Pier 6 Restaurant (尖沙咀)

今年生日第一個飯局朋友安排在 Pacific Club 的 Pier 6, 之前大家都未試過, 又唔見有食評, 都唔知好唔好, 不過冇所謂啦, 反正係 celebration, 去邊都開心

踏進 Pier 6 第一個感覺係覺得好似一間 typical steakhouse, 紅地毯, 深啡色既 furniture 配白雪雪檯布, 加上鋼琴伴奏, 氣氛好浪漫, 面對維港夜色, 真係一個好啱情侶進餐嘅地方.

看看 menu 選擇十分多, 最特別係可以揀兩款湯一齊上, 啱哂我地依d多心既為食一族. 雖然只得4款湯: oyster, lobster, oxtail & mushroom. 但我地各人都點左 two tasting soups. 而餐廳正值做緊 pork specialists 推介, 我地亦叫左一個黑毛豬試試. Placed order 後, 好快就送來一個 complimentary appétit – clam chowder cappuccino, 好好味, 湯夠熱夠濃, 雖然一小小杯又冇蜆肉, 但做得好好, 賣相精緻, 好想 encore 期間 waiter 又問我地需唔需要添麵包, 服務好細心. Oyster soup – 因為有青蘋果成份, 帶少少酸, 幾開胃.
Lobster soup – 應該係最受歡迎, 亦都是chef’s recommendation. 個湯味道香濃, 可惜份量太少同埋冇龍蝦肉
Mushroom soup – 也不差, 是有水準之作, 好菇主菜 Spanish iberico pork chop and roasted spring chicken with rosemary – 普通，ok好味, 雞有雞味, 豬有豬味果種, 唔會難食亦俾唔到你驚喜果隻. 雞肉都好嫰滑Grilled vegetable risotto – d 飯唔夠 creamy 仲有少少過鹹, 係唔合格, 好彩 peppers and eggplants燒得唔錯, 拉番高個分. 綜合各人意見, 大家都覺得 d 湯係最好味, 做得好過 main dishes, 總之唔駛再加其他 seasonings我都覺得好飲, 好湯！

飯後甜品，咼心既 birthday cake – Green Apple mouse cake 出場. 加埋煙花蠟燭, piano bday song, 好感動呀! 經理先生幫我地分完餅後, 仲好細心預備pack埋個蛋糕俾我地帶走. but no need lar, 佢忘記左cake係女人既敵人, 我地4個人好快就消滅左佢啦, 哈哈!

蓮香樓 (中環)

難得8:00am係上環一帶, 就到老字號蓮香樓飲早茶. 未去之前都已有心理準備這種舊式酒樓不會太乾淨, 可惜現場環境比想像中還要差. D杯杯碟碟一定要自己洗乾淨, 唔係用滾水沖二三下就算, 一定要大力摔摔摔! 尤其是d碗仔, 冇一隻係唔會有漬, 佢仲要係乾左黏住一舊硬哂, 好肉酸 d水又熱又滾仲要自己出力洗, 真係未食都已經唔開胃!

食物方面, 好彩有兩個朋友仔出去攞點心, 唔駛同人迫. 但坐係到都不是十分自在的, 你要好小心抱住自己個袋, 身體盡量唔好觸碰到任何東西, 因為椅 (有d椅背係破損哂), 地板, 牆身甚至鼓油樽都會見到d污漬的, 真係要好小心先得! 豬膶燒賣 – 冇食
白糖糕 – 不是特別好食, 面頭仲見有兩粒黑點, 要挑走先好食
粉果 – 過鹹, 皮厚
蝦腸 – 蝦ok爽, 但皮太厚, 唔滑, 鼓油唔香, 未食過咁難食既腸粉
鮮竹卷 – 冇蠔油味, 同出面食果d 有d唔同, 味道怪怪的但又未至於唔好食
馬拉盞 – 雖然得一丁點蓮蓉, 但已經覺得係全檯至美味既點心, 夠熱又夠香, 好味! 3個茶錢加埋around $120, 不是好平, 但以此食物質素, 環境衛生… 我搵唔到理由再幫襯囉,

既然嚟懷舊一番, 同場加映小時候係酒樓玩得小玩意 – 摺星星

千賀燒 (銅鑼灣)

Sashimi 尚算新鮮, 但串燒沒有什麼特別, 粟米也不甜, 個人應為燒x亭好食好多, 而且每樣也是一串, 份量太少. 至於最普通的雪糕也未見特出, 紫蕃薯還可以, 但 ginger ice-cream and hazelnut ice-cream 完全係奶味重過薑和榛子味, 很失望 熱茶也要收 $45, 又不是什麼高級食府, 實在覺得有點過份. Overall 食物可以, 未至於難食, 但以價錢比它好吃的日本餐廳還有很多, 因為 overprice 這也難怪星期五晚也坐不滿客.

信用咭優惠亦只限星期一至四, 但門外卻大大一個渣打9折優惠牌(movable) 放在當眼處, 實有誤導顧客之嫌

豚王 (銅鑼灣)

第一次試叫左最basic的豚王拉麵, 碗麵一嚟到, 嘩!!! 真係嚇左一跳, 眼見一層厚厚嘅肥豬油浸左係面, 肥到呢~~ 女仔怕肥真係唔敢食. 但既然排左成個半鐘無理由唔食, 死就死啦. 豬骨湯真係好濃好香, 叉燒偏瘦, 無乜特別, 麵身ok, 加埋芝麻更加香口, 本來真係想飲哂個湯, 但實在太肥膩, 加上新年食左唔少乜糕物糕, 唯有放棄. 總括而言, 個人認為豚王未至於是全港最好既拉麵館, 去過日本多次, 上至北海道下至沖繩, 我都未食過咁肥膩既豬油拉麵, 其他如一風堂, 達摩even一平安都好過佢. 價錢又平d, 坐又坐得舒服, 又唔駛等咁耐. 如果有漬物、芝麻蒜頭、冰水依d供應就係傳統日式拉麵, 佢係合格的. 下次唔駛等咁耐的話都會再嚟試試吓其他拉麵.

加蛋 $15

Shiro (金鐘)

長話短說, 3人叫左壽司定食, 北海道丼及鐵板燒海鮮. 食物點左大半個鐘, 要催先有

首先上鐵板, 唔等齊人食先因為實在太肚餓啦. 食第一隻魷魚即刻扁咀 凍既~~ 唔係完全凍哂, 不過唔係熱辣辣果隻囉, 一ｄ煙一ｄ鐵板既wok 氣都無, 好明顯係 tenppan 完至少十分鐘先上檯, 另外個鐵板 obviously 都只係裝飾品, 食物係同其他 order 煎完先放上去, 唉... 熱都唔熱吓. 食物味道 因為唔熱既菜就算好味都會變得唔好食, 好彩有個醬汁點吓, 是是但但快快趣趣食完就算. 另外朋友話d 海膽同壽司蝦都係麻麻地, 唔係好新鮮, 其他ok 啦, miso soup 好飲. 要讚既都係d服務, 有笑容, 一坐低3杯滾熱辣既綠茶就送上. 上菜遲都有say sorry 話唔好意思今日客人多左. 唔理啱唔啱聽都好有禮貌

返到 office 下午疴左兩次, 唔知係咪食鐵板出事, 但係因為客人多, 無人傳菜, 食物因而暴露空氣中太耐, 增加感染細菌機會… 講真附近有人打噴嚏都好唔掂啦, 好彩依家無事 =_= 希望佢地留意吓啦!!!