無飯OL 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-08-06
雖然8號風球高掛,但朋友遠道而來,點都要同佢地試下香港小菜。今日總共有5個香港人+2個台灣人,太好了,人多可以叫多D餸! 南乳炸豬手: 皮脆肉嫰, 覺得可以補充好多骨膠原, 個汁唔係太重南乳味 椒鹽豆腐: 酥脆嫰滑 魚湯浸黃芽白: 魚湯好好味, 黃芽白索哂湯勁甜 蒜蓉蒸魚嘴豆腐底: 魚又滑豆腐又滑 墨丸墨汁麵: 墨丸彈牙又好有墨魚味, 成碟烏卒卒, 食完仲可以影相玩一餐 豉油皇炒麵: 條條乾身, 唔會太過油, 都好好味, 好可惜已經好飽 台灣朋友話:「每一道菜都好吃到要落淚 T~T 」 埋單$756, 好抵呀~~~~ 推介美食: 南乳炸豬手,豉油皇炒麵,墨丸墨汁麵
評分: 味道 5 環境 3 服務 4 衛生 3 抵食 5
2012-07-27
其實已經黎過一次試佢地既招牌點心, 叉燒包, 馬拉糕嗰D, 但我覺得好普通, 今日經過又心思思想試其他。 枱好迫, 一坐低枱面已有壺茶, 點知係凍既....好彩後尾都換過熱既俾我地。 鳯爪排骨飯: 排骨同飯普普通通, 隻鳯爪睇落唔好食, 點知食落軟糯黏口, 好肯定唔係同D飯一齊蒸, 可能係用蠔油另外炆 虎皮尖椒: 一煎起即上枱, 少辣, 唔錯 金蒜鮮蝦莧菜: 以為好清淡, 原來好多蒜蓉, 好濃味 食咗兩次我都係覺得普通, 唔知總店會唔會好食D? 推介美食: 潮州粉果
評分: 味道 4 環境 2 服務 3 衛生 2 抵食 4
2012-07-27
蝦沙律: 蔬菜新鮮 燒雞泡魚干: 無特別 拖羅手卷: 普通, 食完都唔記得咩味 燒銀鱈魚: 魚肉嫰滑, 好味 壽司: 只食咗一件赤貝, OK唔錯 牛肉薄燒: 趁熱食時好味, 但好快就凍咗, 變得好 “騷” 雜錦天婦羅: 食咗隻蝦, 中規中距, 朋友話蕃薯炸得好味 燒帆立貝大蝦: 帆立貝唔會太靱, 但蝦太咸 烏冬: 好味, 但已經好飽!!! 雪糕: 有綠茶, 芝麻, 柚子, 豆腐, 芒果揀, 我要咗豆腐, 但冇乜豆腐味 餐茶: 太飽, 餐茶都冇叫 個餐實在太多嘢食, 其實全部女仔應該叫四人餐都夠 (但我地又慌死食唔飽咁) 呢間嘢平時約下人食LUNCH講下是非都OK, 食物唔係特別好特別差, 唔會weekend都想黎或專登走黎食晚飯。
評分: 味道 3 環境 3 服務 4 衛生 4 抵食 4
2012-07-20
原來咁耐都未寫過我個飯堂。飯堂唔係極好味, 但係好有HK feel, 離開HK咁耐, 都幾掛住飯堂D嘢食, 尋日終於食哂聚舊飯, 心底暗暗發誓今日晏晝一定要自己嚟飯堂開飯! 坐低發現原來MENU已換, 但我冇睇(早知睇下有咩新嘢), 因為我已諗好食乜! 叫咗咖喱豬扒飯, 等了差唔多20分鐘 >.< 好彩一路玩電話唔太覺。一上枱, 我知點解要等咁耐啦! 咖喱牛腩就一早整定晌海南雞檔口出 (極速出菜), 而豬扒要廚部即整, 所以耐D。叫咗少飯, 但都超大殼飯! 份量勁大, 2個女仔SHARE都夠。有2大塊扒, 2舊薯仔 (同樣是50幾蚊一個飯, 已比春園街嗰間足料!) 雖然把刀好似唔太利, 但都好容易就切開D扒。豬扒配上咖喱汁軟滑香膩, 咖喱汁對我嚟講辣度剛好, 薯仔係冇煎/炸過嗰種, 比較腍同粉, 我無特別偏好所以無所謂。份量真係太大, 雖然好唔想哂嘢, 但都真係冇辦法。 另外叫咗凍檸茶少冰, 最尾嚟到冇少到冰。冰多但都有5塊檸檬咁多, 有茶味不會只有甜味! 應該都會繼續做我飯堂!
評分: 味道 4 環境 3 服務 4 衛生 4 抵食 3
2012-07-18
離開咗香港咁耐, 聚舊飯局食唔停, 今日又約咗舊同事食晏。 呢楝樓逢親中午就大排長龍, 等咗幾部LIFT終於上到去。一入到去發覺D位都唔會太迫 (起碼冇樓下魚珈旨咁迫),仲安排咗我地坐梳化位。 我叫咗碎油甘魚腩飯, 朋友叫咗滑蛋豬扒飯。 前菜沙律: 醬汁好味, 蔬菜又爽脆 麵豉湯: 無甚特別, 飲完好口渴 碎油甘魚腩飯: 唔知係咪我睇錯MENU, 其實人地係寫「碎油甘魚飯」冇個「腩」字 (但成$170我覺得我應該冇睇錯), 而佢剁碎哂我又睇唔清楚, 食落冇油脂甘香的感覺, 但都新鮮 滑蛋豬扒飯: 偷食咗朋友一舊豬扒, 外脆內軟, 豬扒帶少少肥, 還可以 芝麻布丁: 重奶味, 但個人唔太鍾意食芝麻味甜品 成餐其實無咩突出之處, 但因為位處中環, 可以訂位, 坐得舒服, 又取價合理, 值得俾一個哈哈笑, 所以我都會再幫襯。下次試下佢地D銀鱈魚, 見樓下D食評講到咁好食。
評分: 味道 4 環境 4 服務 4 衛生 4 抵食 4
|