尚膳潮州小廚(港威)

今天晚上2013年2月2日到此家餐廳做東，一行十多人，早幾天BOOK 定枱十二人，點知去到，樓面侍應話聽錯為兩人book 枱。要求我們等30分鐘，我們唯有照等。 當等到有枱時，我們order 食物，侍應態度亦没有禮貌，好像呼喝客人。我們忍了。 當埋單時，我們要求check 單，收銀阿姐態度更差，要求我放下credit card 再check 單，好像呼喝我一樣。道理上，客人要求check 單後付款，這是消費者的權利。食物雖然不错，但侍應差劣的態度，我們永不再幫襯。

呢間潮州中菜館好幾年前黎過, 同朋友飯敍, 帶左佢地黎試下!!

我地叫左

鮑魚肉碎粥 -- 份量好少 $88 4個人分到一細碗,食3-4啖就無喇,
不過味道真係好鮮甜, $88 都勉強接受!!!

鵝紅九菜 -- 惹味之餘既有獲氣, 鵝紅同豬紅質感好唔同, 豬紅比較淋,
鵝紅比較爽口,而且好入味, 好食, 九菜都好甜, 必叫!!!!!!!!!

沙嗲牛肉炒河 -- 個汁太多, 味道唔夠濃, 食落感覺似汁炒河粉!!!!

墨魚拼鵝腸 -- 墨魚新鮮彈牙, 鵝腸爽口唔肥, 個汁唔會過咸, 清清地,
但又唔覺淡口....都幾好!!!!!!!

豬腳凍 -- 好似食jelly咁, 但好重豬味, 我唔太喜歡!!!!

食物質素絕對唔錯, keep到水準, 服務都幾好,
可惜環境依舊, 人面全非....客路已經偏向自遊行, 想靜靜地食餐飯相信都好難下

2012.7.23 午餐

鹵水鹅肉加豆腐，肉好有鮮味，好多汁, 超好味

胡椒酸菜豬肚湯, 好好味, 怕肥, 不想吃豬肉...

煎蠔烙, 少少蛋香

生炒骨, 好食到停不到口
另外, 叫了雜菜煲, 都幾好, 春卷 一般!

午餐實在貴了少少

星期六中午來到了海港城, 午飯於尚膳潮州小廚食, 因為睇中了不用三百蚊就食到的套餐, 夠四個人食架
套餐有酸梅蒸烏頭, 川椒雞, 炒菜一碟, 胡椒豬肚湯, 配飯食
推介此餐廳, 除了個套餐唔算貴之外 (海港城的STANDARD 計), 個別菜色味道都很有水準, 最好味係酸梅蒸烏頭, 烏頭肉滑, 個人經驗, 蒸魚的火侯係好難掌握的 (自己在家蒸成日都蒸唔掂, 所以好少蒸 ), 就算去街食, 好多時都食到唔好食的蒸魚, 此店的師傅功力都幾深厚呢
酸梅唔會太酸又唔會無味, 豉油都幾好味
另外碟川椒雞都好好食, 雞肉的調味佳, 特別喜愛伴碟的炸葉, 食落脆脆又香口, 眨眼一掃而空了
服務普通, 此店人手看似不夠, 應付不了客人的要求呢

靜休了個多星期，首次二口子再踏足至愛的尖沙咀，卻不是為了吃，而是去聽講座。之後又於海港城購物，要知女人一買起來就不知天昏地暗，早前講座中的茶點，以及之後的XTC，早已消化盡殆，又要快快找吃的了! 選來尚膳來醫肚，主要是因為夠近，沒有其他!與老公初抵達時約7:30pm，店內仍然十分清靜，除了不用等位，進店後還可以隨意挑戰喜歡的寬大卡位就坐；不過再遲1-2小時，餐廳就開始多人，而環境也即時變得嘈雜有如酒樓!稱得是潮州小廚，例牌也要送上功夫茶，我在例行快拍後即飲，已經一點不熱.. 還是飲回本身的熱茶好了。隨功夫茶，阿姐又送上潮式酸菜，這個就甜甜的又夠爽口，幾開胃好吃。 是夜想吃魚，就點了所謂超值、但其實也不便宜的孖寶餐($228)。孖寶之一為油泡東星/龍躉球或涼瓜炆東星/龍躉頭腩，是晚聽阿姐推介選了油泡龍躉球，班球的確不會太油，肉質也算新鮮結實，調味也適中能帶出龍躉鮮味，不過就是份量不太多，只剛好供二人分享。也好奇的吃了點拌碟的海帶菜，輕薄脆口甚有韓式紫菜feel，不過這個真的較油，沒有多吃了。孖寶另包一款家常小菜，在八款選擇中揀出魚香茄子煲來。很欣賞此煲熱度十足，即使吃到最後仍是熱熨得緊，煲中茄子軟稔，醬汁又夠惹味，十分開胃送飯! 不過要彈又是份量較小，整煲不過半滿，多人來吃每人大概只可分到一口。要開始培養吃飯習慣，加上茄子煲實在很送飯，就少有的每人要了一碗靚仔。這裡的飯煲得可以，算是粒粒分明，筆得也很飽滿，以致後來要BT部分白飯給老公。其實我對潮式的甜品沒很大興趣，飯後只隨便揀了鴛鴦水晶包($24)，意思意思一下。鴛鴦水晶包以平碟上檯，但其實熱度驚人，影完再吃也幾乎熨傷舌頭；而水晶包外層口感幾好，兩款夾心則分別為蓮蓉及豆沙，特點都是超甜，而比較下甜中帶滑的蓮蓉會較高分。以Citibank埋單，最後的甜品可享半價，但埋單也要$304，我覺得普普通通啦，不過總算解決了肚餓危機。飯後，再到隔壁Yo Mama吃美味的Froyo，獲取更大的滿足感吧!

平時去海港城都有去開尚膳，貪佢唔洗等位，快靚正
今日如常去食晚飯，一入到去未坐低個waitress就介紹凍蟹，我地話望下個餐牌先
到可以叫餸時，個經理埋來又講多次，話今日有好抵食，$550斤幾
跟住我地問係邊隻,經理如廚房問師傅指比我地睇，隻蟹係插係個排蟹既中間，要係中間攞出來先睇到。
我地話ok, 叫多左個苦瓜排骨煲同一個2人餐。
隻蟹到先，經理話等我地食完先上其他。
隻蟹都算多肉，蟹身剛切開望上去唔算濕潤但還ok,但係d 腳同蟹鉗，蟹蓋就真係超乾，完全無水，唔似係今日煮，應該係因爲隔左夜所以一路減價速銷
我唸係想儘快賣曬d就快變唔新鮮既先，但係就會對早到既客人唔公平，我地9點零走時仲有3-4隻蟹未賣，可能就等聼日.....
我唸我地隻蟹都曾經係好靚，如果真係賣左d無甘好既先就真係好浪費！
$550食隻隔夜蟹我就真係覺得唔抵，仲好貴！
其他餸都係一貫水準，清清地，又唔油
值得一讚係餐個個蛋花糖水，夠熱又好好味
尚膳唔算係超級好味既一間餐廳，但係平時唔想唸既時候係唔錯既選擇，但係唔會再叫凍蟹！
另外，可能人多，我地食完隻蟹都等左好耐先叫到人來收野同上其他菜，之後茶無曬都要叫先添，平時好少會甘。

feb 05, 11,2人嚟dinner,叫咗 :

1) 2人套餐 (hk$288)
-見到個套餐好抵,有湯,有主菜,有小菜,單尾同甜品添
-新年時間,叫散餐,可能會等上好耐,而且呢個套餐都好合理又豐富

i) 湯羮 - 胡椒咸菜豬肚湯 x 2
-有2個選擇,當然揀咗個好有潮州特式嘅呢個啦
-另1個選擇喺太極素菜羮
-幸好胡椒味不過強,鹹度也稱職,味道都算濃,唔會好似水咁ii) 主菜 - 唐芹香茜魚露焗大虎蝦
-蝦很大隻,肉質不叫爽,但也不能叫霉
-鮮味我就唔多期望了
iii) 主食 - 潮州炒麵
-本來想揀欖菜肉碎炒飯,但好似少食到潮州炒麵,所以叫呢個試吓
-但味道比較淡,所以要+入食蘿蔔烙伴的sauce來食
-麵倒是不腍,帶點爽,不過亦有些微鹼味iv) 小菜 - 潮州蘿蔔烙
-本來想叫蠔仔烙,不過無晒
-改了要蘿蔔烙啦
-蘿蔔並非腍晒,有點咬口,不過蘿蔔味同甜度都不高
-但煎的手勢也不錯,起碼無全塊油淋淋
-伴來的似是魚露的sauce雖然是頗鹹,但就大大提升了蘿蔔烙嘅味道v) 甜品 - 紫米露 x 2
-合格* 當日樓面人手似乎不夠,但無煩法,新年時節,難免會人多...........不過侍應都已盡力招呼

[總結]

兩公婆行街見到這家位於尖沙咀海港城裡面的"尚膳潮州小廚", 見都有人在門口排隊, 加上又未試過, 所以才決定試一試! 但食完整餐後, 發覺唔係想像中好味, 而且用油太多, 不太喜歡!!

琴日同左江門宅女去飲飲食食，咁我就帶佢去海港城嘅尚膳潮州小廚食晚飯。我要比佢知道我鄉下嘅地道美食，我都唔知道江門有什麼好吃？等佢下次帶我去啦。。
我地等左十五分鐘入到去見到啲鹵味握。。真係好似好正
所以我就叫左鹵水鹅肉加豆腐，肉好有鮮味，好多汁。。
同啲鹵水打成一片！一定要叫O羅！哎呀，忘記了功夫茶同胡椒酸菜豬肚湯添， 飲完好熱架出下汗都好嘅，好評！
仲有沙爹牛肉河粉。。。真正嘅潮州煮法，小時回憶嘅味道返番來啦！！！
好，江門宅女都話正。。。HAHHAHAAAAAA

行到攰， 於是入咗去「尚膳」食lunch。 食物水準中規中舉， 唔太差但係無驚喜。
我們叫了春卷、欖菜肉碎炒飯、菠蘿叉燒飽、豬潤腸粉、魚旦河、韭菜煎餅和鹵水鵝片豆腐。 價錢唔算貴， 四個人埋單$350。