7
1
2
電話號碼
90958715
附加資料
歡迎包場，作私人聚會，如有其他須要可致電本餐廳查詢
營業時間
今日營業
18:00 - 03:00
星期一
全日休息
星期二至日
18:00 - 03:00
以上資料只供參考, 請與餐廳確認詳情
呢日晏晝喺附近飲完咖啡唔係好肚餓，於是諗住食輕食啲，諗諗吓想食串燒，細啲份量易handle啲。見呢間門口可以泊車，上OpenRice望過好似都OK，而且望落個裝修好似唔錯，決定試一試。一坐低，成間餐廳貼喺牆上介紹食物嘅都無價錢，已經覺得古怪。而且不斷播老歌，懷舊金曲夜咁，超唔夾，仲要音樂太大聲，後來我哋離開咗餐廳坐返上車都仲聽到⋯一打開menu，串燒要2串咁叫，無得試多啲嘢。老闆娘坐低介紹咗一堆嘢食，最尾揀咗呢幾樣：汁燒雞肝 $78/2串 （平均一串$39）輕微辣，唔熱暖暖哋😑燒豚肉荔枝串 $88/2串 （平均一串$44）正常味，唔正常價錢，未加一都$44串，平時都鍾意叫呢個，出面平均都係$2x-3x/串鹽燒牛舌心 $88/2串（平均一串$44）老闆娘話呢個係必點，咁我哋本身都鍾意食，又叫嚟試吓。又係味道正常，價錢唔合理。原本諗住叫幾串串燒，然後叫sake chill吓，問老闆娘有冇酒menu，佢話會成日轉，無menu，話有300ml同720ml，可以自己行去雪櫃睇。算，反正啲嘢食都咁貴，酒唔方平😌 留返啲錢轉場算。最尾埋單，3款嘢食，6串要再加一，$279.4平均$46.5/串🙂之前住嗰邊，其實偶爾都會經過呢間，唔怪得成日行過都無人食🙂 早知去彩虹食無咁嬲🙂
繼續閱讀
伏！伏！伏！伏！伏！伏！伏！伏！伏！伏！同朋友經過，見門面幾靚就入去試下，點知就中晒伏。老闆娘打扮性感，不斷同客人social叫你飲酒。鍾意夜總會風情嘅人就好適合，但唔岩我🙄好地地一間日本餐廳播埋d mk 廣東歌，破壞氣氛又好老土😵💫個老闆娘仲要同班大叔係度大大聲唱歌！真心痴線！原本想同朋友傾吓偈，最後快快手食完就走。冇下次！食物質素一般，但價錢唔平，性價比低。早知係咁行去太和中心個邊食御和亭或者徳美仲好。
繼續閱讀
琴晚見到食評&圖片不錯決定訂位一試, 結果無失望.牛舌心真係俾中心位完全無根, 燒粟米滿滿醬油香, 2位老闆娘熱情好客, 其他客人亦相當好, 第一次去唔知洗手間係邊(出面), 老闆娘知有熟客要去叫佢帶我去, 果位男仕竟然好有風度係出面等埋我(驚我唔識行), 我同老公亦同其他客人一齊飲酒玩, 一定會再去.香港小有嘅小店
繼續閱讀
對上一次到御家爐端燒已是兩年前的事，食物款式大致差不多，但有些食物可能來貨自日本，故定價高了，不過如是本地食材，價錢好像沒有(太大)調整。我們三人點了不少食物，包括燒白鱔($58/1串)、日式炸豆腐、御家燒一夜干($128)、燒翠玉瓜($28/2串)、豚肉荔枝串(每客2串)、鹽燒五花腩(每客2串)、燒牛肩脥(每客2串)、燒蒜芯($28/2串)、燒雞翼($28/1串兩隻)、燒羊架($58一件)、汁燒原隻日本魷魚筒($158)及三款燒飯團($28一款)。偏食的我最喜愛豚肉荔枝串，薄薄的腩片包著荔枝來燒，腩片香脆但仍保留肉汁，連同荔枝入口更Juicy。鹽燒五花腩及燒牛肩脥依舊美味，前者肥瘦適中，趁熱吃口感最佳，下次會改試汁燒來增加肉汁。後者肉質軟韌適中，鹽燒不會搶了牛味。汁燒原隻魷魚的魷魚有鮮味，調味及口感俱佳，物有所值。三款燒飯團包括梅子、明太子、鰻魚，飯團燒得焦脆，賣相吸引又香口，外子及媽媽說明太子及鰻魚口味最佳，梅子偏酸就不合我們口味。老闆娘勁好客，除了跟每枱食客舉杯暢談，更給我們折扣優惠(全單齊頭$1,000)，難怪小店即使只有數張枱，在疫情影響的食肆管制措施下，小店依然屹立不倒，全場爆滿啦！
繼續閱讀
專程走到箍時想食牛扒意粉，奈何廚房已收爐，唯有近近直接到隔離御家用膳，有緣聚聚飲飲食食吹吹水。都有段時間沒有到訪，估不到竟裝上冷氣，與夏天接軌，而且不用再半開放式聞到街外癈氣及二手煙。酷熱天氣已經降臨，真是天大的喜訊！似乎內部亦有調整過，變得更光猛整齊清潔，比以往的佈置更色彩繽紛。播著懷舊居酒屋背境音樂舒服自然，使得情緒放輕鬆等待美酒佳餚的到來！不會用上格格不入的廣東歌、韓文歌、英文歌、流行曲，甚至乎 disco 歌呢，非常窩心有品味。仔細翻閱新餐牌，訂裝精美。發現手字真的寫得不錯喎，請問出於那位才子手筆呢？菜色沒有多大改動，添上新品種及新料理，十分期待！樣樣都想試。每年的父親節、母親節飯都要提早慶祝，免得食肆人山人海，出品馬虎求其，使到不開心不盡興。Premium 生啤大，真的很巨的杯，跟美國時 22 安士一樣﹗冰凍順喉大啖灌，震動透心涼﹗純米吟釀，依支清酒不得了！厚身飽滿幼滑醇美追住飲。螢光沖漬魷魚，每次日本料理必定常伴我左右！特選開胃前菜，肥美咸鮮強烈而溫柔，先來爽脆黏滑，繼而爆汁潤澤！喚醒您的味蕾，使得您食慾全開，還有薑蓉及青瓜絲的點綴，愛得死去活來！日本淮山漬，都話不要開邊斬半呢！被醬油浸到韌韌不夠爽脆，芝麻香口，漬味略重，涼浸浸品嚐還可以。明太子鮟康魚肝，魚肝最緊要夠水份夠油潤，淋上適量鰹魚汁，搭點微辣明太子黏黏齊齊嘆，味道甘甜豐富無得頂！海葡萄，幾乎沒有味道的海藻類，只有極微弱的鹽咸味，沾上青葵豉油提味，樣子可愛入口卜卜脆。燒蟶子皇，巨形大大碌，見到雙眼發光，聞到口水狂流，純天然鮮甜味道，搭微量蔥花原汁原味，半滑半彈整條肉啪入口，慢慢嘴嚼細味，閉目陶醉！燒活北寄貝，同樣不用任何調味或加工，燒熟灑下蔥花就可以立即起動！粉紅色繽紛奪目，肥美絕倫，肉汁噴射，貝類甜味留在味蕾久久不散，餘韻清香無比！燒原隻花龍，這餐最重要的第二主角隆重登場！入口便知龍定蟲，新鮮度無可置疑，聞得到的鮮味！龍蝦肉生猛地在嘴裡跳動，爽甜到世界盡頭！游水海鮮怎樣煮都好好食，最緊要時間拿捏得準成剛剛好。日本花魚一夜干，鬆軟一點也不乾。鮮味魚汁濕濕，微脆焦香魚皮夾著甜美白肉點醋食，津津有味。整條魚迅間變得一絲不掛，連魚骨都被我啜得乾乾淨淨！燒原條波鱲，以為龍蝦每次都必定係主角？非也非也。望穿秋水第一主角終於降臨，製作需時，慢工出細貨。在坐低一刻師傅已經開始處理，要耐心地溫火慢慢燒慢慢燒，才能達至最高境界！波鱲什麼來的？真的從來未聽過，上網查查先，原來係紅鱲魚。絕對不要打鱗，直接放進火爐燒，整塊香脆魚皮連鱗揭開，白煙升起，熱力迫人，氣氛十足！急不及待立即夾起大大舊白肉享用。鬆軟綿密的魚肉，香噴噴多汁細膩，越食越想食，停不了的節奏，好綿好濃好濕好好味﹗就連魚皮魚鱗都食埋，焦香脆卜卜，真的完全失控忍不了口！如果有十粒星評分的話，我比足十二粒星！松葉蟹味噌甲羅燒，嫂子力推新產品，好好好給我試試吧。日本空運到貨的甲羅，師傅再加工一下添點食材，外觀更加吸引。混埋蔥花蟹子蟹肉蟹膏麵豉醬，味道百花齊放，甘香咸鮮推到頂點，整隻蟹蓋舔得乾乾淨淨。熱力迫人新鮮燒起，燙燙的蟹膏麵豉混埋蟹子蟹肉漿住您的嘴，用舌尖慢慢地挴慢慢細味，味道濃郁甘甜散發著燒烤香氣，咸甜交錯滋味無窮！胡麻雞絲冷烏冬，還以為冷烏冬係沾鰹魚汁食那類，原來係胡麻醬撈窩蛋雞肉蟹柳鮮茄，實在實在太過份，太過多料喇麻﹗食到碟都舔埋，真係唔好意思﹗大量鮮茄清新多汁天然酸甜錦上添花！蟹柳撕成幼絲跟烏冬融合添加更多層次，微咸結實雞柳釋出肉甜味道，生雞蛋能將所有味道調和得平衡出眾，全體混得均勻涼浸浸大啖吸啜！烏冬有著米香嚥韌滑嘟嘟，每一口都要有齊所有材料，百花齊放高潮一浪接一浪，那有給我挑剔的機會啊！汁煮大根牛，關東煮的影子。有著牛筋粒、牛腩粒、牛舌粒，羶羶的味道，乾韌的質地，甜甜的醬油。死氣沉沉，了無生氣，罐頭來的嗎？腍劈劈蘿蔔夠經典，混濁的醬油味還散發苦澀味道。燒雞皮，非食不可的選擇！師傅有著高超的技巧燒得雞皮香脆非凡，鳳脂藏在內一咬滋潤我乾涸的味蕾，高質拍案叫好！燒白鱔，肥厚的白肉，油脂澎湃滑嘟嘟，爽彈超凡脫俗，每啖都充滿肉汁！皮脆肉嫩，食得我滾動無限。燒雞翼，彷似藝術家的演繹。雞中翼被完全解剖攤平，只留下單骨吊吊味。雞皮微脆滲鳳脂，白肉嫩滑醃味超卓，連肉帶皮一齊咬才是精髓！色香味俱備，醒神開胃，就算連食半打都視作等閒！燒雞心，有著原汁原味雞甜味，嚥嚥韌韌沒有新鮮雞心的爽彈爆汁感覺，好采味道蠻不錯。鹽燒牛舌心，立方牛舌厚厚，燒得四面焦香，肉汁緊鎖於內，不羶不嗅，只有濃濃牛肉純天然味道，太好食，實在可惡﹗鹽燒牛肩胛，鬆軟的牛肉，味道清淡，油潤醇香順喉。安格斯牛肩胛金菇卷，薄薄牛肩肉微燶，乾而焦香，味道單調。金菇爽甜，整件入口，互補不足。燒豚肉韮菜卷，豚肉必須燒到外邊金黃焦香，內邊水潤爆汁！豬肉汁鮮鮮的跟韮菜汁甜甜的融合，光芒四射！爽甜的菜，嚼勁的肉，沒有給我挑剔的空間！燒秋葵，外熱內暖仍保有滑潺潺的黏液，所有精華及營養都存在黏液中，爽脆地入口，黏滑地嘴嚼，清甜蔬菜的味道。燒豬粉腸，此道新產品就有點失準。滷水味混濁不清香，散發陣陣八角味，不甜不彈不滑不肥美，軟軟腍腍平凡唔難食。鹽蔥麻油炸雞，意料之外蔥還蔥而雞還雞的呢！先炸雞件再鋪大蔥，大蔥經麻油炒過，麻香出眾。雞件炸得金黃乾爽，調味到加讚口不絕，淨食已十分滋味！夾著麻油大蔥齊齊趙，更有風味更加要搶住食！日本雞皮餃子，無論如何都要試試，必食佳餚！雞皮外層甘香熱騰騰，包著嫩嫩油潤雞皮，中間藏著爆汁甜美豬肉鬆，配搭精采萬分，驚喜的烹調，不得不讚！炸薯仔芝士餡餅，細妹指定想食，我對傻餅完全無咩興趣，傻條也好，傻片也好，同樣不喜歡，我要食肉架。唔好蝕都試一舊，不過真心炸得非常優質蠻不錯，鬆化乾爽香噴噴的外層，包著熱騰騰滿滿半溶芝士餡，甜甜的薯蓉撞上咸咸的芝士，喜愛芝士同時喜愛傻餅的必定愛不釋手！豚肉湯烏冬，食材平實但豐富，紹菜、冬菇、菠菜，豚肉、日本魚蛋片，餚得湯底純樸自然泛著清甜。加篤青芥辣整碗烏冬即時活起來！生猛紮紮跳，苗條扁身烏冬稀有少見，什麼來頭？菜甜味已溶入豉油湯中，極可口極味美！整隻碗拿起，彈滑烏冬夾著嚥韌豚肉片跟靚湯全部齊齊掃入嘴仔，味道混得出色，格外美妙大滿足！清湯鳥肉鍋，醃味清淡雞髀肉滑彈幼嫩，甜湯搭啖啖雞肉連薯粉入口，美味合格。清湯白鱔鍋，湯底跟鳥肉鍋一模一樣。肥美烚白鱔肉跟燒白鱔各具特色，但同樣有 5 粒星評價！爽甜鮮甜甘甜，皮黏滑彈，肉香醇厚，鱔油甘香無窮，舔舔脷！牛肉壽喜鍋，雞蛋、肥牛、大蔥、娃娃菜、鮮冬菇，簡單的食材配以甜甜昆布湯底已經非常美味，食完全身暖笠笠好舒服想訓覺。
繼續閱讀