某一天在yahoo網站見到, 有人介紹大坑 康記既粥以家庭式作賣點, 價錢亦平宜
亦在openrice 看過別人的評論, 好壞參半. 最近天氣涼涼地, 一於和男朋友一齊來食粥
我們由銅鑼灣一直行去 大坑, 找了一會 終於找到了
一間老店子, 只有二張枱在店內, 舖內只有二個人,這二個人就是二公婆呀~ (還有四個小孩子添)
一家六口 (若我無估錯的話) ,
我和男友找個位子坐下, 然後叫了炸二兩, 蝦米腸, 及第粥, 皮蛋瘦肉粥及豆槳一杯
平時我在西環食粥的, 今次專登來這兒品嚐家庭式的味道不多不少也抱點期望

# 皮蛋瘦肉粥 $12 比起西環哪間平了, 為什麼? 一食就知... 因為呢度既瘦肉不是鮮瘦肉所以比西環平囉, 但呢度既皮蛋好味過西環但粥底就稀咗少少呀

# 及第粥 $17 呢碗粥好味得多, 因為呢碗粥比我個碗粥"綿" , 男友話係綿果種感覺, 佢覺得好味, 而我亦試過他的粥底真的比我個碗好味及綿, 原本我想食豬潤粥架, 但又怕不新鮮,
幸好男友呢有者, 我食咗二件都好好味呀, 瘦肉亦入味, good, 下次一定要試豬潤粥.

# 炸二兩, 其實係代表炸二條油炸鬼既炸兩咋, 但一點也不好味, 凍的油炸鬼加凍的腸粉皮... 超失望

# 蝦米腸, 呢度既腸粉係要值得一讚, 因為係即製架, 好新鮮, 個腸粉皮既厚度比外面厚一點, 又夠滑, 好好味, 加埋佢吔既甜醬, 一流呀, (比起西環, 我鍾意這兒呀) 真係好好味架..

# 豆槳夠凍而不甜, 亦有豆香味, good

總括而言,我喜歡這兒的腸粉及甜醬, 喜歡那兒的粥, 世間上真的沒有十全十美啊~

站在門口的伯伯努力的在拉腸粒

雖然之前來過這區大掃特掃，但當然還有很多地方未吃過，所以今天在吃午飯前，來這兒來點輕吃，吃一碗粥一碟腸粉，試試究竟是什麼龍與鳳。

在午餐前的時段，店內只有四五名食客，但似乎以家庭式運作的粥店，樓面加廚房也不只這個數目，而點吃的，個人粥喜歡魚片粥，因為魚之鮮真的非筆墨可形容，而腸粉就較喜歡炸兩，所以為何蓮園會是我的心水餐廳也是這個原因。

先來碗魚片粥，十二元一大碗，也可分到三小碗的份量，一舀起來已知出事，粥底偏稀而不太綿，不太有米香，加上吃起來像極白粥，為何魚片粥的粥底不是有味粥呢？感覺奇妙！魚片切得很薄，幸好也不多，不足十片，因為那魚片真的不大好吃，吃起來沒有魚香，其肉質偏霉而似魚渣，真的不知道是它霉還是我倒霉了。

另外見門口伯伯努力的在拉腸粒，但好像拉得不太順利吧，塊腸粉皮好像是毀了容一樣，按道理拉腸粉應該是用一塊金屬的鈍刀片，輔助那腸粉皮離開那塊拉布的，為何今天會是用手的呢？另外值得一提的是，此處的炸兩也有三款，有炸一、炸兩及炸二腸，炸二腸要八元一碟，問了店員其跟炸一及炸兩的分別，店員說只不過是份量的分別，做法吃法完全相同，在半信半疑的形勢下吃了最貴的炸二腸，比炸一的五元及炸兩的六元貴得多，但已經比外邊的便宜很多了。

很可惜的是，便宜的炸二腸，味道很是不佳，一來沒有我愛吃的麻醬，只有甜醬及豉油，唯有下多點芝麻吧，芝麻粒沒有炒過，吃起來一點也不香，炸腸內的油炸鬼不脆，腸粉皮偏厚破爛而米香不足，其質感有點粉爛的感覺，而最要命的莫過於那即拉的腸粉皮，竟可以是冷冰冰的，真神奇，似乎吃炸兩，都是回蓮園吃好了。

吃得人很是挫折的粥及腸粉，當然是要找地方吃午餐作溝貨吧。

2009年10月04日，, 21:00
多年沒有看火龍，今年趁趁熱鬧。
19:30才到達大坑，佔不到好位置，不爽。
近主禮臺，各方主禮人致詞、插香、點香、掛彩：花了一小時，火龍才擦身而過。

肚餓極，先要補能量，才能再戰江湖

在橫街小巷穿插，見店外站滿人，店內疑似有座位，便進店攝位。
(嘿嘿！看！獨食的優勢)

看牆上菜單，好便宜啊！

便要了生滾魚腩粥
- 綿厚滑粥底
- 魚腩未經油爆，但亦夠鮮甜，夠肥美，
- 充滿奧米加3能量。

當吃得七七八八時，見同檯食力強的女士，接連加追腸粉。
便忍不住要了炸兩，結果出事了。

追月夜，有大量睇火龍的過客。
店主不停地拉腸粉，仍不停漏單^m^
- 潤腸
- 牛腸
- 齋腸
紛紛上檯，獨欠炸兩，結果鄰桌客人放棄炸兩，搶了碟牛腸。

等了廿分鐘才到位
- 皮軟滑中帶點米香
- 炸麵無火氣，練牙力呀

當晚未見三歲孩兒當收銀。
莫非她參加了，蓮花仙女的行列

題外話：
大坑火龍，十年前看過一次。
難得的是舞龍的健兒，比年前的更年輕，更有活力。
後繼有人

在開始前，鼓車剛好停在我身旁。
那年長的鼓鈸手們，像樂隊一樣，互相呼應，眼神交流不斷。
鼓樂聲牽動了觀眾的心。

我愛粥以下連結是我的粥跡：

http://www.facebook.com/album.php?aid=12961&id=609624386&page=4#/album.php?aid=12961&id=609624386

銅鑼灣同大坑盡是富貴人地方
卻有一間平凡食店.無冷氣.地方有點似大陸落後地方
全店店員都係一家人.可悲的是收銀是一個大約3歲的小孩
食物艇仔粥.味道很淡...肉都不是太多.令人驚喜是煮粥的米
食落口很滑同碗粥很夾
豆漿只是普通貨色....
我估店主有4個仔女...一路食一路聽到罵仔女聲....
對人客都叫好好...的小孩都好得意
我的心情好差.去完我又學到一些道理......
價錢很平只是16元....

看過食評，想試試此店的粥點好，即使地方不見企理，也期望食物質素可彌補不足。今天早上專程去到，叫了皮蛋魚片粥、碎牛肉粥和炸兩。炸兩還可以，那粥嗎？非常之普通，用料差又有雪味，和食評上看到的是兩回事。唯一可說是價錢便宜。不過我就不會因為價錢便宜而再去了。

現時在街上的店舖，想食一碗正正常常的粥，經已越來越難。都唔知試過幾多次，出街食完粥，個口會好鹹，或者喉嚨唔舒服，又或者係上下嘴唇邊有一種火燒的感覺。無他，因為有味精，或者係硼砂。

周不時會到此小店食粥，因為食完除左冇以上的感覺之外，仲有一種舒服的感覺。店子的地方淺窄，舖內得三張抬，其他的都在舖外；又冇冷氣，冬天仲好一點，夏天其實係食到一身汗。但點解都會來食？因為我真係來食粥。

粥底係心機之作，綿度適中，食完的感覺真係好舒服，老闆係一早天未光就開始煲，淨係呢一點，而家都越來越少。其中，白粥、豬潤、豬肚、艇仔、碎牛等，都食過，好。

至於其他的食品，腸粉是有特色的，值得試；炒面唔會落太多豉油，我比較鍾意。其他仲有豆漿、炒米、蘿蔔糕、油墨菜都試過，OK。油器則睇你啱唔啱時間喇。

最後係價錢，老實講，係超值。同我老婆兩個人食到捧住肚，都係每人三、四十蚊。老闆兩兄弟兩家人同老爹都會幫手，其實係有家庭感覺。但係舖租昂貴，又賣得平，真係唔知佢地頂唔頂得順。未來過，一定要來試試。

　　今日因為要去銅鑼灣攞贈品關係，所以便諗住出去食完野再行一陣先去拎野，出門前家姐提議我黎這裡食粥，因為佢之前黎食過，話d粥品幾好，而且佢因為今日得閒便陪同我與老媽子黎這裡試下‧‧

　　
黎到門前，給我感覺係一間很舊式既店子，入到店內見到一些很簡陋既桌子同格局，我地同女店員叫了３碗粥（牛肉粥、艇仔粥、白粥)，此外也叫了炸兩、豬潤腸及蘿蔔糕。

　　我既牛肉粥，食落去牛肉味雖然唔係咁強烈，但配合埋個粥拉暈晒味道都感覺唔錯。炸兩，ok，配d豉油辣醬都幾好味。豬潤腸，佢d豬潤係切到一片片的，食落都有豬潤味，都可以‧‧但老媽子覺得豬潤一塊塊會比較好d。蘿蔔糕，好像差小小‧‧可能煎得未夠香卦。

　　題外話，這裡店主既小朋友百厭得黎又幾得意，常常拿住個地拖拖住個地下黎玩，雖然猛咁俾伯伯同媽媽（我估）話，但睇他們都是笑笑口的‧‧

　　
　　平時間中都會黎大坑食野,不過從來都未食過這間粥店,今次就黎試吓啦...

我既白粥味道唔杰,,很合我心意..老公既魚片牛肉粥,,粥底幾好,魚也不錯,只是牛肉比較無

味...

炸兩唔錯,油炸鬼即叫即做.幾脆...牛腸,腸皮未夠滑,而牛肉則無味.但蘿蔔糕幾好味,是人手刨絲

的,即叫即煎...

另外,看這間店應該是一家人開的,而店中的爺爺專門即叫即拉腸粉...

由銅鑼灣行到黎大坑,,要搵野食的時侯去到呢條街..
又有粥店,粉麵店等@@..最終就決定呢1間*

我叫了1碟炒麵,油炸鬼..
-炒麵果個碟好細但炒麵埋到好高身..強xd
原來都ok大碟嫁@@..
食落唔油,,麵的顏色又唔會好似出面果d染到勁深色..
而且加埋甜醬令味道更特別;;

-油炸鬼
雖凍左油油地,,但仍好脆;;
對好耐無食過油炸鬼既我好開心xd

價錢仲令我好驚喜xd..感覺呢到懷舊且親切

夜晚大約十點黎呢度食晚餐, 估唔到差D冇位坐~ 真係好呀佢生意咁好!
之前黎過幾次, 呢度D粥真係好足料, 今晚叫左個魚片艇仔粥, 先至係12蚊, 但係D料真係多D每一啖粥都係充滿住料~
D腸粉都係新鮮整既, 我諗係老闆個爸爸不斷咁蒸緊D腸粉~ 個餐單都有十幾廿款粥, 任君選擇~ 仲有腸粉, 油器~

連老闆既小朋友都係幫手落單收錢~
間粥店氣氛好親切~ 我會經常黎幫襯!
平靚正!

某個晚上，同一位置
照舊要了一碗粥、一碟腸粉、一碟菜

1) 肉片皮蛋粥：入味的粥！朋友說這裡吃粥要吃最頂那行（餐牌）的粥，因為第二行的味道非常一般，像全部材料分開煲，不『入味』
2) 魚片腸：點解有薑？腸粉雖滑，但只吃到薑味，仲要係幾多薑 !!!
3) 油麥菜：青綠色的油麥菜，沒有什麼特別

還有今次等了很久，遲一點來的人也有得吃，但我們一碟也沒有…猜是因為『伯伯』不在店內

粥好，腸粉不好，overall 給個 ok 罷了

當看着師傅一把年紀也用心做腸粉,就會發覺人就是應該用雙手去創做自己的未來.

炸兩($6) - 炸兩用的腸粉預先弄好,所以不熱,還有點涼.但油炸鬼是脆卜卜的,夾起來一起吃效果仍然很好,再加甜醬,辣醬,簡直是極品.這兒還有炸一腸和炸二腸,即是一條油炸鬼和兩條油炸鬼的分別,方便一個人來吃又怕吃不完.

牛肉腸($10) - 這次就真的是即製.看着師傅用心的拉呀拉,感覺特別好吃,而且更不捨得浪費.腸粉捲得很端正,側面看有點似吃蛋卷.腸粉較厚,不似平時吃的那麼薄.牛肉很多,還有蔥花,$10絕對抵食.

牛脷酥($5) - 預先炸的,不熱,配粥吃會好一點.

來了兩次但也未吃過這兒的粥,感覺有點不好,下次真的要試試.

最近幾個月搬左去炮台山，咁大個人第一次家在港島，為食的我當然四處出巡，由近至遠，睇住食評去逐一試食，呢排去過兩次康記，康記地方唔得干淨，Vintage粥店，40出頭的我或差唔多年紀嘅在街市大排檔等地方出入慣係接受得到，食品我只係試過白粥、皮蛋瘦、碎牛粥、豬潤粥、蝦米腸同炸兩，炒麫咪搞我，我只係食靚嘅豉油皇炒麫，蘿蔔榚亦唔大興趣，食呢味一係去茶樓會好D，又或者自己整，如果多幾個人一齊去食我或者會叫埋呢兩味，奈何我老婆好細食，我又唔想夾硬食，所以都係同呢兩味緣慳！

第一次去係兩三個月前，首先，白粥即係粥底，呢樣唔掂就唔洗玩，味道是理想的，米味足，稀杰度適中，啱我心水，皮蛋瘦唔會失望，合格有餘，蝦米腸同炸兩都係由於用合適的米來造，米味香得美妙，豉油濃甜度也得理想，炸兩中間的油條香脆度合格，加D芝麻(我通常唔加其他醬)，很享受。

最近，有朋友向我推廌話大坑有檔粥D豬潤粥好掂，仲有邊度吖？！原來就係康記，最近兩日前去試，落左單成10分鐘至到，碗碎牛粥都食完咁滯，碗粥色水唔同，深色D嘅，攞個湯匙一搞，嘩！六七塊豬潤，何洪記咪最多比4塊你，仲貴差唔多一倍 (話雖如此，咁何洪記係名牌又位處貴租地方，貴D係可以理解的) ，膽固醇唔係低嘅我都食左3塊半，豬潤食落香滑得來帶沙，粥底亦與豬潤的香融合得很稱心，都係17蚊，過量的讚美就不必了，大家不妨試試，可會與我有同感？！

十時多來到大坑，想吃清淡的東西。朋友聲線不太好，而我其實想嘔多過想吃東西，左兜右兜後來了康記，一間很有大坑味道的老粥店。

要了三樣食物：
1) 滑牛肉片粥：其實我不愛牛亦不愛粥，但我都覺個粥煲得唔錯，軟綿綿，入味之餘又清清定的。
2) 叉燒腸：原本想食蝦腸，但原來是沒有！就要了叉燒腸。阿老闆即叫即整（用那些古老的『木版』拉出來的！），我和朋友也覺得非常好味，腸粉超滑！吃到一半有隻『蚊支』飛到碟邊，為了avoid蚊支繼續行我用手指搞掂了它，所以要快食！
3) 一碟芥蘭($20)：沒有油麥菜，改為芥蘭，一碟普通的油菜我也覺不錯。

Total: $47

p.s. 營業時間為6am-12am，晚上十時多老闆一家才預備及吃晚餐，一切情境加上這個環境令我覺得有點回到小時候的感覺。來大坑懷舊一番的人一定要來這裡。