西貢松記車仔麵

營業中

休息中

冇嚟松記食車仔麵冇八年都有七年，咁啱入嚟西貢心郁郁就走去食！叫咗個盛惠$75嘅百寶車仔麵，再加咗個$38嘅咖喱魷魚，以為執到寶！點知咖喱同魷魚之間好陌生，佢哋溝通唔到，咖喱黐唔到上魷魚，食落咖喱醬還咖喱醬，魷魚掛唔到汁，完全冇味！唔緊要，我仲有碗八寶車仔麵頂住，成碗嘢顏色豐富，滷水湯充滿八角嘅味道，甚至乎有個阿叔行過都聞到，仲話呢檔嘢啲牛腩好香好好味！等我仲鬼死咁開心，滿懷歡喜食落去，點知啲食物淨係有顏色，冇味道！咖喱魚蛋除咗顏色之外，冇咖喱味冇魚味，滷水雞翼滷得好靚，但係食落去淡如水！紅腸豬皮，正常交易未能扭轉劣勢…我以前真係好鍾意食呢間嘢，打死都冇諗過會落到今日咁嘅田地，比貴啲錢食一碗車仔麵，只要好食係唔會有問題，但係今日喺松記食嘅呢碗完全令我覺得成名係會令到質素降低，好希望下次我再入西貢，見返松記你，你會俾到我以前同你邂逅嘅感覺！加油！

西貢美食街其中一間餐廳西貢松記車仔麵～～～～～～～～～～～～～～～～～～～～呢間餐廳次次經過都見有人食。喺西貢都算出名嘅有一日同家人入呢條街就入去試下味道👅餐廳裝修同出茶餐廳差唔多坐落去都算舒服～～～～～～～～～～～～～～～～～～～～車仔麵口感算ok 啖湯顏色深但飲落口冇乜味道都比較淡豬腸咬落有少少韌，但係處理手法都算妥妥當當同埋都好夠味豬手軟硬剛剛好但係味道都係偏淡dd 如果調味再多少少，會惹味好多

一轉角，發現松記門外熙熙攘攘，我就知道我選對了！店內空間比我想像中大，好有港式小食店嘅feel😌。餐牌上嘅選擇多到令人眼花撩亂，猶豫再三，我揀了牛筋腩麵加金錢肚，輕輕撥開湯面，啲牛筋腩富有彈性又唔會太硬，每一啖都滿是滋味😋。至於金錢肚，就算擺喺湯底下咁耐，都仲保持住佢嗰份鬆化嘅彈牙感覺，真係一流👍。蘿蔔煮得啱啱好，吸滿咗湯汁之精華，軟綿又不失蘿蔔嗰種自然甘甜；而啲車仔麵，小小嘅煙靭，係口感上實在太贏晒！😍 湯底醇厚得黎又唔會過於油膩，湯飲落去就熱辣辣，好暖笠笠嘅心窩。然後呢，當然少不了下午茶嘅傳統拍檔—奶茶🥤。啱啱好甜度，不過有少少太多冰塊，不過係大熱天飲，都算爽口。行過西貢，唔試下松記車仔麵真係會後悔㗎！就係咁準備好比松記浸一浸味蕾嘅hideaway之旅啦！🎉

今天與男朋友去西貢，打算揾好野食，我們去了這間被人稱西貢必食的車仔麵檔，剛巧有電視節目主持人來拍攝，也介紹這間是西貢出名。我們各自叫了三餸（最少三餸）。我叫了米缐，男友要粗麵。麵的份量很少，湯不熱，顏色深但味道淡，好似咖喱溝水。魷魚完全無味，豬皮也淡，但價錢貴，完全不值這個價錢。其他餸的份量也很小。比起其他車仔麵檔，這間被人稱西貢最出名的車仔麵檔，簡直令人失望，不知道為何可以出名，不會再去第二次。

Passing by seeing this noodle place in a pretty big shop location, my family once saw their menu served beef entrails already decided to enter. Restaurant was pretty bright and spacious. Staff allowed us to seat freely but once we sat, she asked us to move to the center part of the restaurant instead of corner seats. Menu was already placed on the table, serving variety toppings for noodle.We ordered three bowls of noodle and two drinks. I will only talk about my food which we didn't shared. Min

今日黎到西貢hea 下，下晝唔知食乜好，就黎到松記試下車仔麵🍜見到車仔麵價錢比較進取，於是叫左個八寶車仔麵試下。1️⃣盤滿缽滿八寶麵🍜💰72裡面有雞中翼、魚蛋、紅腸、豬皮、豬紅、魷魚、蘿蔔、生菜。老實講，成碗麵睇落好深色，但係飲落係好淡味，餸除左雞翼我覺得OK之外，其他都好普通🥲🥲🥲價格偏貴消費價錢：一人💰72結論：（10分為滿分）味道：4/10性價比：4/10回頭指數：4/10餐廳名稱：西貢松記車仔麵餐廳地址：西貢福民路高勝樓19-21號地下

小編又走左入黎西貢搵食啦！幾個友人都話由細細個開始食呢間西貢松記車仔麵，但小編卻竟然從未試過？！搞到心思思要試下點解可以人人食過咁濟！【 滷水豬大腸牛筋腩米線】$48說實話，餐牌既圖睇落去並不吸引，掛湯顏色有點過淺，但上菜見到既色水又其實唔錯，仲幾吸引架原來，估佢唔到。豬大睇食落口勁乾淨無一pat pat肥膏喺入面，一早處理得妥妥當當！牛筋鬆軟，2道餸都相當唔錯👍🏻【芒果QQ】$12 單價$24，跟麵食點可享半價。 味道都唔錯。分數：（10分滿分💛）味道：7.5價錢：7.5環境：7.5服務：7.5（以上評分只是小編個人口味而已）💥 西貢松記車仔麵 📍西貢福民路高勝樓19-21號地下#美食 #香港美食 #吃貨 #相機食先 #tagforfood #foodie #foodlover #hkrestaurant #gastronomy#hkigfood #hkfood #hkfoodpic #hkfoodstagram #hkfoodshare #hkfoodlover #hkfoodie #hongkong #hongkongfood #hkig#hkgirl #hongkongfood

今日入西貢行下， 享受左柔和嘅春風， 美麗嘅大自然景色， 同狗狗玩咗一大輪之後， 有啲肚餓， 但又唔想食太豐富， 於是走去食車仔面，見到呢度人都幾多， 以為應該唔會差得去邊， 兩個人都叫咗牛筋腩 ，我要河粉， honey要幼麵， 又加咗蘿蔔 。因為人多嘅關係， 粉麵都要等幾耐先至送到， 店員都好好禮貌 ，話畀我哋聽啲麵要煮耐啲㗎 。等耐啲冇所謂，最緊要有得食。 兩碗筋腩 河面先後送到 ，一食落去 ，啲牛腩好柴， 咬唔開。 牛筋就ok 。河粉味道正常， 幼麵就唔好食， 碗湯味道偏甜好奇怪， 呢一餐最好食就係嗰幾嚿蘿蔔， 清香爽甜 ，但係主要嘅食物就強差人意， 所以呢一餐係唔合格。

今日仔仔話要食車仔麵，於是走咗入西貢食松記車仔麵，小朋友第一眼見到車仔送就話咗聲，於是揀咗幾個餸，職員亦都好細心咁介紹小朋友食啲咩係最好，同埋介紹小朋友飲咩飲品係最好，整體上服務態度係非常之好，你食物就……普普通通咁啦，

今天特意前來再品嘗松記的煎釀茄子🍆，味道仍是像以前一樣的好，雖然比較油，但味道濃郁，茄子煎香軟熟，很岩口味2 碗車仔麵湯底濃郁，讚松記的服務態度如果可以改善一下就更加好了。她們不是不禮貌，而是一副高高在上的口面，落單時問多幾句就覺得你又煩又蠢，一有人在門口等位就想你快快食完快快走。每人最低消費$30，但又唔可以叫2碗麵叫夠$90 三個人分？！食物是好味的，態度是差的，以前如是，現在如是，所有事物都沒有改變。相信以後變的只會是愈來愈貴的價錢了。

今日做完運動見仲好早，就即興入左西貢入西貢就梗係食松記車仔麵啦揀咗好耐，15 16唔知食乜好，最後就揀咗乜都有嘅八寶，呢度好少有嘅可以跟銀針粉，咁就梗係跟啦八寶入面有魚蛋魷魚蘿蔔紅腸雞翼豬紅豬皮，佢每樣餸都好好食，蘿蔔炆得好淋冇渣好入味，豬紅都裏面好嫩滑食車仔麵第一件事飲咗啖湯先，你會feel到佢同其他地方好唔同，佢唔係就咁清湯加腩汁，湯底好濃郁銀針粉都好好食，好索湯另外呢度仲可以跟伊麵底，都幾好食，但始終都係覺得用乾身炒或者撈會好食啲之後就係小食放題嗌咗勁多，首先就叫咗佢最出名嘅墨魚條同埋煎釀四寶之後仲嗌咗個泰式魚餅同炸魚皮佢個墨魚條好有墨魚味好彈牙，外皮炸到好脆泰式魚餅就普普通通煎釀四寶係青椒，紅椒，紅腸同埋豆腐，普普通通嘅食材，但就好好食另外嗌咗杯鴛鴦涼粉冰，佢嘅涼粉同出面好唔同，佢係好足料嘅涼粉味，好似係人哋係街市一嚿嚿切出嚟嗰啲，佢係令到成杯鴛鴦都有涼粉嘅嗰種草藥味雖然咁樣食法都幾貴，但間唔中一次，同埋你feel到佢車仔麵係高質係好食嘅

嚟過無數次嘅西貢，第一次走入呢條巷，本來係想食泰國野，人太多所以轉食車仔麵，以舊巷嚟講呢間裝修好新好企理。有別於傳統自己劃紙仔點餸，係搵人落單，無餐，多款飲品，紅豆冰都有…12蚊起，整體定價唔算親民。假日6點幾大概坐咗7成，原來8點就打洋。點咗兩麵一餸，蘿蔔有啲渣，牛香濃入味，豬紅都可以😌

plan去西貢酒店staycation,checkin前先西貢市中心醫醫肚先行入巷附近搵食，忽然心血來潮太耐無食過車仔面，見門面個呀姐係到夾好多餸咁 , 有種吸引力，就即興入左去味道夠哂味 ，個人黎講，反而厭太濃味，但都可以接受牛肚夠林 ， 個人中意食車仔面雞翼係偏浸到林身果種 ， 雞翼絕對夠林夠味 ，豬皮就厭林得有種食落口散的感覺，麻麻地，豬腸朋友食話偏肥，但正體車仔面黎講算中上，絕對唔難食，但又未至於好好食唯一美中不足 ，係我當日去食 ，已經話冇哂河粉，唯有轉左做瀨粉但個人而言 ，呢間可以會值得再一食

一間茶餐聽、食物一般、樓面阿姐態度惡劣，立誓以後就算免費都絕不再光顧。幾年來每逢 weekend 和一班 buddy 出海前都在西貢食早餐，食物出品質素每況越下，但因為店舖"就腳"﹐大家都無乜所謂繼續幫襯。剛過去九月初的星期六，8:00am 被安排入座，桌面污糟滿佈奶茶漬，請阿姐抹一抹枱面和落 order 點餐，5 分鐘後最終自己攞毛巾自己抹，期間一直~~要「求」~~落單，但 4 次被樓面金色短髮阿「姐」高聲近乎"鬧"的說話如下：「得啦~~睇到啦，等下~~~轉頭過哩"呀"❗」~~幾百尺舖面轉佐 15 分鐘先轉完8:15 終於落單。👇Me: 1 個沙爹牛麵、凍 0 茶，另一個蛋牛治、奶茶。姐：牛麵、牛治 呀~~~Me: 另一份"蛋"牛治.......姐：咁咪牛治囉.......Me: 我話"蛋"牛治😡姐：咪講佐 "蛋" 字囉。算啦，我和朋友都免得同佢嘈，因趕時間08:45 要開船。Me: 係~~阿姐你講佐我聽唔到啦，落 order啦~~唔刻。姐： 聽唔到就小心啲、聽多啲，慢慢聽。08:30 無食物，無飲品，眼見真係無時間只好向其他店員吹束多次。08:35 「丟」晒所有野上枱，迫於無

車仔麵不論湯底和配料，通常都應該比較濃味，但依間車仔麵真心好啖味…湯底睇落好深色，但入口卻無咩味道…豬紅、魚蛋和魷魚都一樣係無味道…😣搞到我好疑惑，食到皺眉頭。（好在都有揀啲本身有味道的餸，例如魚餅、蝦餅，唔係就肯定食唔落。）😅以前好多人話依間車仔麵好食，去到西貢必試，我真係唔理解。佢真係講唔上好食，因為實在淡而無味。所以求求其其食咗就算，連相片都懶得影。唯一值得讚，怕且就只係嗰杯凍檸茶，起碼有啲甜味。