糖水檔 (已結業) 查看

史上全香港最難食糖水和粥莫過於‘ 糖水檔’ 叫了好幾樣野 無論甜食/鹹食極度惡劣此店舖準備給社會淘汰生意唔好係有原因以下是我叫的食物1）芒果布甸你冇睇錯不是你想像中的布甸是未成形的芒果布甸水  稀到好飲飲糖水成碗野似潲水2）雜果西米露無椰汁味  罐頭菠蘿加水加椰奶加大量糖水何來雜果只有菠蘿椰奶加極大量水溝出來加糖水3）鴨腎菜乾豬骨粥似賣到最後唔夠加滾水 稀到好似湯豬潲水一樣你好意思出依啲質素比客人食有無良心 ？ 祝店鋪早日關門

今日渣車經過，岩岩路邊有個位停車，就停左係尼間野既門口，又驚抄牌， 所以就貪方便入左尼間野度食個飯，本身都冇乜要求，求其食一餐，點了個鳳爪蒸排骨飯，真係難食到嘔，可以講係未食過咁難食既野，差過便利店既叮飯，飯不是一粒粒，而是一嚿嚿， 鳳爪有怪味， 排骨真係得舊骨冇乜肉，食左2啖已經唔想食，雖然唔係貴，但絕不建議係度食蒸飯，糖水及小食無試過，但我諗都唔會好食得去邊，我寧願食返7仔嘅叮飯好過食佢，絕對無下次！

之前都一直有食開佢個紅豆沙， 覺得味道唔錯，料多夠濃，所以keep住間唔中想食，都會特登揸車去買外賣返屋企(講僅我住東涌)。 今日想食所以又再去買， 一打開就發現佢唔對路…勁水勁稀，紅豆得好少好少… 再試下味，完全係水溝糖 唔識用到最後唔夠所以加水咁…發生咩事… 如果係唔夠料可以出聲，我唔叫呢樣轉第二個糖水都可以… 今次真係好差… 我買支紅豆冰食仲好味過佢…… 一心等個糖水返嚟屋企食，點知就咁， 真係好失望當然我下次會再試多次， 希望只係今次出錯…… 大家再去食，可以留意下會唔會再有咁嘅情況…

今日起身起得晏，所以成4點先食野。行左陣街，到8點又有少少肚餓，老婆提議食糖水，咁o岩行過佐敦，入左去間叫糖水檔既小店試下。入到去一眼睇曬，鋪仔一間，得數張枱。睇睇餐牌，原來唔止得糖水，仲有腸粉，仲有從來未試過既鴨肉腸粉，咁特別?一於試下佢。老婆叫左個芒果西米露，我就叫左個鴨肉腸粉。芒果西米露唔會太爛，芒果多。鴨肉腸粉我咁大個仔都係第一次食，鴨肉好多，又入味，豉油自家煮過唔會太咸，味道夾得黎又好好食。

晚飯係附近打完邊爐，返到屋企一陣，太太突然記得自己漏左件外套係打邊爐到🙄。打左電話去，佢地搵得到，咁唯有揸車去拎返。既然揸得車去，一場黎到，就係附近搵間野食宵夜。太太一直都想試呢到附近果間糖水檔嘅菜乾豬骨粥，所以我懷疑成件事係有預謀😂。去到坐低。叫左碗鴨腎菜乾豬骨粥，布拉滑腸粉，XO醬炒米粉。鴨腎菜乾豬骨粥超級好味，好綿，好有細細個係街邊食嘅味道。超正。布拉滑腸粉呢個又係正，好滑好滑。XO醬炒米粉對比起個粥，呢個普通啲。又搵到個食宵夜嘅好地方。不過坐係街邊，點都有好有唔好。

行過附近見到呢間糖水舖價錢唔算太貴，好似幾抵食，原本想食法包又閂左，于是就念住吉返兩串魚蛋。好多食物都唔記得影相。魚蛋 （$10@6粒）缺點：咬落口好散，長期浸住完全唔彈牙，無口感，咖哩汁無咖哩味亦無辣味，魚蛋亦唔入味優點：望落好大粒腸仔 （$3）缺點：無醬料配搭腸粉（$25@3條）優點：粉量多。無論無鴨腸定蝦腸都好重料。 啲蝦食唔出雪味，係爽口。仲要一條入面係有三隻蝦，亦係我見過最足料既第一次食鴨腸，又幾特別，燒鵝飯就食得多，但係配上腸粉就真係第一次試啦

懷舊中式糖水係附近食完飯，見都有幾多人食緊哩間糖水舖，梗係要坐低食返碗啦😎。叫左楊枝甘露($22)、馬蹄沙($19)、腐竹白果($19)、芒果椰汁紫米露($22)，前兩碗都正正常常，味道不過不失🧐。腐竹白果就勁啦，冇腐竹，直情係豆漿加白果，hea到呢🤷🏻‍♂️。紫米露仲勁，叫左多椰汁，上枱見唔到椰汁，丫姐仲話係曬底喎，結果撈完之後都係一滴椰汁都冇🤷🏻‍♂️。真係中曬伏啊喂😰，環境又麻麻，冇下次。

深宵食糖水是常識。佐敦糖水檔做咗30年，啲糖水真材實料又夠火喉。冰涼滑溜嘅木瓜雪耳蛋花糖水（HKD18）真係好正，木瓜同雪耳都煲到喺少少爽同少少腍之間！即刻為熱熱哋嘅天氣消暑。美咪指數：8.5/10抵食指數：8/10

一去到，就叫企響煎野食個亞姐下單，我地打算叫4 個糖水外賣，但竟係要分5~6次講，因為個阿姐會在你每落完一個糖水，佢就行開，一係行開去收錢，一係去d 枱度幫人落單，然係最後係一個都唔記得，一個都無落到，ok, 你唔記得無問題, 抄低囉, 但佢又懶醒唔抄低，咁係咩玩法?! 玩死d客姐🙄如是者重覆再重覆。明明係唔洗等佢煮的糖水, 落4碗一上外賣碗就走得的糖水, 用左25 分鐘先完成拎走。原先想加多碗菜乾粥，都係算了, 因為唔知要等幾耐

佐敦海皮圓方、西九大興土木，填海乜乜又搞工程，不過由始至終冇變嘅係渡船角一帶，依然係宵夜集中地，好多餐廳食肆都營業至凌晨。喺雞煲、串燒興起之前，自己都間唔中會為菜乾粥、炒麵、腸粉、中式糖水過去。糖水檔都有好耐歷史，除左附近居民，都好多熟客會專登過黎食或者外賣。聽講仲有好多劇組買宵夜，一買就百幾二百份。鋪面位置唔多，我多數都係坐街邊，食另一種風味 (笑)今晚喺附近食完飯，心思思想食碗糖水，室內依然冇位，阿姐即時開張枱俾我地。仲用緊以往放匙羹嘅鐵盒仔，幾有feel，不過價錢已經加到成$19碗。我地點左凍綠豆沙同芝麻糊，依然出色。綠豆沙 $19綠豆沙真係起沙而唔係水囉，綠豆、陳皮、海帶足料，最重要有陣臭草香味，食落好舒服好潤喉，大熱天時食完飯整碗好滿足。芝麻糊 $19芝麻糊糊狀稠身，芝麻味都幾香濃，略嫌甜左少少，不過夠凍，我食完重口味野，非常消暑。

所謂意外驚喜 就係 喺肚餓嘅時候 叫咗碗豬紅豬皮蘿蔔 咁大碗只係需要21蚊 店員仲好好人本身話一碗只有5粒豬紅 佢額外私人醒多幾粒畀我 真係好窩心 咁有人情味嘅舖頭 真係值得稱讚 豬皮好入味 而且好林好滑 大家有機會一定要去試下 食完咸嘅試過甜嘅 黑芝麻餡湯圓 上面加咗層花生粉 咬落去 暖暖嘅口感 外皮好q好彈牙 有窿窿嘅芝麻香味同埋花生味 兩者非常夾

早前寒風凜凜，與朋友到柯士甸食飯！飯後當然食番碗糖水，於是到風味十足的糖水檔來碗暖笠笠糖水！蕃薯糖水 - 很香的薑味，蕃薯軟綿綿，熱騰騰份外美味！口感順口香草綠豆沙 - 綠豆煮得軟稔，不稀身！

風高物燥，總會想喝碗糖水滋潤一下，儘管要坐在糖水檔的路旁吃糖水，我也不介意，只要吃碗熱騰騰的糖水就無懼寒風。老店好吃的中式糖水不外乎綠豆沙，紅豆沙，蕃薯糖水等，所以一試便知它的實力如何。香草綠豆沙相當解渴，綠豆軟而不爛，清新的口感在整碗綠豆加分，濃醇香的果皮味，每一口都感覺舒服。我喜歡去老店吃中式糖水，除了它的味道，還有因為它的碗與匙羹均是很舊式的模樣，即使現在不少店主打懷舊，用公雞餐具，都不及一個「四季平安」，「萬壽無疆」，那些充並其量是「仿古」吧。薑汁蕃薯糖水超多蕃薯~ 清澈的薑汁湯，黃澄澄的，又大又軟綿的蕃薯，散發出老薑的香，蕃薯的甜美是天然的香甜味，而且一口也吃不掉這蕃薯。

店名:糖水檔地址：佐敦渡船角文匯街25號文景樓地下C號舖好味指數：8/10價錢：$15凍腐竹白果腐竹白果整體味道不錯，只是白果味道略有苦味。糖水味道甜度剛好，能帶出腐竹的味道，加上夠凍，感覺很解渴。店名:糖水檔地址：敦渡船角文匯街25號文景樓地下C號舖好味指數：8.2/10價錢：$20菜乾豬骨粥光看賣相，已覺得非常吸引，一條條的菜乾絲佈滿粥內，看上來非常豐富。粥內有兩大件豬骨，粥吸收了豬骨味道，非常入味，加上菜乾份量夠多，不會感覺很清淡。

 吃罷晚餐，最好是來個甜點 男友要了腐竹白果糖水，腐竹已煲至不見了，全溶在糖水中如豆漿一樣，香濃滑口，白果甜而煙韌，沒有苦澀味~我要了百合紅豆沙，果皮顯見味道亦出，百合肉厚粉嫩，紅豆起沙之餘亦能吃到粒粒口感，很好 因是日晚餐吃得不夠飽，男友多叫了咖哩魚蛋和手拉白腸粉~ 前者正常出品，至少魚蛋不是粉粉的；後者即叫即製，腸粉軟滑帶微微米酸味，有點像白糖糕那種米酸香，惜該店用的豉油味道偏鹹，不點汁醬吃，較能吃到米香~