只野仁 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2010-06-14
公司定期業績大會, 各個分行同事聚首一堂, 以前自己已經嚟過幾次, 估唔到今次公司可以包全場, 仲要係Buffet添. 全場120位同事連同各大老闆, 人山人海, 諗住Buffet都係普普通通, 食飽影個相就閃, 點知又有D驚喜喎  !先嚟睇吓水吧有乜飲, 攞左杯Asahi生啤濕濕口, 就四圍睇吓D野食. 首選既魚生都有7,8款選擇, 特別D既有赤貝, 蟹腳刺身同海胆壽司, 質數比想像中好, 自己都追加咗幾次. 原來每人可以叫一客原隻海胆刺身, 小弟當然唔會放過. 海胆即叫即開, 賣相吸引, 味道鮮甜, 要等師傅開15分鐘都係值得, 可以話係全晚最令人回味! 另外熟食方面, 有大量串燒同即炸天婦羅, 見老細叫咗客鐵板和牛, 偷咗舊嚟食, 唔錯唔錯! 可能唔使自己錢, D野食好似仲好味過平時咁...... 飲飽食醉, 同老細講聲ByeBye就走人, 再要繼續為業績搏殺, 遲D再嚟試吓隻原隻海胆! 
推介美食: 原隻海胆, 和牛
評分: 味道 4 環境 4 服務 4 衛生 4 抵食 5
2009-12-28
朋友突然吹鷄，要係尖沙咀午聚。正路過呢個新商場，小橋流水既門口，有D小見，就入去try try. 一行六人，叫咗六個set lunch 共5 款: 美國牛柳定食，肉質OK，都有D肉汁，跟餐既炒飯反而有驚喜，既乾且香。 壽司定食，一客十件，大路選擇，不過食材新鮮，抵食之選。 刺身定食，五款有甜蝦, 油甘魚, 三文魚, 吞拿魚同帶子, OK唔錯。 鰻魚飯定食，鰻魚好味，個汁夠濃，仲有碟tempura, 今餐既推介! 鷄肉烏冬，個湯OK，唔會好鹹，烏冬都有咬口，唔比專門店既差。 Set Lunch 叫做唔錯，可以再嚟幫襯  
推介美食: 鰻魚飯定食
評分: 味道 4 環境 4 服務 4 衛生 4 抵食 4
2009-12-05
工程進行得如火如荼，8點幾一行6人行先去醫肚. 叫咗口水鷄, 辣子鷄丁, 水煮魚, 同後加一個唔辣既咕嚕肉, 菜色冇其他四川野咁痳咁辣, 冇咁食得辣既朋友都接受到. 口水鷄比較出色, 鷄肉嫩滑又帶點辣, 唔錯唔錯! 最大特色係杯凍檸茶, 大過杯啤酒, 抵飲!!!! 全晚飲咗一杯豆漿, 一枝可樂, 一大杯凍檸茶, 再加幾杯熱茶, 真係飲到飽!!! 多謝興哥!!!!
評分: 味道 3 環境 3 服務 3 衛生 4 抵食 3
2009-12-02
約了好耐既聚會，本來三人行，臨時call 埋大王出黎，變了四人飯局。 幾經辛苦先同阿姐攞到位, 一坐低就先黎靚靚牛肉，再加蝦丸，好味炸魚皮，雜餃，全部都好好味，牛肉肉味濃郁, 蝦丸就啖啖蝦肉, 真材實料, 炸魚皮，雜餃都保持水準,正!!!!!!! 阿姐保持一向既熱情招待,蝦丸幾時熟, 雜餃滾幾耐都跟到足, 之後再追加牛肉，烏冬，菜，飽飽!!!!! 食飽再去食龜苓糕，估唔到奇妙新一頁跟住就同大王開始咗! 推介美食: 特級牛肉，蝦丸
評分: 味道 5 環境 3 服務 4 衛生 3 抵食 3
|
2次成為首位寫食評會員
食評數目
編輯推介數目
0
會員推介次數
1
人氣指數
3261
留言數目
上載相片
上載影片
我推介的食評
我的餐廳
關注
1
粉絲
10
