影片
以上資料只供參考, 請與餐廳確認詳情
招牌菜
工作中的午餐，其實附近嘅餐廳可以泊車嘅都試過！呢間咁啱次次都無我份！今日終於有幸一齊去試下！架車去到一個似爛地車場，唔講唔知有間餐廳，入到車場內有泊車位！但我們去到時餐廳專用嘅位已經滿咗！但當我們唸住等一陣時！有兩個應該唔係職員（又無制服，又唔似餐廳店員）叫我們泊架車入旁邊車場嘅邊位！入到餐廳！地方都幾大！普通小廚格局！好平實，唔奢華！幸好都算乾淨！見食評大部份都係食小菜！午餐嘅食評唔多！穩陣叫了午餐「家鄉炒米粉」（$36）比起其他午餐，我揀呢個最遲來，上菜見熱辣辣，應該係即叫即炒！ 餐廳仲自動比埋辣椒醬！細心！賣相似粥店嘅炒米粉，份量好大，我分1/3比個同事，都食到好飽，材料好多蔬菜（芽菜、唐芹、紅蘿蔔絲、椰菜），只有少許肉絲！自己尤其喜歡唐芹嘅爽脆及香味，好特別！加上米粉炒得鬆但唔會碎濕濕！有咬口！又唔會油膩，點少許辣椒醬更加惹味！幸好呢隻辣椒醬唔會好咸！只係微辣，整體好味！ 另外我叫了熱檸茶，個容器好得意，又似杯又似碗，而且好大杯，夠熱，可惜茶底好澀好澀！ 似飲苦茶！最後飲唔到！ 店員個個都豪爽！唔會講多一粒字！又好快手！因為我們坐位看唔到午餐餐牌！落單女店員會逐項講一次！上炒粉又自動跟辣椒醬！收銀雖然唔出聲但爽手！在工作中搵到間好味餐廳，係件好開心嘅事！
繼續閱讀
大閘蟹+羊腩煲...足足食左3個鐘...好似法國菜咁...不過坐咁耐又唔會趕你走...隻大閘蟹有5.5兩重...都算中等SIZE...最重要係爆哂膏...同埋兩隻蟹鉗D肉都好實好厚...枝竹羊腩煲都好正, 羊腩大小適中, 都係用近骨位羊腩..所以有濃郁肉味同埋口感嫩滑又有少許嚼頭...湯底有八角香葉等等辟走羊so味...個gas爐夠勁成煲野d味好香...枝竹索哂d汁真係好正, 口感又夠淋滑...加埋d豆苗生菜真係一流...另外order左個鱔煲, 好惹味, 夠香口...份量好足..入面仲有燒肉tim~條鱔好爽好彈牙又厚肉, 味道又夠濃郁...好正呀~大閘蟹至到11月尾/12月頭...一定要再來食多round呀~~
繼續閱讀
一行5人, 凍凍地, 入洪水橋打邊爐, 食豬骨煲,正點左本地同美國肥牛 (兩隻都好有牛味, 肥美), 雲吞 (可能係老闆自己包, 好新鮮, 多蝦) 手打墨魚滑 (爽滑, 彈牙)美中不足既係....飲品冇涼茶, 竹庶茅根, 冇得下火....
繼續閱讀
今日比較匆忙，見大發要掛隊，所以走到附近嘅洪珊美食醫肚。午餐$33一份，有四款選擇，凍飲加$2，ok啦。叫咗個葡汁雞皇飯，加支樽裝可樂，共$35埋單。飯好快送到，有煙冒出，熱騰騰，都頗大碟，雞件都唔算少，可惜味道一般，雞肉亦唔夠滑；青椒、紅蘿蔔都太腍，唔爽，可能由於煮得太耐的關係；飯更有些生米，可能唔夠水，亦有可能電飯煲有問題。晚飯都蠻可以，午飯就……
繼續閱讀