i3kristy 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-09-03 (屬於相關食評)
今次帶屋企人來食飯, 食好d啦... 嗌左個桂花蝦, 翅, 鮑魚雞煲, 粉絲蟹煲.... 大致上都唔錯既~~ d翅係發好左帶過去俾廚房整... 個桂花蝦 真係有淡淡的桂花味, 不過d蝦唔係好脆... 但係d蝦好大隻, 夠厚身, 所以望落賣相好靚, 同埋用薄餅伴住食呢個感覺好新鮮呀!!! 好推介個鮑魚雞煲, 點解d鮑魚可以整到好似乾鮑咁好味??!!! 真係出面都食唔到呢個level...d雞就麻麻地啦, 同外面差唔多... 不過都係入哂味既....入哂味既仲有個粉絲蟹煲.... d粉絲有少少乾身, 但我反而鍾意咁, 同埋d粉絲索哂d蟹既鮮味... 我覺得d粉絲仲好食過d蟹...d蟹肉都幾厚實, 同埋d蟹羔都夠多... 呢餐飯我都幾滿意~ ^^不過短期內唔會再去喇, 哈哈因為1個月去左3次了...
評分: 味道 4 環境 3 服務 3 衛生 3 抵食 5
2014-09-03
個英式早餐完全係敗筆... illy coffee 一如以往 飲品係高水準... 杯hazelnut latte好香好濃好滑, 溫度又剛剛好... 可惜食物依然未試到有任何一樣係值得我好推介的... 個早餐冇harsh brown, 冇black pudding, 唔正宗之餘... 佢d bacon係淋pat pat唔cripsy.. 個蛋同埋mushroom係完全冇味既... scrambled egg同m記既早餐既scrambled egg差唔多... 面包係un既...已經冇咩胃口...總之冇一樣野好味... 又唔正宗...所以side哂d錢~~~
評分: 味道 2 環境 2 服務 2 衛生 3 抵食 2
2014-08-04
今次係第二次幫襯!! 因為朋友話廚房轉哂人... 係好味好多, 進步左, 加上有得免費泊車, 又冇加價... 同埋有我至愛的玻璃樽裝汽水, 咩款色都有... 當然又要再來試下啦...點知真係冇令我失望!!! ^_^ order左拔絲生炒骨($98), 聽講係招牌菜...當然要試下... 呢樣真係第一次食...生炒骨外面好脆, 同埋大少岩岩口.. 係一啖一粒呀!!好岩女仔食..焦糖色既外表非常吸引... 令人好有食慾, 裡面熱辣辣的, 外脆內軟, 又有d爽爽地既肉質... 超級正到我食唔停口, 如果喜歡酸甜既味道肯定會鍾意呢個送... 同埋有好濃既黑椒味...好惹味架!!! 份量係好多, 6個人啦...好味得滯唔記得左影相haha!! d料又多, 豬肚好粉呀!!仲好香, 腐竹都好好味呀!! 唔會好un, 個湯係奶白色既, 一d都唔油, 仲好香濃!!
評分: 味道 5 環境 3 服務 3 衛生 3 抵食 5
2014-08-04
突然間好想食烤肉卷, 所以就用openrice搜尋最近屋企的... 搵到呢間埃及菜, 之前食開都係土耳其或者清真之類的... 埃及菜還是第一次, 所以就order左兩款烤肉卷 (羊肉&牛肉) 因為佢d set lunch雖然係比較平, 但係唔太岩心水... 所以揀左貴少少的烤肉卷 ($88) 仲有沙律做伴菜.... 紅色係洛神茶蜜($2x), 綠色係薄荷葉檸檬蜜($3x) 但真係好好飲, 好推介夏天飲係一流... 紅色係洛神茶蜜: 雖然係茶包, 但係唔會過酸, 配蜜糖岩岩好... 綠色係薄荷葉檸檬蜜: 好香好濃薄荷味, 飲完喉嚨勁舒服呀... 同其他舖頭既烤肉卷比較係長一倍有多, 仲要粗好多... 其他舖頭係包括ebeneezer 同埋土耳其風格lol 係好juicy既, 仲有d青椒粒 (但唔鍾意食可以叫佢走椒) 有洋蔥之類, 仲有薄荷醬, 又唔會太重味...但係夾埋一齊又好香口... 加上烤肉卷係即叫即做的, 所以塊餅皮會暖笠笠, 食得出係岩岩做出來的... 就一定會只order一份, 最後叫職員拎個take away bag帶走.. 返屋企再慢慢嘆, 但當然味道就一定冇堂食咁好喇... 下次都係嗌一個餐兩個人share食就算了...^^"
評分: 味道 4 環境 2 服務 3 衛生 2 抵食 3
|