本來一心想吃豬頸肉拉麵，但發現迷你牛油帶子飯配細叉燒湯拉麵的組合很吸引，於是改變初衷。
拉麵餐要過百元，但這個餐有飯、麵，再加半隻鹵蛋，只售$86,就像出奇蛋，一次滿足三個願望。
牛油帶子味道不錯，但汁似乎少了一點。拉麵麵豉湯底，湯底香濃夠熱、超新鮮日本蔥、少許筍，最驚喜是有幾片雲耳，有新意、夠健康，顏色配搭也特別。
久不久惠顧，水準及服務都能保持，讚！

復活節假期晚上8點15分吉之島食肆仍然有很長既人龍，排左山頭火因為好似無咁多人，排緊隊已經睇餐牌同點菜，款式不是很多，等左20分鐘有位。

2個人叫左個刺身加拉麵定食（加麺）、咖喱飯加拉麪定食、餃子、野菜。加麺（中）要加10元，但其實好似無乜大分別。

拉麺既湯有4種味道選擇，我地選左麪鼔湯底，看見厚厚一層油在拉麪，總體比較油膩。餃子鼓油比較鹹，野菜$15量比較少。都係日本飯比較好食。

10月27日, 喺吉之島云云眾多嘅日本野之中, 專門食拉麵嘅就竟然只有呢間. 食過幾多次嘅我地都對呢間拉麵幾有信心, 所以今晚我地想食拉麵都揀番呢度~ 由於不設攞飛仔, 門口d圓櫈係俾人排隊坐嘅, 我地前面有6-7人, 等咗15分鐘就有得入~

::: 麵豉拉麵 + 咖哩飯 ::: $78
麵豉拉麵雖然得細細碗, 但係觀乎佢濃濃嘅湯底其實呢個size反而啱啱好唔會太膩~ 拉麵配料雖然數量係少d, 但絕對係樣樣齊! 叉燒略嫌偏瘦但啱晒怕肥嘅呀菲! 其他魚蛋呀冬荀呀雲耳同蔥粒可以話係不過不失.
咖哩飯就真係齋咖哩汁同飯, 喺咖哩入面勉強都話可以搵到d洋蔥蘿蔔粒咁嘅… 雖然無料, 但咖哩夠香濃杰身, 偷件炸雞點咖哩食更惹味!

::: 辣味麵豉拉麵 + 炸雞飯 ::: $93
辣味麵豉拉麵除咗濃濃嘅麵豉味, 仲增添咗少少嘅辣香~ 呢個辣味完全係唔食得辣嘅人都可以食到, 感覺仲比普通麵豉拉麵冇咁油, 可能辣味遮蓋咗層油膩感~ 配料嘅叉燒有dd瘦, 肉地少少韌, 而魚蛋冬荀就係普通貨, 中規中矩. 嗰隻烚蛋好乾, 不過浸咗喺湯底一陣再度食就唔錯.
炸雞即叫即炸, 上枱仲熱辣辣, 香氣撲鼻~ 味道香口惹味, 亦都好香脆, 都已經可以形容晒個炸雞, 灑上檸檬汁更加添一份香檸味, 酸酸地十分不錯, 如果有沙律醬點就仲好~

::: 牛肉薯餅 ::: $16
因為見佢有個特別menu推介, 我地都唔執輸叫番一件~ 牛肉薯餅唔見得大件, 肉質都唔係好實, 個炸粉都唔係好黐住個薯餅… 點一點個燒汁, 味道唔算特別, 只係普普通通薯餅, 牛肉味有少少, 但係肉粒唔係好見到. 有少少失望.

今次食, 份量明顯少咗, 以前係因為好欣賞佢個拉麵加飯餐好夠多元化, 又夠飽… 不過而家叫多咗個小食但仲有d食唔飽. 湯底感覺keep住好濃, 係食過咁多拉麵之中濃度第一. 喺食得冇咁飽嘅時候飲埋d湯應該會飽d. 好在佢價錢都唔係太貴, 有飯有拉麵嘅套餐都唔駛$100, 唔怪得成日都有人排隊~

經常弄不清這店的名字，常常把它讀成「火山頭」 猶記得它開業初期，無論是平日或假期，門外總有大堆人潮，也因如此一直沒有幫襯。不經不覺事隔數年，今晚經過人龍已不復勇，雖然還是需要排隊，但約二十分鐘便能入座。

侍應姐姐會在你等位時奉上餐牌，並先替客人落單，節省用膳的時間。既然這店以拉麵聞名，當然不能錯過，貪吃的我又想多試幾款，最後便點了迷你鹽味拉麵，牛油帶子飯，另加一客粟米。食物不消一會便送到，拉麵看來的確袖珍，但吃落又感到飽肚，它的湯底洋溢濃郁的豬骨香，雖然浮著一層薄薄的油，但又沒之前食家所說之膩不堪言。

麵條是直身和偏幼，煮得軟硬適中，沾著惹味湯底同吃，很是過癮。配料包括木耳、魚蛋、蔥花、荀，還有一件五花腩，肥的位置佔大比數，切得很薄不算入味，放進口中很快便溶掉。我把另叫我粟米混入拉麵中，可能是添加牛油的關係，味道更為香厚，粟米很是清甜，正！

牛油帶子飯是細細碗的，盛著三隻超「的骰」帶子和一些紫菜絲。帶子新鮮沒有雪味，煮製後煙煙韌韌，但不是刺身或蒸的質地，我覺得一般而已。白飯過腍而非粒粒份明的上品，醬汁是豉油香但沒有牛油的蹤影。另一細碟上是半邊全熟雞蛋，而不是溏心的，煮得不夠入味，沒有心思。

友人點了炸雞套餐，試了一件覺得不錯。雞件乾身不油賺，外層金黃微脆，而內遠肉質不會嚡口，一碟有五大件很夠喉了。

久未再試, 發覺加了一, 吃麵15分鐘內毫無服務可言, 可以不給加一的服務費嗎? 或許最低工資影響, 到那裡工作都是一樣, 員工態度差已不是新鮮事.
是日叫了一個辣味麵豉湯底拉麵, 埋單$63加一$6.3。

味道比以前差了很多, 完全無辣味, 麵豉湯底勁咸, 味精惹的禍?????
最差是那塊肉, 完全沒有肉味, 轉了批發商嗎?

總括來說除了賣相, 食物質數$70埋單完全不值

位於康怡吉之島內的山頭火，店外總是有一堆人龍，是日趁時間尚問早，未見人龍，又來一吃拉麵。

晚上7時左右，店內有約9成人，山頭火已吃過多次，一向不錯。
店內供應多款拉麵及日式飯，亦有套餐供應，套餐一般跟細拉麵及迷你飯／小食。2人Order:
鹽味拉麵加大硬麵走青走油 $70
熟三文魚飯伴迷你辣味噌拉麵，走青走油 $80
煎餃子 $38
溫野菜 $12溫野菜
有椰菜、紅蘿蔔、芽菜，各蔬菜也新鮮。雖只用上滾水淥野菜，味淡，但比一般的炒野菜健康，亦為野菜保留更多營養價值。份量不多，只有一小碟。由於是溫野菜的關係，用來送飯的話略嫌溫溫呑呑；但用來當拉麵加餸的話就剛好，可以將菜放湯內加熱。熟三文魚飯
只用上熟三文魚蓉、非熟三文魚塊，有點失望；而日本米軟硬適中亦富黏性，加上紫菜絲，少量芽菜以及飯素。
由於熟三文魚本身味淡、份量亦不多，可幸配上飯素後，整碗飯變得不再單調。迷你辣味噌拉麵(走青走油)
小妹鍾意食辣，而山頭火的只屬於微辣 (因為本身男友唔太食得辣，但都食得到唔覺得太辣)，麵條非坊間各林立的名氣日本拉麵店所用的超幼身博多拉麵，其麵條屬中等粗幼度、富有咬感，而麵的掛湯力不錯，除能掛湯外、亦見有紅辣椒粉粒掛於麵上。麵的硬度要了一般，而出品亦做得到，沒有偏軟或偏硬。
配上辣味的味噌湯底，不會獨有偏salty 的味噌，味道相對較多元化。而叉燒肥瘦一般，味道普通，但肉質亦不會偏硬。另套餐跟上前菜及半隻全熟蛋，味道普通。鹽味拉麵加大硬麵走青走油
小妹鍾意硬身麵，拉麵硬身有咬感，且不怕浸在湯內會變得太淋；不論是否硬身麵，其麵的掛湯力無影響、同樣不錯！
鹽味拉麵的湯底以清淡為主，但不夠力度帶出豬骨湯味的香；有點像…溝了水的豬骨湯，亦不大吃得出鹽味來，但反觀以前第一二次嚐此湯底時，不覺其加有味精，且鮮味十足；此次的湯底不但淡了，其豬骨湯味背後還感覺到味精的存在呢。
此麵配料有黑木耳、冬筍、芝麻、叉燒3塊；加大的份量較適合男仕 (order 定俾男友吃)。
由於豬骨湯本身已有油份，所以儘管order 了走油，還是有一些油在湯的表面，但不太嚴重；如果不order 走油，湯面上總會有著一層一兩mm 厚的油層呢。煎餃子
$38／5隻煎餃子，價錢跟坊間差不多；餃子大小不一，上枱時部分餃子皮已破，餃子底部部分煎得較為過火，微焦了。日式餃子向來只有底部煎過，而其他地方不直接受火、故煎煮時間及方法很重要，此碟餃子明顯以快速方式煎製，餃子極不夠乾身，感覺就像吃底部煎了的湯餃子般，差。
.
整體上覺得沒年幾前所吃過的那麼好味，亦疑似多了一點點味精呢。但康怡店的質素則是眾多分店中，仍保持得較好的一間，服務亦算不錯，店員臉帶笑容兼會主動斟水。

開業幾年, 只係食過1次... 今日11點幾路過見冇咩人排隊, 決定再試...山頭火特制叉燒飯定食
--Honey揀咗豉油湯底, 湯底都幾好味, D麵唔淋硬硬地, 個叉燒飯一般啦, 隻滷水蛋就唔多入味...燒餃子定食
--我揀咗麵豉湯底, 太濃味, 下次都係揀豉油湯底好D... 餃子一般啦...到咗12點正門口已經坐滿排隊嘅人...

價錢同3年前相約, 幾年前覺得佢又貴又唔好食, 幾年後物價飛漲, 而且味道改良咗, 所以今日又覺得佢物有所值... 難怪幾時都咁多人係門口排隊...

再一次食呢間拉麵, 不過唔係好肚餓~所以唔敢叫太多~只係一人一個拉麵就算~
我地點了:
1)鹽味拉麵: 叉燒有舊本肥瘦, 超好味~但有一舊好超韌, 拉麵都爽口, 彈牙~
2)面豉拉麵: 同樣~叉燒質素都係麻麻地…

之前黎食, 覺得佢d麵好好味, 個湯又好好味~
不過今次黎, 覺得好似退步左…特別係個湯底, 食完個麵覺得好口乾..
好似味精湯一樣…所以下次都未必再食佢lu…

一心諗住試食, 由於食完要返工,所以叫外賣.

我叫左個壽司定食$98-, 有帶子同三文魚各兩件+一碗細拉面. 落單時佢地都好細心問湯要唔要分開裝? 返屋企會否離呢度遠 (唔知咩原因, 好似同d壽司有關), 到俾錢時要$102-, 我問點解, 原來每個盒要$2- (但佢無講,如果唔係堂食仲好,有水飲)

到拎左外賣後, 我到附近搵位食, 食食下發覺無左半隻蛋, 咁咪食完行返過去問下,原來佢話外賣的話,我唔問就唔俾,但佢乜都無講,好似老馮咁,我一定唔要.

其實d 野食,我覺得唔差架!! 只係d人服務唔點囉!! (真係走去吉吉島自己買壽司無咁嬲)

一定唔會再幫襯

與這位同事都相處左6年多, 亦可以話係我飯友多d, 不過過多幾日佢就要走真係有少少唔捨得, 真係有少少少少咁多, 費時佢睇到以為自己份量好重

成日都係東大街搵食, 即興叫佢陪我去康山既山頭火點知佢又應約, 2條友坐言起行沖呀.....

我叫左個麵豉拉麵, 食友同事就叫左個辛辣麵+咖哩飯.

我既拉麵麵豉湯很濃郁美味, 配上甘香既半肥又燒簡宜我至愛, 拉麵偏硬少少就岩晒我味, 每條麵條都沾上濃郁既湯底簡直人間美食..
至於食友同事既咖哩飯佢就話ok, 咖哩都係超市買到磚頭貨式, 反而佢話個辛辣麵個湯雖然紅卜卜有點嚇人但亦唔係睇樣咁辣, 相當醒胃.

其實食物不在乎價值, 食野都係要講下對手, 雖然食友同事即將離開公司, 幸好新公司與我都好近大把機會再一起食過午飯.