與靚女女友做生日，由於她是素食人士，所以到了尖沙咀功德林吃上海素食。本身座落廣東道一樓七樓，面向文化中心及維港景色，十分有氣派，樓面比起銅鑼灣及沙田分店為寬敞和舒適。

我們兩個人點了上海冷麵、三絲雞卷和八寶辣醬。

上海冷麵分別配上七款醬油 (花生醬、黑醋、辣油、生抽、南乳醬、甜醬 及 碎花生粉)，再配銀芽、青椒絲及雲南大頭菜絲。上菜後，由食客自己配搭醬料和口味，再撈起撈起。冷麵不覺油膩又不會黏成一團，味道要看自己功夫，用碗仔混咗幾次後都掌握如何配搭最好味。

三絲雞卷內有青椒絲、冬菇絲、素火腿、腐皮絲、紅蘿蔔絲及西芹絲，用雞蛋白煎成薄片捲起，再沾上粉漿炸成。製作功夫多，加上調配過的茄汁醬，熱食一流。

八寶辣醬用上猴頭菇、冬菇、馬蹄、青椒、冬筍、豆腐乾、毛豆、紅椒切粒，用黑糖和豆瓣醬炒成。可惜豆瓣醬落重手咗，唔太辣但味道偏咸，青椒太熟 。

同經理講咗他們接受了意見，還送咗個椰汁紅豆糕($24)比我們。不過，紅豆唔夠甜略為硬咗。

消費略貴，小食免費(以前要收$15碟)，茶錢$10位。但女友有會員八折咭，所以算抵食，。部分VISA咭都有九折。

現在直至2010年7月31日(11:00-2:30) ，早、午市點心重有半價大優惠，可以一試。

是日想吃些貴少少的晚飯，去了北京道的功德林，不平宜的一餐，2個人人仔細細，花了400大元!

朋友乃昔日公司同事，當時的老闆是信仰佛教的，他尤喜該店，所以時時因工作需要到訪此店，大家再來這裡，都有「想當年」的感覺!

老實說，是次第一次自己掏銀包於這裡吃飯，點了幾個菜︰
1. 火腿津白 - 味道雖然淡了一點，但尚算ok啦!
2. 咕嚕肉 - 要不是這間是打正堂號叫「上海素食」，我以為這真是肉’
3. 酸辣湯 - 我最喜愛的湯，酸是有的，但辣度不足。
4. 上海冷麵 - 這個很有趣，有得玩又有得食。但如果配料多點選擇，而麵的份量少一點點，那就更好!

雖說這是素菜，但我認為存心向佛的人不應行茹素但心不茹素，因為這裡很多菜色都會以「肉」來命名，是扮薰菜的素菜，並不是「齋」。
食物質素其實ok，地點又是北京道，服務態度尚可啦，唯他們竟然因為準備打烊而把我們頭上的燈關了，即是迫我們結賬，但當時好像10時也不夠! $400/2位，不算平宜囉!

妹妹揀左呢間餐廳慶祝母親節~~~因為佢知我近排要keep fit~~但略為失望~~因為食物味道真係好普通~~~~但勝在有靚景同good service~~侍應好細心~~識得主動走埋黎問需唔需要幫我地影相~~服務好好~~~而且節日黎講~~都只係100蚊度一位~~都算okay

今日一行10大1小. 我地首先叫了一個八人套餐 (女侍應猛叫我地叫套餐, 散叫好細碟喎~ )

八人餐有 ($898):

併盤: 炸脆鱔 / 粉皮都 ok. 不過類似牛展一片片的就好似紙咁薄咯.
三絲素翅: 冇味, 好似浸完冬菇的水 + 生粉. ”傑達達”, 又唔熱. 侍應之前仲叫我不如加兩碗… 我食完一啖都即刻唔想再食, 好彩冇加咋.
露筍炒雞肉: 味道 ok. 不過啲素肉就好淋好油, 好似食緊炸肥豬肉咁.
五柳炸魚: 即是芋頭魚，魚皮是腐皮，啲汁ok. 不過食到入面的芋頭呢, 太林喇, 又太甜, 我以為自己食緊甜品??!!
牛肝菌炒翡翠苗: 依個普普通通, 算係正常. (因為啲菜苗根本唔駛點煮)
蛋雞卷: 雖然賣相 ok, 不過都係冇味既.
琵琶豆腐: 算係正常.
海苔炒飯: 啲味好怪囉, 好腥. 食完一啖就唔想再食.
芝麻湯圓: 依個最離譜. 入面的所謂芝麻餡, 唔知有冇一粒綠豆咁少… 真係未食過咁少咁少餡的湯圓啊~

雖然阿姐介紹我地叫套餐, 其實啲野都仍然係好細碟架~

另我地再加了:

豆腐餃子($78+52): 搵笨, 阿姐話例牌$78唔夠食. 不如加多四隻, 我 fd 冇為意就話是旦啦, 於是4隻 ”小餃子” 居然加多左$52.
小籠包($28/4小件): 超細隻不特至, 入面都唔知係咩味, 只可以形容為一 pat 野.
雪菜冬筍炒年糕: 雖然個樣都係一pat咁… 不過味道都算係 ok.
鍋貼($28/4小件): (本來以為好穩陣, 點知...) 入面應該係蘿蔔蓉掛, 平時我都唔係鐘意濃味的人, 不過真係超淡囉, 完全唔知係咩味, 加多少少鹽都得掛.

本來經理話恆生, hk bank Visa Card 有九折..... 點知轉頭又話叫套餐冇優惠喎. 咁我地話散叫既呢?! 佢又話連埋套餐一齊叫都冇喎. 攪錯.

之後仲有茶錢要成$10位, 又加一, 總共食左 $1400. 不過食完之後, 我們之後仲要去 food court 再食過… 食齋途中, 好多野食小朋友都唔肯食, 但去到 food court, 叫左碗味千拉麵比佢, 佢居然成碗食晒.

所以, 以咁既價錢, 食啲冇味道, 甚至怪味的“齋菜”… 以後一定唔會再去囉~ 依到我食咁耐覺得最差的素食啊.

We went there for good food, but got lured into their 58 dollar dim sum 任叫. All the dim sum is lukewarm, when it got to your month, it's pretty much cold. There's nothing more disgusting then food that's not hot while served.

Their regular menu is fine, we've been there quite a few times, but the dim sum really is bad beyond redemption. You think with a famous restaurant like this, there's a standard to maintain, but don't be fool, they honestly don't care. We told the waiters the dim sum is not hot, and they're like, oh ok..and walk away.

For good vegetarian dim sum, go to MK 常悅, way way way better.

Even for $58 per person, still not worth the time, money and not to mention calories to eat cold food.

18-10-2009

屋企人又食初一十五齋, 訂了檯重溫呢間上海店. 由於印象不錯 (e.g. http://www.openrice.com/restaurant/commentdetail.htm?commentid=1936950), 作為食肉獸的我亦忍唔住跟埋嚟

冬瓜盅: 內有黃耳, 竹笙, 唔鬆化的蓮子, 紅蘿蔔, 冬菇, 素蝦, 素火腿 etc, 當然仲有冬瓜, 湯底清香, 味就較淡, 始終都係豬肉好.

油雞菌扒春菊: 「春菊」其實即「茼蒿」(或「唐蒿」), 鮮嫩清甜無渣, 好食 油雞崧菌以前食過, 呢度的仲落了點辣椒炒, 完全係「齋 XO 醬」, 辣辣哋好惹味呢.

五色併盤: 最好食係素鵝, 好香, 炸得極酥脆, 仲完全無油, 正 凍豆腐都不錯,「片」得好薄, 配上面頭的疑似 truffle 油 (!!), 食落又香又滑; 馬蘭頭及雞絲粉皮就係一貫水準; 深啡色的應該係素煙豬肝 (還是素燻魚?), smoked 味強勁, 感覺幾特別.

上海冷麵: 每次必叫, 一樣奉上醬瓜, 青椒/芽菜, 辣油, 花生, 豉油, 麻醬, 海鮮醬, 南乳醬及淅醋, 麵煙韌帶嚼勁, 咁多樣醬我就最喜歡落醬瓜, 南乳醬, 辣油及淅醋, 加加埋埋又酸又辣又鹹香又有醬瓜的 sok sok 聲, 層次感夠晒豐富, 正!

家常餅: 即「蔥油餅走蔥」, 唔油, 鬆化度一般, 不過都帶點麵粉香, 還 ok 吧.

甜品 #1 豆沙鍋餅: 無油, 皮薄脆, 豆沙餡甜而不膩, 做得唔錯喎

甜品 #2 高力豆沙香蕉: 夠熱, 蛋白夠 fluffy, 內有幾大塊的香蕉, 及一樣甜而不膩的豆沙, 奉上糖霜非砂糖, 不過味道穩穩陣陣, 都 ok 吧.

食物水準依然, 環境都係咁, service 就估唔到無俾初一十五影響, 店員極度快手快腳態度亦不錯, 食得滿意.

不過連加一每人約 $175, 繼續唔平...

仲放緊假, 和阿婆到功德林食齋.

功德林有些食物偏貴, 有些食物價錢比較相宜, 素菜用料變化不大, 如果只係睇雜誌介紹去叫嘢食都會幾唔抵, 我哋都係選擇一些自己愛吃的食物, 7 個人叫咗:

雲耳旦白豆苗:纖維素高，蛋白美肌, 很有益, 清清哋, 爽口好吃.
炸脆鱔: 醬汁甜中帶鹹, 味道很好, 但吃落很實.
絲瓜魚片: 魚片是冬菇, 加咗白色的汁, 望吓真係幾似.
豆腐餃子:waiter見我哋7個人, 提議我哋加多一隻, 都幾細心. 豆腐易爛, 餡料不能太多, 不過我覺得餡料多D, 口感會好食D
炒素翅: 唔油, 很有咬口, 味道唔錯.
雪菜冬筍炒年糕: 年糕煙韌, 味道不俗
高力豆沙香蕉: 其中一道我最愛上海甜品, 熱辣辣, 鬆軟, 好食, 不過細粒咗少少.
棗泥鍋餅:功夫多, 這個比較少見, 必吃!

食物唔油, 味道唔會好濃, 加上服務不俗, 地方舒服, 獅子銀行信用咭有9折, 將來沙田開分店都會繼續幫襯!

上星期一共食了兩次功德林 一次在TST, 另一次在CWB, 兩次都點了三絲素翅及(蛋白木耳炒菜苗), 因為實在太好食啦 另外, 豆腐餃子都唔錯, 炒年糕就完全冇味, 好難食 整體食物質素唔錯, 味滿好濃, 唔覺得好齋. 但係佢上菜一次過上哂 叫人點食呀, 最後等係整到d餸凍哂啦....

在場好多中年女士, 老人家及family, 家庭聚會都係一個唔錯ge選擇

而家食滿二百元以上有九折及送上海餃子(好重lor米味, 唔掂), 但係每位都要大約$180, 貴左d lor...

功德林老火湯 -- 真係老火湯, 全晚最正的一味.

節瓜炒生魚片 -- 賣相不錯, 生魚片是菇, 味似但質感不似, 而且太油了.

功德林豆腐 -- 辣的, 豆腐好滑, 味道開胃.

小籠包 -- 可以用難食形容...皮厚味怪.

朋友不怕赤口，話帶同婆婆一齊聚舊，ok；難得冇食用獸，我地就揀選了功德林，希望婆婆見到海景開心ｄ

下午一點半多的時間，還有不少客人，很旺場呢，好彩有訂枱！

有素食專家在場，又有婆婆孫女話事，我和其男友決定封嘴〔始終係赤口ma〕，等食〔我倒堅持要求素鵝！^o^〕

食物火速運到：
　拼盤：可以由廚師挑選，或自己選，我地選擇香脆鱔糊，素鵝，軟棉棉的粉皮，片片豆腐，以及香菇“考夫”〔sorry忘了如何寫〕；第一次食鱔糊，很特別，外面香脆，內裡chewy　〔煙刄〕
　三絲炒飯：有粟米，素鹹肉絲，菜絲，香菇絲；畢竟是炒飯，很難完全冇油，婆婆都吃了２碗，油份程度，可以接受
　素菜包4個：外形得意，好似水滴咁，入面有碎菜及香菇，味道清新
　擔擔麵：似乎極受歡迎，因身邊幾枱客人也有要；朋友雖然註明要辣，但辣味未夠，但整體味道還可以；一碗仔都可以分２個人份量
　春卷：皮薄，不會炸到“界”損咀仔
　煎窩貼4件：略嫌太油，下次可以“索”“索”油才上碟
　麵豉炒菜芯苗：　味道較鹹，配白飯較好
　豆沙窩餅：有紅豆及青豆餡〔可能是綠豆製／枝豆製，不肯定〕；安全起見，當然係要紅豆，甜味適中，可以多吃數件

埋單：五位茶，加一〔另有九折券〕，加埋充沛陽光及大海景，多謝＄520

服務：還可以
1. 我件褸放在椅背，三十分鐘後有位服務員主動幫我用了椅套蓋住；
2. 我一開始時已問了部長是否可以用九折券，部長看了九折券後說可以；埋單的時候，另一位部長說“經理話唔可以用．．．”，直至我解釋之前部長的說法時，佢地唔好意思地說句“搞錯咗”

如何安靜歡度平安夜？朋友好有心思，一直預訂功德林，既有海景，又不怕同人迫〔始終西方節日好少吃中菜吧！〕

　好食素鵝，必吃
　牛肝菌炒翡翠苗，好新鮮，少少辣
　砂鍋素火腿炒菜飯，還可以，如果知係咁大塊假肉，不會叫
　豆腐皮素餃子，食手工同心機
埋單：約400多，三人吃

環境：在窗邊位，看海景，當然好
服務：實在係麻麻，有位侍應仲九唔答八〔在北京道一號晚膳，要求會高ｄ law,　所以當晚還有不少吉枱〕；但我地遲到了一小時，佢地都肯留枱俾我地

吾食素達人之選(一)：

小弟出世以來都是跟隨父母食素，已經18年了；而功德林由尖沙咀舊鋪到現在
於北京道都一幫襯開！今次係媽咪生日，所以又再選來了功德林！今次老爸仲
訂埋個佛跳牆！簡直係開胃之選！今次既餐單如下：

　四川擔擔麵($4x)：小弟最喜歡就係食醬汁，呢以呢個麵既素肉醬完全係岩我既口味！加埋麵質彈牙，值得推介
　冷麵($6x)：呢個冷麵係每次去功德林既必然之選，配合七種既醬料（又係我最喜歡既）撈埋一齊食，喜歡自己溝出唔同味道創作既朋友！岩哂
　炒牛肝菌($98)：呢味菜媽咪就話咸左d，不過對於我呢個「咸蟲」黎講呢，完全係岩我口味，不過如果有豌飯係度既話就更加好！
　素佛跳牆($238)：非常足料，呢個價錢係六位用，不過我地一家人已經可以食哂成碗！材料有：素翅，素鮑魚，牛肝菌．．．．等等總之足料！！
　鍋貼($28)：呢個雖然平平凡凡，不過勝在即整！
　小籠包($28/4件)：咬落去非常多汁！雖然小弟未食過真個隻，但已經覺得素食係好好味！
　豆莎鍋餅：呢個係爸爸好鍾意食既菜式，唔會好甜！

總括黎講，小準依然ｋｅｅｐ得住，加上當日有幻彩詠香江睇，餐廳仲會調暗燈光，非
常有ｆｅｅｌ，情侶黎的話都可以！下次帶埋女朋友再黎！！

15-9-2008

自問唔食肉會死, 加上幾年前幫襯過一次 (http://www.openrice.com/restaurant/commentdetail.htm?commentid=80291) 印象十分麻麻, 一直都對呢度無好感... 今日同屋企人0黎食, 主要因為想清清腸胃, 加上夜晚有事要去文化中心, 跟埋0黎夠方便. 記得上次豆腐餃子食到我嘴都歪埋, 今次唔叫了, 要了幾款「穩陣」一點的, 果然唔同 d, 仲幾好食:

- 油雞崧菌炒豆苗: 雲南來的油雞崧菌味道賣相都十足 XO 醬 d「渣」, 辣辣地好惹味, 好食; 豆苗係翡翠苗, 係其中一樣我最喜愛的菜, 呢度的爽爽甜甜, 味道清新, 食唔停口!
- 小食拼盤 (細): 以前可自選 5 款0野, 而家就無得揀, 呢日的就係脆鱔, 雞絲粉皮, 烤夫, 素鵝及馬蘭頭. 一條條脆鱔夠脆, 不過可能 d 汁太黏 (仲好甜...), 搞到黐埋一餅0野; 烤夫係手撕的, 蠔油汁 (?) 帶甜味, 加埋毛豆及好入味的冬菇, 都幾好食; 素鵝炸得好脆, 無乜油, 餡料就較少, 可惜; 雞絲粉皮的「雞絲」雖然只係豆乾, 但佢個麻醬味道好濃好夠味, 加埋滑溜粉皮及扮火腿的粉紅色豆乾, 好食; 馬蘭頭曾經係我至憎的上海冷盤, 但可能呢個的臭青味近乎零, 食落只有爽口及清新的味道, 我覺得不錯.
- 南瓜蟹粉素翅湯: 阿媽話覺得淡口, 阿爸就話覺得太甜 (!?), 對我而言反而剛好 -- 有淡淡南瓜香, 唔會甜得似糖水 (唔似得呢次 http://www.openrice.com/restaurant/commentdetail.htm?commentid=1935180 咁!), 加埋咬口十足的素翅, 味道不錯. 「蟹粉」係蛋白, 不過賣相都整得頗似真0野喎, 哈哈.
- 雪菜冬筍炒年糕: 熱辣辣, 少油, 好有鑊氣, 年糕煙韌帶米香, 雪菜食落 sok sok 聲味道清新, 冬筍爽口清甜, 呢個好得!
- 上海冷麵: 全晚最期待0既食物, 事關上次0黎印象咁麻麻都仍然好欣賞呢樣... 供應混醬的有 7 樣0野, 分別係 (9:00 方向起) 青椒/芽菜, 南乳醬, 花生碎, 甜醬, 麻醬, 豉油, 辣油, 浙醋及貌似木耳絲的漬物 / 醬瓜. 麵條係全蛋麵, 幾爽口, 混上多款配料, 味道濃郁有層次, 我連添兩碗 值得試試的一味!

一早訂定檯的關係, 坐了窗口海景位, 闊落舒服, 而且今次無發生上次的唔夠冷氣事件, 感覺好好多; 招呼就唔係其他食評講得咁差, waiter 好有禮貌, 服務貼心, 值得一讚.

埋單每人約 $180, 素食0黎講真係好 x 貴, 唔算抵食, 不過食物幾唔錯, 加上罕有地幾有 fine dining 的感覺, 間中幫襯都可以的.

日期：2008年9月11日
人物：A.，M.， Sylvia
今晚出黎周Sylvia簡單咁食一個生日飯，要清清地，所以就揀左哩一度喇！見幾年都無食，再黎亦都無防．食客都唔係太多，一半人數到，部長介紹埋ｄ好貴既野俾我地，我地都唔想理佢．
１．酸辣湯：酸得黎麻麻地．
２．煎鍋貼：裡面有ｄ爽口既野，ok．
３．小籠包：一ｄ都唔知咩餡料，一pat pat，怪怪地味道．
４．蛋雞卷：哩個好香，好好味．
真係對唔住壽星女要食ｄ咁難食既野，唉！Hang Seng Visa card, HSBC Visa Card have 10% discount......

9月1日天氣酷熱, 我同3個朋友想食d清清地, 所以試吓TST間功德林。功德林呢個名聽咗好耐, 仲以為OK, 點知食物唔好味唔值嘅價錢, 而且侍應服務態度差!!!
我地叫咗”竹笙扒時蔬”, 一向時蔬都係指大路蔬菜, 如菜芯, 白菜, 點知煮咗一碟菜苗, 我地4個都唔食, 因為菜苗有草味腥腥地, 所以要求換
Sleeper: 我地叫竹笙扒時蔬, 但我地唔食菜苗, 可唔可以換其他菜
侍應: 你地叫竹笙扒時蔬嘛, 廚房出乜菜就出乜菜
Sleeper: 但我地唔食呢隻菜, 有無其他揀
侍應: 你地order時都無講, 無得換
Sleeper: 我地都估唔到你地煮菜苗, 而且我地唔食菜苗wor
侍應: 碟菜都煮咗出嚟, 無得換
sleeper: 唔係嘛, 你即係迫我地要
轉個頭侍應問完部長
侍應: 如果你地要求指定一種菜, 要加20蚊
Sleeper: 唔係嘛, 我地淨係唔食呢隻菜, 你地個廚房仲有乜其他菜
侍應: 白菜同小唐菜
Sleeper: 你地咪換呢d菜囉
侍應: 要加20蚊
Sleeper: 你地個餐牌無寫指定菜要加錢, 你地叫廚房煮其他菜
果碟竹笙時蔬都成50幾60蚊…仲要我地加20蚊….有無搞錯
最後我地嬲到火都嚟, 部長先叫廚房煮其他菜