石頭記 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2008-05-12
5月9日 今晚好厲害咁約左公司既同事去打邊爐, 我地order左個8人套餐, 好似係大約$1189, 包以下食物: 鴛鴦湯底 - 麻辣+魚湯 秘製醬油 x8 頭盤: 全部都好開胃 夫妻肺片 - 麻辣好正, 肺片好爽口 蒜茹青瓜 - 好大多蒜蓉, 青瓜好爽 切片豬耳仔 - 味道淡淡地但爽口 海蜇 - 入口涼浸浸, 而且都係好爽口 主菜: 大魚魚頭 x4 (每人半個) - 好新鮮, 好好味, 真係無得頂 珊瑚蚌, 貴妃蚌 - 勁爽口 象拔蚌 - 切到薄薄上幾靚而且見到幾新鮮, 食落果然...好鮮甜 蝦 - 比較細隻, 但蝦肉尚算彈牙, 如果大隻d會好好多 醉雞 - 一般, 無咩第別 日本黑豚肉 - 呢個係推介, 真係好好味, 肉質鮮嫩唔鞋口, 好軟, 口感一流 肥牛 - 一般啦, 可食可唔食 水晶叉燒包 - 朋友推介, 外面水晶皮, 裡面係叉燒, 要放落個湯到灼一灼再撈番上嚟食, 感覺幾特別, 但我都係like食叉燒包多d..haa 白鱔片 - 切到好薄, 有鱔既解味, ok, 只係份量好少同埋唔爽... 魚滑 - 味道一般, 但又係勁爽勁彈牙 包心蟹籽丸 - 無食到 小棠菜 - 食到應有既菜鮮味而且好爽 生果盤 - 生果算新鮮, 西瓜多汁好甜 楊枝金露 - 偏酸, 麻麻地 另外散叫左白飯同汽水 總結呢到既食物質素真係幾好, 樣樣都好新鮮, 所以值得一試....另外佢地既service都唔錯, 佢地會幫你加湯調醬油, 又會話你知點食個魚頭會好d, 又會主動加湯... 推介美食: 火鍋, 水晶叉燒包, 日本黑豚肉, 大魚魚頭
評分: 味道 4 環境 3 服務 4 衛生 3 抵食 4
2023-09-24
由underground搬左上地面既Underground Rise第一次嚟食lunch 慢煮雞胸海凱撒沙律 : 雞胸好嫩好香胡椒味, 好食 牛肝菌黑松露意粉, 意粉質地好有咬口, 牛肝菌好多香, 加埋黑松露又唔會話好漏, 岩岩好 招牌黑啤肉醬熱狗配薯角 : 個包好香脆,好有美式熱狗果重包味, 同普通出面食既係有啲唔同, 同埋咬落係有陣啤酒香, 好好食 唔記得左名既Pizza, : 薄底香脆, 啖啖芝士香, 都唔錯 Dirty : 暫時係我飲過好最飲既Dirty之一 Mocha : 同事話咖啡同朱古力味剛剛好 basque burnt cheesecake : 朋友個個都讚好食 tiramisu : 都好唔錯, 最重要有dressing, 好食之餘又賞心悅目 整體係好滿意, 所有熱食飲品即叫即整, 熱辣辣, 最重要無晒煙味🤣🤣 一定會再嚟
評分: 味道 4 環境 4 服務 4 衛生 4 抵食 4
2019-01-17
公司附近有間日式外賣, 主打靚魚生拖羅, 睇到相片質素好吸引, 於是order外送到公司慢慢歎, 店員好好, 好nice, 有問必答 最後豪一豪叫左拖羅丼 拖羅丼是3大拖,3片中拖$298, +$18跟湯同前菜, 另想食埋海膽就加左一份$30蚊 送到嚟真心嘩左一聲, 份拖羅好靚, 油脂好豐潤,入口溶化,個陣油脂香味係個口到浪左大半日, 好鬼回味, 海膽味唔算好濃郁,但厚身, 口感一流,加餐湯同前菜一啲都唔馬虎, 湯有加蜆一齊煲, 沙律菜夠新鮮,絕對值得再encore 推介美食: 拖羅丼,海膽 評分: 味道 5 服務 5 衛生 5 抵食 5
2018-01-30
爐端燒越開越多間,今晚就試下御家,店子細細坐得都幾舒服夠casual 先點雞泡魚干,熱辣辣咬落軟綿綿,對版 燒粟米,無味既 燒雞翼外面脆,但略嫌肉質太乾 酥炸魔鬼魚,香脆可口,唔錯喎 燒牛舌,厚度適中,好香口,又juicy 翻點了多一客 燒年糕,熱辣辣,外脆內軟綿綿,啖啖芝士香 燒秋刀魚,正常 燒雞皮,好鬼😈😈,香脆又唔太膩 燒鰻魚 豆腐沙律清下啲油膩,好fresh 燒牛肉飯(安格斯同韓牛),略嫌有啲un...牛味唔夠特出 燒雞胃,正常野 燒物尚有進步空間,可以加入多點特式燒物
評分: 味道 4 環境 4 服務 4 衛生 4 抵食 4
2017-10-11
最近大埔最有人氣就係木船, 好多網友都推介, 仲話一定要book位, walkin有排等呀~ 於是同朋友嚟潮聖下 book左台都大概等左15分鐘先有位入 裝修以木為主, 望落簡潔舒服, 但台與台之間空間比較窄, 會有小小迫, 但可以接受 食物類別都幾多, 店員都幾nice, order左 先嚟特飲兩大杯 朱古力似乎有啲膩 芒果沙冰好fresh好creamy, 配埋糯米糍, 爆谷同鮮芒果, 望到都流晒口水 串燒牛有啲un又無咩味, 串燒豬就好香好軟林林 冬陰功湯, 呢個好推介, 因為好好飲, 酸酸辣辣仲勁有香矛味, 又足料(兩隻大蝦, 紫洋蔥, 蘑菇。。。等) 不得了原隻菠蘿炒飯, 勁多肉鬆, 仲有燒菠蘿, 粒粒飯都炒得夠乾身 海鮮沙律, 份量夠, 但海鮮就無咩味, 都係靠啲汁同配菜搭夠 總括食得過, 價錢又公道。。。仲有好多其他野想試
評分: 味道 4 環境 4 服務 4 衛生 4 抵食 4
|