83
15
19
港鐵牛頭角站 A 出口, 步行約6分鐘
繼續閱讀
電話號碼
23453855
特色
適合大夥人
附加資料
餐廳原名為蛇王彪海鮮菜館
營業時間
今日營業
11:00 - 15:00
17:30 - 01:00
星期一至日
11:00 - 15:00
17:30 - 01:00
以上資料只供參考, 請與餐廳確認詳情
食評 (134)
彪哥菜館依個名想咗好耐，但一直都未有機會試，今晚終於可以一嘗。由於早到又未齊人，喺宜安街行咗半個鐘，周圍睇吓啲食肆，雖然間間都唔使等位，但都叫做入座率九成，唯獨是彪哥，經過咗門口幾次都係好冷清，得兩抬四個客，同之前啲人話要排隊等位相差好遠，但既然嚟到冇理由唔試。原本諗住三個人叫咗四個餸，但侍應姨姨話應該唔夠食，心諗四個餸都唔夠食？後尾侍應姨姨再誠意推介多兩個餸，佢話應該夠食。當啲餸嚟到，我終於明白，四個餸真係唔夠食，因為啲餸真係好細碟。 首先蒜蓉粉絲蒸大蟶子，平時啲粉絲係放喺蟶子上面同蒜蓉粉絲一齊蒸，咁啲粉絲入味。但今次啲粉絲竟然係鋪喺蝶底，然後蟶子放喺粉絲面，真係第一次見。咁樣蒸啲粉絲當然冇味啦！最奇怪係連聖子都冇蒜蓉味，成碟餸好淡。（$55/隻）第二味係侍應姨姨誠意推介嘅清炒花生苗，因為唔知咩叫花生苗，所以都想試吓。點之一見到碟清炒花生苗即刻呆咗，隻碟五至六吋左右大，成碟餸好似人哋食剩咁，仲要完全無味，好符合清炒呢個名。（$88）第三碟係青芥牛柳粒，又係搵隻細碟裝住，不過依個餸終於都有味，係好重嘅芥辣味，牛味則欠奉。（$138）第四碟又係侍應姨姨誠意推介嘅家鄉煎蓮藕餅，又係無味，仲要一夾就散，真係有啲失望。第五碟椒鹽粟米，ok嘅，有七嚿，但完全無椒鹽味，又話送酒必食，一啲都唔香口，試問點樣送酒呢？（$68）最後係鹹菜豬肚粉腸煲，依個算係最正常，只要你唔介意佢冇鹹菜味，但好重胡椒味就OK。而我叫咗杯正宗生磨杏仁茶，完全冇杏仁味，好似溝咗好多水咁。而甜品係紅綠豆沙，個紅豆沙又係又稀又淡，反而個綠豆沙就好夠味。三個人千幾蚊落樓但係唔知食咗乜，我終於明白點解間間舖頭都有客，唯獨是彪哥水靜河飛。如果繼續出啲咁嘅質素比客人，我相信真係好難有返頭客。
繼續閱讀
🥢彪哥海鮮菜館 - 大廚出馬👨🏻🍳.Quite a feast that we had! 😍 真係捧著個肚走🤣 I took pictures of most dishes, loved everything though the most memorable was definitely 炸鮮奶 (deep fried milk) and the 砵酒焗桶蠔 (oysters) and I would say the most comforting and satisfying was the 懷舊八寶鴨 (braised duck with chestnut) and 星洲炒Thai河 (Thai flat noodles stir fry)! .📝Here’s our menu: .大白菜燉豬肺湯 冰鎮大釘椒鹽粟米欖角骨翠玉西蘭花*砵酒焗桶蠔 順德荷包蟮懷舊八寶鴨清炒花生苗 黑金磚豆腐金沙翠玉瓜星洲炒Thai河 桃膠杏仁茶 炸鮮奶*得獎菜式.😋Recommend? ✅ 👩🏻🍳Food rating: 4.5/5👩🏻⚖️Overall experience rating: 4/5 . 📍 彪哥海鮮菜館 (Big Brother Biu’s Seafood Restaurant) 👣觀塘宜安街4號P-Q號舖 ( Kwun Tong)
繼續閱讀
📍 #觀塘 #彪哥海鮮菜館#羊羊在觀塘#羊羊在九龍最近有朋友要離港了，臨走前就同佢揀呢間食餞行飯，希望食完係外地一切安好🥹餐廳有啲偏僻，遠離地鐵站又要行斜路，但食完又覺得幾值一試🤣唔知原來呢間嘢都幾勁，有好多得獎菜式😲可以用咁親民嘅價錢食到得獎菜，覺得幾正🤑✨黑金磚豆腐 $88開頭仲諗住炸豆腐有幾勁，點知真係意外好食❗️外皮極脆，炸漿偏厚，但係唔會咬落豆腐散哂👍🏻脆硬嘅外皮同滑嫩嘅豆腐，造成對比，一啖有兩個口感🤩呢間好似比較擅長炸物，因為所有炸嘢好脆唔油膩🫢✨皮蛋花椒豉油雞 $178雞的確好滑同入味，花椒味唔太出，得陣麻味，但好食😆不過同樣嘅價錢，可能會揀返豉油雞，因為差唔多😂✨蠔仔煎蛋餅 $98普通不驚艷，蠔仔份量較少🤏蛋稍薄，稱唔上蛋餅😛✨沙爹金菇肥牛煲 $118沙爹香濃，似現成街邊醬溝成，不特別🙂牛肉略柴，個底有粉絲吸哂啲汁😙✨椒鹽鮮魷 $128鮮魷又係勁脆唔油膩，仲要好在放耐咗都保持到脆度，又係大推✌🏻另外份量都算多，係稍為有啲鹹🧂✨沙拉骨 $102每條排骨上沾滿沙拉醬，油潤嘅口感配埋啖啖肉嘅排骨會唔會太邪惡😈✨蒜茸炒豆苗 $98豆苗依然翠綠嫩口，好彩唔係落咗好多油炒(應該🫣食落都幾有鑊氣，屋企都煮唔到個陣味😤✨豉油王炒麵 $85正正常常啦，麵都炒到乾身，調味唔會過鹹又或者淡，係少咗啲鑊氣🤪✨炸奶奶 $9@完全可以做飯後甜品，味道一流😍奶香十足，應該落咗花奶，有啲流心嘅感覺🤤留意番好易賣哂，再整又要等，不過新鮮出爐仲正🤗人均價錢－～$200+10% (有每人$5茶芥+每枱$10前菜💁🏻♀️評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀#hkfoodie #吃喝玩樂 #原相直出 #觀塘美食 #九龍美食 #美食推介 #午餐 #午餐推介 #晩餐 #晚餐推介 #朋友聚餐 #家庭聚餐 #鑊氣小炒 #中菜 #小菜 #椒鹽炒魷 #炸鮮奶 #大牌檔 #大排檔 #團年飯 #香港美食指南 #香港美食 #香港 #香港好去處 #美食日記
繼續閱讀
入秋想暖啲，食羊腩煲就最適合不過。古法枝竹羊腩煲就大大煲最抵食，以火爐奉上的羊腩煲啖啖肉，加$40蚊有時蔬一碟，本身應該係生菜，因為生意太好冇晒生菜，職員俾咗啲菠菜我哋，意外地好夾，放入羊腩煲內煮過後，吸收了羊腩汁精華後份外滋味！食到中途，大廚出嚟見到我哋個羊腩煲入面有菠菜，仲好貼心咁問我哋使唔使幫我哋加啲油，因為菠菜好吸油，加啲油落去會好啲，真係好warm好細心。😆仲嗌咗佢地個招牌豉椒炒蜆星麵底，炒蜆一黎到，真係好震撼，好夠鑊氣好夠味！啲蜆都唔算細隻，食落都好有鮮味，醬汁辣辣地，配埋佢地蜆煲炸星麵底，真係好好食😋。朋友唔係好食得辣，但係都食咗好多，啲麵浸落汁度好入味，半軟半脆，豐富口感。仲有鹿骨煲，掛住食，唔記得影相🤣。上菜嗰時係煲同肉分開上，職員會上一個乾砂煲，另外仲有鹿骨同紅蘿蔔，當住你面放入去，即刻超有鑊氣，同埋好大煙。聽返佢哋介紹，原來鹿骨咗煮五個幾鐘，好林好入味，食完唔會癡牙，但係又唔會話一咬就散晒，口感啱啱好。睇得出師傅全部都係功夫菜，其實真係會值呢個價，雖然買單都人均400-500，不過真係有八點幾食到人哋收鋪，11點幾。雖然唔係好似任食buffet嗰啲咁抵食feel，但係質素來講真係冇得頂，呢種功夫菜真係買少見少，下次聚餐都應該會再去。
繼續閱讀
椒鹽粟米 送酒一流🍻鍋貼小棠菜炸漿唔會好厚 好香口💯豉椒炒蜆加左個星麵底⭐️兩者都冇乜特別 正常發揮😛😛另外仲叫左個花椒雞 唔辣 但好香花椒味 肉質又夠嫩 食得過🤩
繼續閱讀