2/OCT
妹子想上堂之前吃點東西，但又沒有甚麼時間~於是乎速戰速決好了~本來想著太子下車好還是深水埗下車好？都是深水埗好像多小食吃點…

出了港鐵站，原先不是去坤記的…但人群心理，見一大班人圍繞著好像有甚麼著數似的~於是妹子又圍埋一份8下先~見到有芝麻糕~白糖糕~馬蹄糕~砵仔糕4種糕買…聽說芝麻糕挺好吃~但妹子害怕一路吃的時間，滿咀都是黑漆漆，笑起來時嚇親其他同學仔就唔好喇！

來個馬蹄糕好了，反正自己都喜歡吃，見阿姐切完一件一件後，再拿去磅度磅磅…難道真的每件都一樣重麼？付了$6便急不及咬下去~清甜得來又不會過甜，連不怎樣吃得甜的妹子都覺good，帶點煙韌的口感，中間還有大大小小的馬蹄粒~

小小的一件馬蹄糕，索價$6~與同區所買的糕品為高，但都沒有她的道理的，店舖位置和報導效應，其實都不算貴了！

[為什麼沒有吃掉深水埗之四的呢? 其實是吃完蝦子撈麵之後, 我去了數碼之源對開的那家恭和堂喝了杯龜苓茶, 不過這裡沒紀錄, 就連恭和堂自己的網頁都沒有, 真奇怪哉...]

早上來到深水埗的時候, 一出地鐵站已見到這家坤記, 那時它才剛開門, 而且那時有別的目標, 要到離開的時候才有機會回到原點, 買件糕吃。上來看看, 看來買白糖糕 ($4.5) 比較可靠, 就來一件。糕點已入好一袋袋, 有位阿姐仍努力地將糕切開入袋。一手交錢一手交貨, 一面走一面吃, 所以就沒拍白糖糕的照了 (也就是一件白色的糕這樣子囉...)

我果然沒買錯, 這白糖糕色澤潔白, 入口清甜, 難得的沒酸味, 挺滿意。只是賣 $4.5 算是幾貴。

至此, 我的吃掉深水埗大行動便圓滿結束了...

還未, 因為我發現了這裡原來有更多好吃的地方, 恐怕來多兩次都未食得哂...

以前去開深水埗, 一定會去坤記買糕食..芝麻糕, 白糖糕, 缽仔糕..全部都係我至愛...~~~ 更認為坤記d糕"可能係"世界上最好味既....

但係自９月起．．　ｄ芝麻糕變到一pat pat, 個底就硬，　個面幾層就成pat野，又唔清甜，　又唔香芝麻味．．．ｄ白糖糕．．竟然係酸既．．係甜到酸～　缽仔糕.．又晦又冇豆．．．真的想哭了．．．更更更甚的是價錢貴ｏ左，　又細件ｏ左．．真係好失望．．
每次經過都同自己講比多次機會佢，　再試多次，　又試多次．．都成２個幾月都係冇改善到．．．　真係忍唔住要ｏ向到”申”下．．．可唔可以比我食番以前既糕點呀！！！　

陪女友買完「鈕」後，由地鐵 A1 出口走至 B1 出口，就到達坤記士多，女友嚷著要吃九層芝麻榚 ($6)，逐決定來一件。

這件芝麻榚，賣相有點像塗黑了的馬拉榚，本身對甜點興趣不大，只試了其中一層。本以為入口會煙煙韌韌的，出乎意料腍滑非常，味道則偏甜，帶點芝麻香的餘韻，不過不失，如果芝麻味重一些定會更好！

下次試試同位於深水埗區的鴻發糕品，將兩者比較一下，看看那一間的傳統榚品做得更出色。

呢間糕點店都食左幾年, 以前d 呠仔糕又彈又好食又多豆, 不過今日食就真係出事喇,
今日食左呠仔糕同紅豆糕

呠仔糕一d都唔彈, 好粉, 又林pat pat 咁, 其實紅豆糕都係, 2 個糕望落去都好滑但真係比佢呃左!
好失望呀唔彈仲要無乜豆

唔通出左名個品質真係一定要差d?!

這次純粹是因為名氣而去試，只是買了一個白糖糕。

味道很「家」，也很有口感，很有彈性，又不是太甜，而且沒有酸味。

難怪只賣糕點也可以成為名店

出開深水埗,順便去試下好出名的坤記.
嘩!估不到漲價了這麼多,從前一件白糖糕$3有找,現在$4.5一件,升價2倍.
白糖糕沒有酸味,帶有淡淡的白糖味,中間的軟軟間隔也和以前一樣,good.
但我在屯門新墟也找到這質素的白糖糕,賣$3,坤記有減價的空間.

買左芝麻糕&白糖糕
我以為芝麻糕會煙煙un un,原本唔係,可以話幾香芝麻味,但太淋喇,好粉咁..我只能夠講一般,而且佢唔算平,$6一小舊
白糖糕就同我平時食o既差不多,分別唔大,但佢要$4.5一舊仔!
總括黎講,價錢比人貴,但味道唔係特別好味!
不過因為佢唔係唔好食,所以我俾個ok佢啦!笑瞼就唔得喇

白糖糕 - 都有好少好少既酸味,都ok既.唔會太甜.
紅豆糕 - 食落冇咩紅豆粒,更冇紅豆味.
芝麻糕 - 入口好似芝麻糊,一pat pat咁.個感覺好難接受.同埋個人覺得呢個比較甜左d.

其實係咪傳媒太過份宣傳?
又貴又細件,味道仲要唔係特別好.
真係試過一次都唔洗再有下次.

咸茶果$5
雞蛋糕$5

人氣店，好多嘢都食過，白糖糕、紅豆糕、芝麻糕、砵仔糕通通食過，今日口癢又想食吓

茶果塊葉好香，好似糭葉味，落咗油落塊葉度，唔想黏住舊茶果，不過好鬼油，個皮好煙韌，皮唔厚，可惜個餡唔夠香口惹味

蛋糕好香雞蛋味，係中式味道，算鬆軟

上星期睇完陳啟泰,唸住試下呢間野,於是買左四十個糕點益埋啲學生...一食先知中伏,呠仔糕雖比一般十元四個的彈牙,但不如期待般味美,真不明為何能賣4.5元一個,紅豆糕也是一般,沒甚麼紅豆味,豆少水汪汪,葵芳有家紅豆糕很不錯

不過,我倒喜歡其白糖糕,很清甜,但也是有點酸

總括而言,行過可一吃,專程則可免

是次消費:$2XX.X

吃過了數站之後，最後也買點糕點打道回府了，當然是去在OR出哂名的糕品店坤記啦！

此處賣的糕點，全都被坦蕩蕩的放在門外的竹蘿及金屬盤上，心想現在天氣咁熱，衛生會否有點問題呢？

我和女友最後點了以下每款糕數件，分別有白糖糕、紅豆糕及芝麻糕。

先談白糖糕，吃下去軟熟，鬆鬆的而且有一條條的感覺，是正宗的做法，而且甜度適中，一丁點酸味也沒有，此糕要比時代豆業的更好。

之後吃我的最愛紅豆糕，吃起來很粉呢，可是那些粉不是紅豆豆穀內的豆沙，是麵粉的粉來的，心想真的很不真材實料，猶幸由於粉開得好，搓得勻，吃上去幼滑，質感吃起來較順口，但始終紅豆太少，紅豆內的沙的比例也很低，所以豆香嚴重不足，對我來說不是很對版的紅豆糕。

最後吃的是食評中大家激讚的芝麻糕，從橫切面來看，是一層一層的，很奇怪，咬下一口，其質感非常奇怪，是很粉很粉的，雖然吃起來也很滑身，但是芝麻味不強，真的不明白為何其他食家說是很像芝麻糊呢？難道只是今天偶然失手了？再者粉粉的糕身更是軟得毫無質感，總括來說，只可以用難吃來形容。

上述過份軟身的問題是否跟天氣熱有關呢？本人認為絕對有影響，因為我也有帶數片芝麻糕回家，經過雪櫃的冷凍後，質感吃起來有改善，但是芝麻味仍是欠奉，另外本人還是覺得天氣熱不是一個籍口，作為店家也預了客人會即吃的，就有責任將自己出街的產品做到最好，達至最好的狀態才出場。

所以最後的總結是，要吃糕點，我想也不用再來光顧了，因為質素真的是很麻麻，尤其是若要吃紅豆糕，真的去時代廣場附近的時代豆業會更好，店員更客氣，價錢更便宜，最重要是味道更好。

今日去開深水埗，特登過黎買件糕點食，其實我之前係呢區實習都食過幾次架啦
有時仲試過一件白糖糕或者一件芝麻糕就係我一個午餐或晚餐

今日唔係好肚餓，所以只係口痕買左件芝麻糕食。
依然係有好香既芝麻味，而且真係見到佢九層架，不過我覺得佢太淋啦，變左無咩口感，而且佢既外形切得比較差，所以麻麻地討好

偶一為之食下都唔錯呀，不過我買既時候見到有個男人係度猛咁話之前個店員無找錢俾佢，都幾惡下，我買完都即刻拿拿聲走啦

在深水埗行街，小小肚餓，於是在這裡買了一個砵仔糕，嘗嘗這間出名糕點店的手勢。

砵仔糕吃下去不會太甜，剛剛好，而我那件的紅豆也算不少，糕本身和紅豆配合得不錯，算幾好吃。

看回網友的食評，似乎芝麻糕更為好食，下次真係要再試。

真係唔得喎！
見呢度講度佢咁堅，我一定去試下喇！
一去到問佢有乜糕呀果d，個男人就你眼望我眼，
最後敷衍我咁答，我為左一試，都會買既~
到最後決定買乜時，佢先好似醒覺咁係咁sell其他，
完全唔得囉！出名唔代表你可以hea客架喎！

白糖糕︰嘩！超細件，我諗整埋連一張戲蛋咁大都冇！食落又唔係特別好味，唔甜既~我覺得上水東莞佬果d仲好食！人地仲平過你~

九層芝麻糕︰呢個我又係食唔到芝麻香味，selling point係咪得九層？

紅豆糕︰呢個還可以，都好多豆，但可以再香d~

我唔會再買，地方唔近我之餘，我唔想再受氣！