更多
2016-03-12
2511 瀏覽
幾年前食過呢間，覺得唔錯，於是再食，但係今次超級失望 過年前打去訂位，因為佢哋大廳冇大枱，12 人會好迫，於是信佢哋訂咗間房，不過要落訂，都算啦。 當日去到酒樓大約係 6:30pm，門口冇人招呼，收銀個女職員唔肯出嚟帶位，不停叫我哋等等 ，最後入到房，冇人招呼，要行出大廳叫人嚟，間房仲要最低消費係 $4,500。到叫餸啦，入到房只見一張套餐的餐牌 (承惠 $5,500)，一啲都唔平、又唔抵，但係冇辦法，冇其他嘢叫，是晚套餐有：鵝件：呢個好好食大蝦碌：一般，雖然大隻，但係啲雪味未清燉湯：一般髮菜蠔豉：唔太差，最好食係底嗰啲菜蒸魚：一般清菜：ok鮑魚煲：蔴蔴炸子雞：ok糖醋麵：唔錯，唔太油糖水 - 綠荳爽：太甜不過碟碟都算大，所以一定夠食。潮州菜館竟然唔係食潮州菜，真奇怪！ 飯前同飯後又冇功夫茶招待；又唔經常入嚟睇下我哋有冇需要（例如換碟、加水等等），但大廳唔係好多客人咋。總之，冇下次！
過年前打去訂位，因為佢哋大廳冇大枱，12 人會好迫，於是信佢哋訂咗間房，不過要落訂，都算啦。 當日去到酒樓大約係 6:30pm，門口冇人招呼，收銀個女職員唔肯出嚟帶位，不停叫我哋等等 ，最後入到房，冇人招呼，要行出大廳叫人嚟，間房仲要最低消費係 $4,500。
到叫餸啦，入到房只見一張套餐的餐牌 (承惠 $5,500)，一啲都唔平、又唔抵，但係冇辦法，冇其他嘢叫，是晚套餐有：
鵝件：呢個好好食
大蝦碌：一般，雖然大隻，但係啲雪味未清
燉湯：一般
髮菜蠔豉：唔太差，最好食係底嗰啲菜
蒸魚：一般
清菜：ok
鮑魚煲：蔴蔴
炸子雞：ok
糖醋麵：唔錯，唔太油
糖水 - 綠荳爽：太甜
不過碟碟都算大，所以一定夠食。
潮州菜館竟然唔係食潮州菜，真奇怪！ 飯前同飯後又冇功夫茶招待；又唔經常入嚟睇下我哋有冇需要（例如換碟、加水等等），但大廳唔係好多客人咋。
總之，冇下次！
題外話/補充資料：
酒樓冇洗手間，要出返商場嗰個，不過唔係太遠，可接受。
(以上食評乃用戶個人意見 , 並不代表OpenRice之觀點。)
張貼