久聞再興大名,曾經在某星期日到訪,當然是吃閉門羹.
近日再興因為外賣呃秤又再紅起來.
是日有事到灣仔,特意來吃午餐,親身體驗他的燒味有多好.
午市時間,堂食,一個人要找個座位,不是十分艱難,比排隊買外賣快
點了雙拼叉鵝(鴨)飯, 少飯,極速送到.我又高速完成,那裡的環境,氣氛會讓人用最快的速度進食
單拼雙拼都是22元, 以22元的收費, 質量可以接受, 好好食嗎? 不難食就是了.
會再來嗎? 不會! 因為吃完後, 我感受到味精的威力. 我的飯已經沒有放"飯汁"
也沒有喝例湯, 只是燒鵝(其實是鴨) 沾了些梅醬.

入店
一下子就被問食什么
建議想好才入去

試一個三寶飯
例湯要吧
原來要加2蚊？

三寶有叉燒，油雞，燒鵝
叉燒就偏瘦少少，炭燒味重，很香口
油雞會比較滑，不是老的，骨少甚至沒有，比普通點的雞真的有不同
燒鵝卻有偏差，太多骨，少肉...
例湯就正，足料，好有故鄉感覺

三寶貴過雙拼10蚊，灰位

對上一次嚟食個 Quick Dinner,
只是嗝一個月前,
叫了肥叉飯- 相當不錯的, 但略肥! High '4'.

今個月再食 - 分量點解縮水咁多?
唔單只, 那肥叉跟本是柴皮叉燒,
不多入味, 唔夠蜜或醃料味,
又無燶燶地嘅表皮. Around low 3'.
普通到唔普通,
好彩的話, 大家樂或喜喜好食過佢.... (但不計高級啲嘅酒樓!)

這麼多年也是如一樣,
每次食都要要搏下彩數!
但叉燒分量太少了吧!

老豆十分喜愛再興既叉燒，所以成日都會0係lee到買叉燒返屋企加料
不過沈晚發現叉燒已經加價
$60斤加到$68斤，睇0黎以後唔可以成日加料喇
雖則係貴左d，不過再興d叉燒又真係比其他地方既叉燒好食
有d地方既叉燒得個咸字，再興既就唔會，有小小蜜糖既甜味
加上叉燒有小小肥，小小燶，好香口

賣燒味賣都好似再興咁都算神話! 唔好以為依度咁出名d 野一定貴，其實佢地雙拼飯都係賣廿幾蚊碟。味道雖然唔可以同貴價酒樓比，但係大眾化燒味之中佢都算一流嫁啦

另外一樣小弟好欣賞再興ge 野係，依度ge 伙記服務好親切。 我地果次四個人分左兩枱，食到一半有位果陣，伙記主動咁幫我地group番埋一齊 淨係依一點都抵一食再食啦!

唯一扣分ge地方係店面確係迫左d

肥叉雞飯--叉燒的肥膏經過燒烤後,特別甘香,連帶瘦肉位都得到滋潤,叉燒的邊位有D燶,食落特別香口,無論視覺,味覺都能夠顯示出再興叉燒的素質,白切雞都唔錯,肉質嫩滑有雞的鮮甜,配上薑蓉正..............

西洋菜湯--大大碗又夠味,最適合幹粗活的我

此店的叉燒全港聞名，近來更由於呃秤的風波而更為人所知，而本人對此不置可否，只是以前也買過多次外賣，論質素確是不錯。

一向都只吃叉燒，今次來堂食，當然想試多一點燒味，加上店員不斷推銷，所以點了一個叉燒油雞鴨飯，另外也見到竟然有咖哩供應，當然也不放過，所以最後仔要了一個咖哩牛腩叉燒雙拼，上述的兩碟飯，其實也當作三拼的收費，盛惠六十四元，也不便宜。

很快已經有得吃了，先來的是叉燒油雞鴨飯，第一時間也要替它加色，個人認為再興除了叉燒出色外，另外的一樣妙品莫過於那甜甜地的豉油了，用來下飯真的一流，今天點菜的時候太快口了，忘記了要半肥瘦，點知咁就出事了，叉燒雖然未至於嚡，但吃起來有點乾豬的感覺，沒有滿口油潤豐腴的感覺，差！油雞是全雞胸，沒有我最愛的雞背，其實想真一點，雞胸也好的，至少有肉吃，吃起來雖然頗嚡口，但雞肉有點雞味而不鬆散，也算交了功課；最後的燒鴨也是比較普通，皮不脆也當然情有可原，但吃起來那股燒鴨豐腴的鴨脂又不知跑了到哪裡，鴨肉的香味也不強，還是掛念此處的半肥瘦叉，幸好我們還有上述的豉油，也不難清碟的。

另外的咖哩牛腩叉燒雙拼又遇到同一情況，不知為何在沒有指明要什麼肥瘦程度的叉燒底下，得來的永遠也是一口瘦叉，又是瘦得吃得人氣餒，沒有那半肥瘦有油香而腍身的梅頭，真的非常失望；另外的咖哩也是失敗之作，這個相信是屬於港式咖哩的咖哩牛腩，其咖哩汁比翠華的還要差，又稀又唔香，可幸牛腩有牛肉味，又不是很嚡，薯仔更是意外的粉身而有薯香，配上煮得軟腍吸收了咖哩汁的洋蔥來吃，也算過得去。

吃過了兩碟三十二元的燒味及碟頭飯後，也真的有點趺眼鏡，加上那碟三十二元三拼的叉燒油雞鴨飯，比雙拼貴了十元，但雙拼和單拼卻同價，問店員何解？其答案是是因為三拼比雙拼多了一份燒味，但眼看人家雙拼的燒味也不少呢，確實是有被騙的感覺，所以在此也奉勸大家來也只點雙拼好了，加上其油雞及燒鴨也真的不是太出色，始終也只有肥叉燒才算是好吃，所以若下回再來，也只會吃肥叉燒飯好了。

在這情形，當然很熱氣，去喝口涼茶下下火才是上算。

早幾日睇報紙, 先知「賣咗咁大個廣告」, 都唔知要恭喜定點好。

這家店幾乎是我的飯堂, 因為屋企就住在對面 (即係泉記樓上), 試過一個月日日食呢間, 每晚準時七時半出現, 老闆都應該認得我。有時更會一個人食成條豬腩骨, 再加一碟油菜同例湯, 老闆有時都會笑住咁問我食唔食得哂, 不過平日見佢哋咁多人, 都好少傾偈。

日日去呢間, 除咗好味道, 當然也因為價錢平。

其實我都唔知佢哋係咪真係呃秤, 但海關捉得, 應該都無錯, 但係我都寧願相信佢哋係無心之失, 而且前日去食晚飯, 見到佢哋都已經買咗個電子秤, 在店外也裝了個公秤, 都叫做與時並進, 也知道要改善。

講真, 食燒臘的人都應該知道, 燒臘鋪的行規就真係買燒肉搭豬頭骨, 係有少少騎呢, 但係呢個確實係行規, 我去中環的其他燒臘店斬料, 都係咁樣, 佢哋啱啱無畀人捉啫, 算好彩。傳統老店咁做係有少少唔啱, 但如果話要「杯葛」, 好似誇咗少少, 亦都有少少唔公平啦。我買過好多間燒味, 呢間真係算最便宜同最好味 (唔係根據重量去計, 而係見到個飯盒大小, 塞到幾多, 畀咗幾多錢, 心裡有數, 唔駛秤。)

香港呢個地方好奇怪, 有時去食自助火鍋, 佢哋明明個標價話88蚊一個人, 最後加埋所有雜費, 茶水, 醬芥, 居然130蚊一個人, 感覺都係有少少唔鍾意, 我都唔食碟芥辣, 但係某程度嚟講, 都可以叫做行規。大家都公認會有呢種情況就得, 食之前也預咗要畀茶水錢。正如買燒肉, 其實都預咗有少少錢係用嚟買無乜用嘅骨, 唔知係咪我個人無所謂, 但係食咗燒肉廿幾年, 自已買又買咗十年左右, 感覺呢種都係一貫做法, 都唔能夠叫做呃人啦。最近再興所謂「加咗價」, 但係我過去幾個月有買燒腩骨, 一年之前又係八十蚊, 而家又係八十蚊, 根本就無分別。

同埋, 唔知老闆有無睇到呢個網站, 如果老闆睇到呢一頁, 我都想講聲, 作為老顧客, 點都會支持你哋, 放心! 不過, 真係要與時並進, 唔好再用老一套去做生意, 清光緒年到而家咁多年, 但係新時代, 新作風, 你加番價, 寫清楚幾多錢, 我都唔覺得有問題, 呢個時代, 明碼實價。

小妹很愛吃燒味，再興是我最愛的選擇，尤其是肥叉，每次買回家加菜，都令我和老公吃不停口。但為了健康，我們都不敢多吃，就只有這才讓我倆破例，因為味道實在與眾不同，肥叉脂肪甘香，瘦肉爽口，咬下還有陣陣蜜香；頭抽浸中翼也不俗，肉質不會因浸得太久而變老，而頭抽味道帶甜，很討女孩子的歡心。
一間食店要名成利就，除了出品佳，還得與時並進，以往買燒肉搭豬頭骨的傳統恐怕已不合時宜，還望店方能做到貨真價實，即使價錢要[比市價貴點，老主顧們還是甘心樂意的。

印象中大約一年前食過, 感覺係零
咁岩星期一無拿拿想返屋企時係原全等唔到車, 變相要係灣仔轉車返歸
個肚仔打晒豉咁,
就是是但但係再興開餐

要左碟叉燒雞飯 $22 : 叉燒帶點肥肉, 沒有蜜味, 沒有甘香, 和我平時食開
既屋村貨係零分別, 搵d 野讚下咪有件頭, 足有7,8 件
白切雞像是一些翼,骨等物體, 仲有二件雞胸, 咁都可以比客食既, 過份 !
而且有很多碎骨, 食到一口都係, 唔該磨下張力啦 …

一間實在係名過其實既所謂得獎名店
小女子認為人如流水既原因, 主要係為價錢平,一碟雙併才賣 $22
而且更可以加底, 做客既乜都返黎啦 !

天花滴緊水, 顏面也滴汗

今日同自己講以後都唔會返兜既食店
第日報紙頭版, 再興 “呃稱”冠軍, 仲要係到死撐 …. 天理何在

曾幾何時都喜歡在"這店"買义燒加餸, 但買到半斤也是得嗰"十多"(冇三不成幾)嚿, 已懷疑有呃秤, 但外於自己沒有秤在身, 不能即時量度, 之後也沒有再幫襯了. 哈哈....估唔到, 有關政府部門為我們市民大眾執法去懲罰不誠實的商店. 值得一讚!!

曾幾何時, 也曾幫趁過這家"名店". 只是, 後來發覺很多地方的叉燒水準更高更穩定, 不彈此調久矣.

突然看到報章的報導, 竟是"呃稱"冠軍!!! 更罪大惡極的, 是他們膽敢"呃稱"呃得理直氣壯, 毫無悔意. 支持他們的消費者原來是傻瓜? 羊牯? 太過份了!!!

要吃好叉燒燒肉, 地方多的是. 這一家, 算了罷...

我五月個陣買左次外賣燒肉,因為之前一直都係買外賣叉燒所以試下.(個日已經想放上網不過訓完覺唔記得左到而家)
佢個陣話賣百幾蚊斤係因為佢話佢個d係新鮮豬,因為太貴所以只買40蚊.
返到屋企打開,入面既樣就同相一樣.
成盒都係頭頭尾尾(唔知係咪豬頭肉).大半盒唔食得,一係全肥膏,肉就又韌又鞋,
其實搭頭搭尾我預左但冇預到成盒搭曬(本身已經少),
係咪因為買得少就要咁呢?

諗唔到去邊食晏好,,,
最尾決定同同事行過去食,,, xDD
好彩過左lunch hour, 唔駛等就有位喇！
叫左個叉油雞米,,, 同埋例湯
叉燒好好味,,,
真的,,, 好香,,, 同埋咬落去好腍,,
十分好吃,,,
不過油雞就差d 了..＠＠"
d 雞肉好haai 呢,,, @@
一路食一路聽到好多人嗌燒肉,,,
不過已經冇晒,,,
似乎燒肉都係好好味既一樣野,,,
下次再去試！