價來說是差不多吧

整體來說表現不過不失,環境不錯,不過如若沒有折扣的話,我想是overprice了

舊同事娶身抱,在香港富豪酒店擺幾十席,"有幸"成座上客,同班舊同事幾年無見,當聚下舊.

擺酒都係一套方程式,有個司儀,先在大銀幕播出男女新人成長片段,再到新人上台講野.例牌野,去過多次宴會,已見怪不怪.

宴會菜式,都係例牌,先係乳豬,鮑片花膠,蒸魚,翅,最尾一定係美點雙輝押尾.流於公式化,去到我呢個年紀,出席此等宴會,又係公式化.

每一次去飲,諗法永遠希望有朝一日唔好做主人翁,他日就算結婚,在紅棉道簽張紙算數.極其量請班圍內老友吃一餐勁.或者在草地上,來個BBQ party,唔收你人情又點話?

我諗有好多人,都會好似我咁諗,但係你想就想,又邊有半斤八兩.吹漲!

母親大人生日, 我地黎左富豪金殿食晚飯賀壽. 星期三晚上, 人客不多, 由於事先訂左套餐, 所以坐低就起菜--
紅燒蟹肉翅-- 套餐當然唔期望會係高水準o既翅, 但係有驚喜o既係翅內有大量蟹肉, 肉味鮮甜, 唔錯.
金蒜蒸開邊龍蝦-- 每人半隻大約1lb o既bb龍蝦, 蝦肉新鮮夠彈牙, 伴上o既粉絲索晒d龍蝦汁, 好味.
琥珀西蘭花斑球-- 斑球用左大隻石斑, 所以肉好爽. 但係我同家姐最愛o既係伴碟o既琥珀
紅燒花膠海參-- 海參夠腍, 但味道較淡; 花膠就浸得唔係好夠.
瑤柱金菇扒時蔬-- 青菜清下喉嚨, 無乜comment.
甜品本係燕窩杏仁露, 我唔食杏仁露, 轉左做合桃露, 燕窩只係gimmick, 至於合桃露就中規中矩啦!
食物質素唔錯, 而且部長服務好周到, 唯一係份量較少, 好彩我地一家都係蚊型胃, 食晒o岩o岩好!

今日正正母親節.... 又橫風橫雨.... 撞正黃色暴雨出門口........
悲.... 成身濕晒....
訂唔到晚飯就訂了中午係香港富豪酒店3樓中菜和成家吃母親節飯.... 我都覺得
奇怪, 近年都極少吃中菜... 原來係中銀卡有5折優惠....

今日食完, d菜份量好足.... 我地15人... 有2個食齋.... 所以其實13人都好
飽兼有得打包.... 但就無拍照片, 衝忙無帶DC .... =.=

成餐飯.... 無邊道菜有意見.... 但條魚的確話正... 好滑...
仲送多個母親節蛋糕.... 但千奇要囉走唔好係道切... 一來d 菜都食唔晒, 已來
要加多100 切餅費.....

環境好唔失禮食物好價錢唔貴，是招呼生意朋友的好去處，當然家人親朋戚友一齊食餐飯亦好適合！

我二月去的, 有credit card promotion, 白金咭有30% off, 所以都好底食, service 一流啊。even 我地有多煩都好willing to find out solution。
而且冇乜人, 好舒服又夠靜, 唔似一般酒樓嘈到死
。
到食啦, 佢地個口水雞好正, 好麻辣(可能個menu
冇寫我都唔知佢係辣)
不過佢有個叫乜乜菊花魚,其實係糖醋桂魚, 來到
個買相一流, 佢起晒d 魚肉, 好似螺絲咁,佢重留
返個魚殼(重有d 肉的)係炸了的, 加埋個汁, 真係好得架,我屋企就連魚頭都食埋hahahaha...
個mango pudding, 同一般酒樓差好遠, 又滑, 又
多mango, 可能佢用了花奶/cream 一起做的.

地方寬闊舒適, 以酒店水平來說, 晚飯價錢合理, 還有免費泊車, 若有AE CARD 重有DISCOUNT. 食物款式很多, 味道不錯, 但上菜比較慢, 服務態度有待改進.