19
16
6
港鐵柯士甸站 A 出口, 步行約4分鐘
繼續閱讀
營業時間
星期一至二
11:00 - 03:00
星期三
全日休息
星期四至日
11:00 - 03:00
以上資料只供參考, 請與餐廳確認詳情
史上全香港最難食糖水和粥莫過於‘ 糖水檔’ 叫了好幾樣野 無論甜食/鹹食極度惡劣此店舖準備給社會淘汰生意唔好係有原因以下是我叫的食物1）芒果布甸你冇睇錯不是你想像中的布甸是未成形的芒果布甸水 稀到好飲飲糖水成碗野似潲水2）雜果西米露無椰汁味 罐頭菠蘿加水加椰奶加大量糖水何來雜果只有菠蘿椰奶加極大量水溝出來加糖水3）鴨腎菜乾豬骨粥似賣到最後唔夠加滾水 稀到好似湯豬潲水一樣你好意思出依啲質素比客人食有無良心 ？ 祝店鋪早日關門
繼續閱讀
今日渣車經過，岩岩路邊有個位停車，就停左係尼間野既門口，又驚抄牌， 所以就貪方便入左尼間野度食個飯，本身都冇乜要求，求其食一餐，點了個鳳爪蒸排骨飯，真係難食到嘔，可以講係未食過咁難食既野，差過便利店既叮飯，飯不是一粒粒，而是一嚿嚿， 鳳爪有怪味， 排骨真係得舊骨冇乜肉，食左2啖已經唔想食，雖然唔係貴，但絕不建議係度食蒸飯，糖水及小食無試過，但我諗都唔會好食得去邊，我寧願食返7仔嘅叮飯好過食佢，絕對無下次！
繼續閱讀
之前都一直有食開佢個紅豆沙， 覺得味道唔錯，料多夠濃，所以keep住間唔中想食，都會特登揸車去買外賣返屋企(講僅我住東涌)。 今日想食所以又再去買， 一打開就發現佢唔對路…勁水勁稀，紅豆得好少好少… 再試下味，完全係水溝糖 唔識用到最後唔夠所以加水咁…發生咩事… 如果係唔夠料可以出聲，我唔叫呢樣轉第二個糖水都可以… 今次真係好差… 我買支紅豆冰食仲好味過佢…… 一心等個糖水返嚟屋企食，點知就咁， 真係好失望當然我下次會再試多次， 希望只係今次出錯…… 大家再去食，可以留意下會唔會再有咁嘅情況…
繼續閱讀
今日起身起得晏，所以成4點先食野。行左陣街，到8點又有少少肚餓，老婆提議食糖水，咁o岩行過佐敦，入左去間叫糖水檔既小店試下。入到去一眼睇曬，鋪仔一間，得數張枱。睇睇餐牌，原來唔止得糖水，仲有腸粉，仲有從來未試過既鴨肉腸粉，咁特別?一於試下佢。老婆叫左個芒果西米露，我就叫左個鴨肉腸粉。芒果西米露唔會太爛，芒果多。鴨肉腸粉我咁大個仔都係第一次食，鴨肉好多，又入味，豉油自家煮過唔會太咸，味道夾得黎又好好食。
繼續閱讀
晚飯係附近打完邊爐，返到屋企一陣，太太突然記得自己漏左件外套係打邊爐到🙄。打左電話去，佢地搵得到，咁唯有揸車去拎返。既然揸得車去，一場黎到，就係附近搵間野食宵夜。太太一直都想試呢到附近果間糖水檔嘅菜乾豬骨粥，所以我懷疑成件事係有預謀😂。去到坐低。叫左碗鴨腎菜乾豬骨粥，布拉滑腸粉，XO醬炒米粉。鴨腎菜乾豬骨粥超級好味，好綿，好有細細個係街邊食嘅味道。超正。布拉滑腸粉呢個又係正，好滑好滑。XO醬炒米粉對比起個粥，呢個普通啲。又搵到個食宵夜嘅好地方。不過坐係街邊，點都有好有唔好。
繼續閱讀