便所主題餐廳 (已結業)

去到銅鑼灣, 有嬸嬸響街上派傳單, 話京華中心有主題餐廳, 成間以浴室廁所做佈置, 一見張傳單, 心理上已經有少少廁所味, 但身邊既人不斷大叫要試, 就去試o下囉! 一去到, 都幾得意, 分開 2 部份, 一部份係白光燈紫色馬桶既, 感覺上比較活潑年青, 另一部份係黃光暗燈, 馬桶係金色, 比較貴氣浪漫! 食評如下 ~無鍚肉骨頭套餐 ~ 個馬桶有成10吋長, 7吋高, 見到時以為份量好多, 但其實只係一般, 只係用一個黑色碟放響馬桶上面, 份量適中, 無錫骨大家睇圖片都見到好黑, 無錯! 係煮得有點過火, 肉質較硬實, 但個汁幾好味, 飯粒係珍珠米, 前菜配香酸菜脯, 餐湯本來係中湯, 但侍應好好人俾我地轉羅宋湯, 成個餐 $60, OK 啦!紅燒獅子頭套餐 ~ 大家都知, 紅燒獅子頭係好大舊既, 有 d 食店直情會造到成個打檸檬咁大, 但響便所主題餐廳既, 就只有如貢丸般大小既紅燒獅子頭, 肉球味道不錯, 配料疏菜新鮮, 擺放得好細心, 上枱時個個都忍唔住會影張相.便便霜淇淋 ~ 正如其名, 雪糕混有雪霜, 份外冰凍, 朱古力味好濃, 我覺得係餐廳自製既, 加埋一條蛋卷, 就正一係