我地一行4人黎到呢間好出名, 大家都好想食既一門~
一早BOOK左位~ 咁佢話我地唔限時間坐~~ 不過都冇用丫~
我地叫左
1) 牛肉石頭飯~2
2) 燒銀雪魚
3) "暗"春旦串燒
4) 咖哩冷面
5) 厚燒玉子~

well... 真係唔知佢出名d咩?
唔知係我要求高~定係期望高~ 真係好定失望
1) 一d都唔飽
2) 唔覺得佢味道有咩特別~ 勁失望
3) d waiter 一d都唔得~ 佢冇問我地就自己攎哂d野~冇問我地要唔要就執左佢走...
4) 好嘈~

不過要讚既係佢裝修好靚~
唔會有下次~ 又貴又唔好食~

I heard from my friend and searched openrice that The Mon is a good restaurant and good food, but it is not true at all. 2 friends and I, we ordered 5 dishes. They could bring us food instantly. They pre-cooked many food, the egg was cold, many dishes were cold. We were so disappointed. We were not full, but we didn't want to eat in there anymore, so we left and went for desserts.

今日係我男朋友既正日生日，　我ｏ係一個星期前已經book左枱。雖然今日係星期二, 但係一樣咁多人, 我地食到8:40pm, 出面仲有人等緊位。可想然之幾咁受大家歡迎啦~~

我地order左必食既蟹肉玉子燒($50) (仍然保持水準, 玉子超滑, 我係只會食一門既玉子, 出面既我係唔鐿意食既~)
三文魚刺身($60): 有5片, 又肥又厚, 正~~
炸蟹肉忌廉($??): 好香脆, 好熱辣辣, 好明顯係岩岩炸起, 入面好creamy, 正~
牛肉石頭鍋飯($62): 送上枱時熱辣辣, 有人幫你拌勻, 好香, 好好味~~
串燒 :
芝士雞肉串: 雞肉嫩滑, 再配上燒過既芝士香濃無比, 不錯不錯~~
燒和牛串($50): 吃到和牛本身既油甘香, 和牛比一般既牛肉串嫩滑~
燒牛肉串: 牛肉帶有少許"un"~
燒汁帶子: 比較普通, 可以不吃~

咁多野都係食左$374, 抵啦~

約左位同樣是識飲識食的朋友仔出來, 今次地點由她決定, 恰巧一門都是我其中一間想試的餐廳。本身想訂7:30, 但要9:00交枱, 因為不想太趕, 所以訂左bar枱, 無限時交枱, 大家要去的話記緊訂定位先。成間餐廳都好黑暗, 只有很微弱的燈光, 入座時看不見門差點檻跌低。本想問侍應要茶, 但原來要收$15壺, 決定叫飲品。

柚子梳打燒酌$36: 平時都好少飲含酒精成份的飲品, 入口真的有少許酒味, 對於不飲酒的我都不難入口,最底有些柚子蜜,飲到最後都不會變淡哂。

蟹肉厚燒玉子$50: 絕對不能不叫,另有海膽、原味、葱、蝦等味。蟹肉很鮮甜, 玉子甜甜地而且好鬆軟, 感受到佢彈下彈下咁, 記得很久之前吃過一件極甜又實的玉子壽司, 令我不敢再試。坐bar枱有樣好就是見到師傅係在面前煮東西, 真是密密整未停過手, 煎好之後又會用個模印個logo係蛋面。

東洋卷 $48: 這個又是值得推介, 外面是軟軟的班戟皮, 甜甜的帶蛋香, 包住好creamy的牛油果、肥美的鰻魚、同埋滿有咬口的蟹子, 仲有少量沙律醬,真是意想不到咁夾, 但價錢可不便宜, 廿多塊一件。

燒牛舌 $25: 原來朋友仔也愛牛舌的, 每人要了一串, 還以為切厚粒, 咬落不算好韌, 幾爽, 夠味, 加埋七味粉更加惹味。

鐵板帶子蝦煎餅: 我覺得似韓式煎餅,用鐵板上夠哂熱辣。吃到尾都還是暖暖的, 煎餅外層特別係邊位好香脆, 中間心包住帶子粒、蝦肉、椰菜, 都唔錯, 我自己鍾意點醬汁吃,酸酸甜甜的。

燒蜆鍋: 有兩種菇, 一種係本菇, 蜆肉幾鮮甜, 唔韌, 幾清淡的一道菜。

炸芝士: 見到芝士就會兩眼發光的我忍不住不叫呢! 一客有四件, 炸漿咬落不覺硬身, 不像之前係tony roma's 個種炸芝士條般實, 較鬆脆, 但一定要趁熱吃先好, 否則拉不成絲了。

賣單差不多$430, 雖然貴但食物實在太吸引, menu上有很多款式都想試, 絕對有再來的機會。

由於佢個環境 好藍又暗 , 好吸引覺得 , 所以引到我去食

燒玉子
本人好中2食玉子.. [聞]到有蟹肉既玉子 ,幾吸引咁,叫左黎食
特別係 ,玉子上有[一門]2個字,睇得出係用心製既食品
一咬落去 , 好滑同軟... 飄來既係陣陣蟹肉香味.. .. 推介 !

燒物
我知道呢到d燒物都好出名,
叫左幾樣, 係既 ,即場燒好野味,唔會太燶,
but, 我覺得個價唔值 , 好似$50蚊一樣野... 食得好少咋所以

石頭飯
推介牙都, 我唔知日本既同韓國既有咩分別,
但係大家都係 係我面前炒黎俾我食
炒到好香lor, 又唔會話太多飯焦...
howcome!!! its so delicious

PS:: 同場有日本人幫襯..佢地飲清酒

長期係果個咁幽暗既環境下, 唔講仲以為自己去左日本.......
又要走出嘈雜的銅鑼灣大街了 ...

今次又是食一門的刺身,今次的刺身沒有以往的新鮮,吃下去也沒有甚麼 味道.刺身款式三文魚,油魚,蝦,帶子和火燒吞拿魚,望落去真係好好,食落去就知真係退步,我發現一門的刺身水準唔係幾穩定,有時可以好新鮮美味,有時又會好失準,真的要嚴控水準可以了.飯煮得軟硬適中,有光澤,有飯的香味.

一門蛋還是那麼滑溜,富蛋香,蟹肉鮮甜,超級好味道.每次都忍唔住一定要吃一件才滿足

一門煎蛋是雜菌蛋,蛋好滑又夠熱,雜菌又夠多,無論蟹肉還是雜菌都一樣好味.但真是要選還是愛雜菌多點.注意,圖中的蛋切開了三分一.並唔係全份.

現在的飲品又差了,除了炭燒咖啡還是保持到水準,其它飲品都是差左,我喜歡的橙汁也沒有咁好味道了.

一間的水準真是要改善下,唔好咁飄忽,如果唔係客人都會唔覺意飄走的啊

四名男仕有飯局，由我發辦，一門當然是不二之選，食材高質素，服務有水準。八點齊人開飯！先來一道雜菜沙律，蔬菜新鮮，加上麻香及酸醋，煞是開胃！接著的刺身拼盤有象拔蚌（鮮甜爽脆）三文魚（肥美）牡丹蝦（啖啖肉）銀鱈魚（爽滑彈牙，比三文魚爽滑，那種鮮甜難以形容，本人從未聽聞或品嚐過銀鱈魚刺身!）可憐的雜菜沙律早已被我們冷落一了！接著再來一條最時令的秋刀魚刺身，嫩！滑！可是鮮味卻被牡丹蝦頭麵豉湯所蓋過，沒想到蝦膏跟麵豉是絕配！冷盤告一段落，再來必試的蟹肉玉子，仍是如此叫人讚嘆！滿以為已到了是日高峰，侍應再端來羊扒四件加上純生四杯，羊扒七成熟，有肉汁，有咬口。再來串燒拼盤：雞軟骨（佐酒佳品），雞翼（外皮焦脆），牛舌（不說還不知是牛舌，肉汁鮮甜，肉質彈牙，別無他選），風鱔（充滿魚鮮味）雖然全是鹽燒，卻保留了完汁完味，啖著純生，又是另一境界。最後來一客煙肉白汁意粉，香！滑！果然是自信作。到了尾聲，還有出人意表的甜品：香芒豆腐凍（大概是這名字）香芒汁不太甜且帶微酸，配上滑滑豆腐凍，美極！最後要了四客炭燒咖啡，有炭燒香，略帶苦，沒有酸味，飲後有回甘，為是次飯局畫上完美句號。順帶一提，服務有水準，換碟超過十次，侍應有禮有效率！食物帶給我們驚喜接二連三，每次放入口中，均令我們靜默數十秒！好友相聚，飲飽食醉，正！在此再次多謝Ronnie的悉心推介。

開業已有5年的一門,我竟然還是第一次光顧.剛開業的時候在門口略過,覺得很陰暗所以未帶鼓起勇氣一試.最近發覺銅鑼灣的餐廳吃得八八九九,加上一門的食評都很高,便預早訂枱.

訂了7點,侍應一而再再而三的提醒8:30要交枱,感覺有點趕.餐牌食物以居酒屋來說選擇不算很多,但不難找到心頭好.之前看過食友表示綠茶要另外付錢,還以為會是一樣,但店方卻奉上清水,也算不錯.

先來一客必點的傳統玉子($42),原本想試蟹肉,但還是想先試傳統的味道.玉子較預期軟綿,不太厚身,而且水分較多,賣相沒想像中好.至於味道,入口香甜,配上加了醬油的蘿荀蓉,味道更佳.如果配上米飯也會是很不錯.

再來便要試試串燒.鹽燒牛舌($22)好吃的程度足叫我們再三encore.牛舌較硬適中,很有嚼勁,雖說是鹽燒,但醬汁帶甜,值得推介.牛肉($20)的肉質卻沒那麼好,比較嚡,味道一般.大蔥雞肉串,雞肉帶肥所以特別嫩滑,比牛肉質感更好.

石頭鍋牛肉飯,賣相比較接近韓式,因為加了泡菜.以石頭鍋飯而言,牛肉的肉質實在出色,十分嫩滑也很香口.飯粒圓大,醬汁怖滿飯粒,雖然比較油膩,但味道很好.

帶子燒餅,另一款食友推介食品.所說的帶子其實是較細粒的柱子,不太明顯.燒餅做得很乾很脆,油分不算多,蘸那種帶點泰式辣醬感覺的醬汁,味道一流.但最重要還是趁熱吃.

小豆綠茶糕($22),還以為是綠茶蛋糕,但其實只有蛋糕的面層是綠茶.中間帶點紅莓味,入口酸酸甜甜.蛋糕面放了點大粒紅豆,細細件但很飽肚.

服務不特別殷勤,大約8點便已經last order.訂枱的真的要準時來,否則便會吃得很趕了.至於環境,獲安排的座位也不算很暗,拍照效果也不太差.

一出電梯就眼前一黑, 好彩有心理準備. 不然以為自己去左玩鬼屋.

這裏的環境真有一點格調, 好有果D地道日本居酒屋feel. 老板的確花了不少心思.

我book 了7:30pm 二人枱, 但要坐吧枱, 9 點要交枱.

我們點了 :
1. 蟹肉厚燒玉子 - 估唔到係咁甜喎. 雖然唔難食, 但感覺怪怪地.
2. 香炸芝士 - 這個不錯, 唔係好熱, 剛好可以入口, 外層好脆, 裏面好軟綿綿, 好煙韌.
3. 鰻魚鍋巴茶漬 - 個賣相只是一個gimmick. 可能d食物上得太快, 我們最後食這個, 個湯只是微暖, 鰻魚味道不錯. 整體只可以話 okay 囉.
4. 煮豚肉 - 成道菜都好深色. 有豚肉, 有菜有豆腐, 都頗豐富.

我們 8:15pm 已經差唔多食完. 剛放下快子, waitress 已經收碗, 洗唔洗咁呀 !!! 仲有45分鐘先到 9:00pm. 結果我地埋單去糖百府食甜品.

如果想傾計, 千其唔好黎e到.

約了好友到一門食lunch。店內無論地板、牆身、天花以致餐桌擺設，都以深色木材建造。枱與枱之間的空間都尚算寬闊。午餐約有六至七款供選擇，價錢多是一百元有找。今天點了一客壽司套餐，有小卷物四件及壽司六件(墨魚、魚、鱆紅魚、帶子、三文魚及吞拿魚)。賣相OK，味道不錯。套餐連小烏冬一碗，普普通通，味道偏淡。連飲品一杯(可選鮮橙汁)，份量足夠。

[1/9/2009; Tue]

專程來試食玉子燒, 因為hk無mud地方係新鮮整起serve的, 一入去一門, 嘩, 好黑bor...

河蝦玉子燒 (***) : 個賣相好靚, 不過用chopsticks 了開, 點解有水出?! 可能係d蝦, 又可能d蛋漿加太多水(汁)了, 蝦和蛋唔多夾, 蛋裡木魚味道淡了少少, 始終係commercial咗少少, 無一層層的feel, 都係我在屋企整果d好食d.....

鰻魚煱巴茶漬 (*****) : 賣相好靚, 有個little tea pot放湯, 不過一下湯要快快吃掉, 因為煱巴太淋唔好食, 煱巴係用日本米, 有好香的焦米香味; 鰻魚大大塊的, 很淋, 充滿著油香, 好好食.....

燒芝士魚餅 (***) : 無特別

燒牛肉 : 無星, 因為差差差, 牛肉好鞋, 太熟了!! also too salty......

豚肉煮 (*****) : 好好食, d味教得好好, 有veg, 豆腐, 豚肉 etc, 少辣, 有飯更好...

在芸芸眾多日本餐廳中，要留意到每一店的特色是絕無可能，而這間「一門」受注意，卻是從討論區起，看過食家介紹一個很經典的食評，惹來被三百多個留言回應和謾罵，而餐廳的經理和員工卻因而受到高度評價和同情，是始料所不及，也可能因禍得福。

約了友人來「一門」，甫入門是漆黑一片，燈光微弱，我們被安排坐吧檯，因其他檯已訂滿了，也好可看看師傅的廚藝。我們商量後，點了眾多食友推介的蟹肉厚燒玉子，鰻魚鍋巴茶漬，帶子串燒，芝士雞肉串燒和牛肉石頭飯，而廚師推介了鮑魚給我們，餐牌上是沒有的。因他們不供應茶水，遂點了一壺日本綠茶。這店的服務是週到的，送來的一壺茶，侍應禮貌地告訴多浸一會待出味，雖然祇是一句話，但令人感到很體貼，然而，喝一口，發覺是自己不太欣賞的玄米茶，我沒有要求更換。

我們先試串燒，帶子一串有四粒，肉質和味道算過得去，帶子不會是爽口彈牙的質素，芝士雞肉是新派做法，很多日本食品也加了芝士，比單吃雞肉串燒，多了些甘香。鮑魚一碟約有四隻，每隻的大小與五元硬幣相若，是先蒸熟再用汁煮，每隻切開幾塊，彈牙，所附有的醬汁太鹹，光吃較好。蟹肉厚燒玉子是這店的招牌菜，是日式奄列，蛋皮煎得很薄和嫩，內藏蟹肉，肉質鮮美多汁，蛋味帶微甜，醮附上的蘿蔔蓉和豉油吃，確是美味絕倫。鰻魚鍋巴茶漬，用一籐盤載著，一碗鍋巴，一碟鰻魚，一個茶壺的熱湯，蔥花和山葵，還有幾片大根。先將鰻魚和蔥花放在鍋巴上，再淋上熱湯，鰻魚頗厚肉，質素不錯，鍋巴很快變軟，像湯飯，味道很好，而名字叫茶漬，不知是否應有茶的成份，感覺祇是有湯的味道。牛肉石頭飯送來時，侍應想替我們撈勻，我們為了要影相，所以不用代勞，牛肉的調味很好，加了些七味粉更覺對口胃，石頭碗很耐熱，吃完還是熱的。

這店確是非比尋常，光賣一個蟹肉厚燒玉子已贏到不多捧場客，服務很週到，價錢合理，味道又好，難怪離開時仍有很多人等位。

為預祝男友生日，找到了這間“一門”
看了多篇食評，先點的當然少不了“蟹肉厚燒玉子”，一上台的時候沒有想像中的有份量，玉子上也沒有印着一門的招牌~不過男友吃第一啖後即刻話好味道><又係咁點頭XXXDDD咁我就快快的也試一口，果然~!雖然沒有像過往照片中的蟹肉滿滿~但因為很juicy，即使只有蛋的部份也滲着很濃的蟹肉汁~夾埋一點點的(別太多了)蘿蔔蓉又的確係唔同D~

第二道菜是“東洋卷”，果然如食評中說的，因為裡面是蟹子、牛油果&鰻魚的組合，所以整個卷都是‘林bedbed’的~但又因為有蟹子，所以咬落都有點爽爽的好得意~而且牛油果味很香~兩人都很喜歡~^^~

第三道是“銀雪魚西京燒(?)”，又係一放上黎就覺得怎麼燒得這麼燶@@”(但男友說這些才好味=.=最後果然一丁點皮也沒留給我試試…)沒想到煎到咁，裡面都仲好juicy~放落口成舊都好滑~不過略嫌汁醬&墊底的菇鹹左dd~難怪本身$68，而家都賣$88了~~~

第四樣是“鰻魚鍋巴茶漬”，因為未食過，男友很衝動的夾起米通想就咁浸落個壺…=0=|||…我當然沒讓他這麼做…選擇了一個較溫和的食法，佢俾左兩個碗仔~先放一小塊米通，上加一小塊鰻魚，之後就倒d茶(又似湯…鹹鹹地)落去，米通半軟時吃就最好味~^^~如果加埋wasabi&小蔥粒~味道更好><

最後就是“燒帶子薄餅”，雖沒什麼期望，但比想像中ok~一粒粒的帶子~如果加多幾粒就好~不過加了一段段蔥，有爽脆&清新的感覺，不至於太膩或不會只覺在吃粉團…

總括黎講~對於喜歡吃日本菜但又不想一直吃放題，重質不重量又的人來說，這是不錯的選擇~價錢也是中等的~坐得幾舒服(全部兩個人都係坐四人台~可以放下重重的包=.=”)侍應都有禮貌~

今日約左個兩年冇見面既朋友食晚飯,
可能真係好耐冇見,
食野都唔可以太失禮,
睇oopenrice食評揀左呢一間野食

我個朋友一早就book左位,
因為有time limit,所以一趕再趕過去
(不過唔駛等位太好了)

Order左個招牌菜蟹肉燒玉子~~~
個人黎講真係好鍾意食燒玉子!!!
基本上係為左個玉子燒而來~~~
所以是日放任左你咁食~~~~
唔知點降呢度d燒玉子整得好多汁,
同埋好軟身~~好食

仲有order左鰻魚鍋巴茶漬,
個賣相好靚,
不過都係第一次食茶漬.
所以唔好識整,
anyway,d鰻魚好林~~~好好食!!

最後係個煎餅,
個賣相好似好好食,
不過只係一個幾平平無奇既煎餅~~

P.S. Waiter的服務態度唔錯~

每個月５號我們都會揀一家大家從沒有去過的食肆，今次選定一門。
lift門打開，一陣幽暗的藍光，很神秘啊!
店員應我的要求，換了另一個位子給我，因為坐bar檯少不免有點油煙攻過來!
坐定定，就選了幾款一直都想試的菜式:

溫泉蛋 - 蛋白很滑，蛋黃雖不是流出來的，但我覺得不錯，由其個汁很搭調。
蟹肉厚燒玉子 - 這個很讚!! 玉子上檯時熱辣辣，吃入口好滑! 中間吃到蟹肉，
不過就算沒有蟹肉，那個玉子都夠好吃了。會有出水程況，但由於太好食，未等佢出晒水已經食晒...
和牛燒(一串) - 入口鬆軟，好新鮮，值得一試!!
炸芝士 - 這個讓我最失望，上檯時只是暖的，芝士也沒有芝士味，而且因為不夠
熱而變得有點膠狀! ><
咖哩蝦拌冷素麵: 這個合格，蝦好大隻不過得一只，配冷素麵很有新鮮感，味道
不錯!
tamama二等兵 - 這個不能吃，只用來晒命，哈哈。每個月紀念的禮物，令今天
這餐吃得更高興。

今餐很滿意，食物素質很好，有別於一般日本菜。環境其實不錯，至少我很喜歡這裡的
裝潢。店員尚算有禮，不過不失! 這裡值得再來!