329
124
51
港鐵灣仔站 A4 出口, 步行約5分鐘
電話號碼
2519 6639
開飯介紹
再興自設工場,臘味每日新鮮燒製,招牌的叉燒肉質嫩滑,表面有甜甜的蜜糖味。 繼續閱讀
獎項殊榮
最優秀灣仔開飯熱店 (2008-11, 13-14)
營業時間
星期一至六: 10:00-22:00 星期日及公眾假期休息 傳統中國節日如中秋、端午、冬至等: 10:00-18:00
付款方式
現金
座位數目
22
提及此餐廳的食評 (535)
入門食家 2016-07-16
879 瀏覽
今日放工,悶悶不樂,我自己一個人帶着疲乏的腳步落灣仔,一路行個肚一路打鼓,行下行下下無啦啦就行到再興嘅門口,再興嘅叉燒飯聽就聽得多,想試左好耐,咁我岩行到佢嘅門口悶悶不樂的心情最啱就係呀你試吓暗然銷魂飯!大約晚上八點幾嘅時候,成間燒臘舖都坐滿晒人座無虛席,我就入到去中間嘅位置嘅一個空位坐低,環顧四周,叉燒係大家嘅首選,我就好豪氣咁樣叫咗碟肥叉雞飯再加碗例湯! 三四分鐘,一碟傳說中嘅肥暗然銷魂飯黎到我面前,叉燒係有層次嘅拖地叉燒,顏色潤澤層次分明,係燶邊加一肥一瘦一肥一瘦,唔單只係味覺嘅滿足視覺都非常豐富,已經忍唔住隨隨咁將舊叉燒擠入口裏面,一咬落去舊叉燒軟硬適中香氣四溢,叉燒應該唔係用普通方法燒出嚟,佢嗰種香氣係有香得來散發被火薰香既味道,加埋畫龍點睛嘅窿邊,被薰過嘅味道,一件完美嘅叉燒,我心裏面只係暗然慨嘆認識得佢太遲 至於雞方面肥瘦適中,唔會係脂肪多個肉嘅肥雞,但係薑容真係可以令到成件雞更上一層樓,到咗今日終於知道咩叫牡丹雖好都要綠葉扶持嘅呢一句說話,薑容直程可以將綠葉呢個角色好言得活靈活現,薑蓉佢唔係普通嘅薑蓉應該係經過特別嘅調味,零舍野味,再加埋帶少少醬汁嘅飯,飯身粒粒分明,薑蓉叉燒飯無敵嘅配合。 食完一碗暗然銷魂飯之後,只係慨嘆認識你再興叉燒飯太遲,我唔敢講佢係香港最好食嘅叉燒飯,但係佢係我嘅頭三位,係食嘅同時見到鋪面一班師傅一個角落裏便不停咁斬斬斬叉燒斬燒肉斬雞,每人都係自己嘅崗位自己工作咁努力,熱鬧既氣氛,祝君安好既毛巾,一個小獅子山下的故事,工作壓力社會變遷,香港人吃碗獅子山下嘅叉燒飯再加油啦!男人嘅浪漫暗然銷魂飯。 繼續閱讀
卓越食家 2016-07-17
368 瀏覽
今曰,法國佬同幫我買左個燒味飯。一個叉鴨飯。飯盒個熱度普通。盒飯好多飯。 我地叫左肥叉,但唔太肥。肉夠淋。而且都幾厚肉吓。但我覺鴨多骨少肉,花椒八角味唔夠。無咩脂肪。色澤都幾均勻。如果佢可以俾多少少汁就好啲。所以可以再好啲,因為啲汁本身飯盒蓋上面都有。 繼續閱讀
新晉食家 2016-06-29
1410 瀏覽
其實再興嘅價錢只係一般燒臘飯嘅價錢,但係人地嘅名氣就等同五星級喇,米其林推薦哦,仲有好多明星名人都有推薦過,名氣響噹噹吖!來呢度,千奇都要食一次叉燒,叉燒係再興嘅靈魂吖!點咗嘅雙拼嘅叉燒拼燒鴨,30蚊,砍料都幾大件,望落就抵食。我鐘意食肥叉,但係今次要做瘦叉,但係呢度嘅瘦叉真係我食到最好食嘅叉燒喇!竟然一D都唔喍,叉燒切得比較大件,但係塊塊都咁入味,肉裡邊仲有D肉汁,再淋點醬油,哇,正!!!燒鴨我本來想要嘅係燒鵝,但係冇鬼,來遲咗,呢度就係咁旺吖,再來遲dd連燒鴨都冇得食吖!燒鴨皮好脆,肉有嫩,加d薑蔥一齊食,香到冇得彈吖! 繼續閱讀