之前常來，因為撈檬都算唔錯，價錢都算抵。點解唔會再幫襯？因為價錢越來越高，d料仲要越來越少，同埋外賣加錢既數目講既同菜單度唔符合，真係想賺錢想到咩咁。

今日中午天氣好熱，唔想食熱野，就去買左份撈檬外賣，加凍奶茶。俾左錢等拎走，無兩分鐘佢走上來話要加多一蚊，我就唔明喇，你講到清楚外賣盒加一蚊，我俾左錢俾你，結果佢話依家凍飲個紙杯都要加多一蚊。我都覺得好好笑，之前次次買佢外賣，都沒試過有咁收錢既，今次解釋俾我聽既時候仲要態度好差，幾個人圍著我話一直都係加兩蚊，未試過我講既咁。我睇凈係一蚊既事，就費事同佢吵喇，仲要我一個人對佢地三個人，好驚，諗住快d攞完就走，唔想同佢地講喇。

等左一陣佢將我既撈檬俾我，個態度都唔好就算喇，個盒同飲料仲要係擺得很難拎，同埋我既凍奶茶佢仲搞錯左俾左我凍檸茶。趕時間就費事同佢吵，即刻走人，但係返到屋企樓下d檸茶因為個袋唔正已經灑晒出黎，食既時候個袋仲係度漏水。

總之呢間野我唔會再幫襯，亦都睇到之前午市時間坐到滿晒既鋪頭依家冇咩人去食，咁都係可以講明一d問題ga。

六點半到咗餐廳門口，餐廳入面仲有好多位，兩個frds係路上都就要到，唔想係門口外面喂蚊，卻被告知一定要過半人數先可以入座。我話你地入面咁空，我d frds好快就到，唔會阻住你地浪費資源，但都被拒之門外，態度已經非常唔好，如果唔係其中既frd好想試下，都唔會去食添。

等咗十分鐘，終於入到去，三個人被帶到兩個人既位，被告知如果想坐寬綽d既位都唔得，三個女仔拎住三個袋完全無位擺，後尾叫咗野食都擺唔落，逼著我地要快d食完一樣先可以再食下一樣。

如果d野食好味，咁其實都ok既。講下食物，好可惜唔記得影相：

a. 素鹅
味道都可以，但分量真系太少，性價比好低

b. 四川擔擔麵
呢個正常

c. 雲吞湯麵
湯頭無味，食落太淡

d. 醃篤鮮
呢個先係重點，有無睇到menu上既圖片幾靚？好期待咁落咗單，上菜時揭開個煲蓋，全部人都O晒嘴，個煲度空liao liao，撈咗勁耐先撈到一小塊鮮筍。真係「以實物為準」，無得揮，我服咗妳！
成煲野仲要98蚊，如果知道係咁既樣，收我50蚊我都唔會要。

同d frds出街食飯本係一件好開心既事，但係呢d咁既餐廳，奉勸大家以後都係唔好去lu。

一直都好鍾意食Roll嘅rolls同Macarons，今次終於上來寫食評喇hahah~~

女仔都鍾意kawaii少少嘅Macarons嘅其實，所以今次又揀佐動物仔嘅Macarons，15HKD/each，少少貴，無辦法，Macarons都係咁嘅喇...熊仔係朱古力味，豬仔係草莓味，雞仔係檸檬味...不過如果想試吓多種風味嘅話，都幾推薦試下其他味道，黑芝麻味無論係rolls定係Macarons，都好好味，算係呢間店嘅特色口味之一另外就係rolls啦！26HKD/regular，一般都係食呢個~

最鍾意嘅都係黑芝麻味，D芝麻味真嘅好濃，加埋Dcream都唔會好滯，因爲感覺到Dcream都幾light，唔會好甜。而且冰冰凍凍食起身真係好似虎皮卷咁，但又比虎皮卷好食好多！

另外有個草莓cheese之類嘅口味我哋都share佐嚟食，都好好味，推薦呢兩個味道，不過感覺呢個嘅cheese味唔係好突出，唔似黑芝麻味咁。最後好飽喇，就一起試佐份frozen yogurt，感覺係average上少少咯，無咩太特別。鍾意食yogurt嘅朋友會鍾意嘅，但佢就唔rolls同Macarons咁值得推薦。

南丫島呢間豆腐花好出名，所以今次嚟南丫島，都專門搵到去食。

好遠就睇到招牌，少少激動，行埋去排隊買豆腐花食。雖然都幾早，但人已經好多，而且剛好先有一大幫人食完豆腐花準備繼續行山，可想而知佢幾有名喇。睇到D煲入面嘅豆漿同豆腐花就好想食，而且入秋之後天氣涼少少，所以環境都好舒服，適合買碗豆腐花同frd坐下嚟傾計。終於等到了，老闆整豆腐花好熟手，次次都係兩咫羹再加半羹，然後淋薑糖漿，金黃嘅薑糖漿睇落真係好吸引！用嘅托盤還是老式嘅個種，好有原始懷舊嘅感覺，好舒服。

坐下來吃豆腐花，第一口直接就滑進個喉嚨了，真係唔話得！好濃嘅豆香味，而且唔甜，所以很清淡很純粹得香味令人覺得真嘅十分享受。薑糖漿嘅薑味唔係好濃所以食起身唔會好沖好辣，arm arm好，所以吹着風食豆腐花，仔傾傾計，真係嘆世界！一碗豆腐花係10蚊，如果打包拎走就另加1蚊，都見到好多人拎走兩三份豆腐花，估計係因爲實在太香滑了，哈哈。

終於行完D山路，一路食嘢過來，都幾飽吓，但呢間茶果店都係讓人眼前一亮。

早前聽過剛剛嚟過南丫島嘅frd介紹呢間，就埋嚟睇吓，真係都好吸引人，於是乎就一樣嚟佐一件，因爲我自己比較鍾意缽仔糕，就又加多件缽仔糕。缽仔糕：
同早前係深水埗食過嘅坤記有得揮，但坤記稍勝一籌。仁記嘅缽仔糕都好綿好Q又唔會太乾，好好味。不過美中不足嘅就係糖加多佐少少，食晒成個覺得有D甜過頭。

甜花生碎茶果：
D花生好脆好香，好有花生味，茶果嘅皮薄陷足，而且唔會太甜，很合口味。

紅豆餡茶果：
依舊皮薄陷足，而且紅豆蓉好香，磨得好滑但是又食得出紅豆嘅質感，鍾意食紅豆嘅朋友唔好錯過！

眉豆味茶果：
都幾香，比較特別嘅就係佢係鹹嘅。不過我個人鍾意食甜茶果多D，就唔多做評價。

南瓜紅豆味：
同紅豆餡有少少似，但我鍾意呢個嘅皮多D，可能因爲佢有少少包子嘅質感

雞屎藤：
一直都鍾意食雞屎藤，但係宜家市面上越來越少呢D傳統嘅小食賣。今次見到都好開心，上面D花生好香脆，不過雞屎藤本身我覺得都是落多佐糖。可以少甜D嘅。

總之，對於鍾意食呢一類型嘅朋友嚟講，係南丫島唔可以錯過ga !

嚟南丫島點可以唔食金卷D蛋卷？！

行緊見到金卷嘅時候即刻停落嚟，見到做蛋卷嘅機器同埋新做好嘅蛋卷，好大陣香味。問可不可以買一盒椰絲鳳凰同埋肉鬆鳳凰雙拼嘅蛋卷，老闆好爽快咁同意佐。後尾行山行到想have a break嘅時候唸起仲未食蛋卷，就坐落嚟食。圖片就唔記得影，因爲實在太好味。

D蛋卷真係好酥鬆好松化！肉鬆夾得實實嘅，而且分量一點都無偷工減料。真係唔話得！椰絲味嘅style就同肉鬆嘅鹹香唔同，但椰絲亦都好香，又唔會太甜。真係後悔只買了一盒！因爲之前沒試過，所以今次淨係想嘗嘗鮮咁，無想到咁好味。

其實金卷係榕樹灣同索罟灣都有一家分店，後來行到索罟灣又買佐兩盒帶返屋企。順便試食佐佢同樣好招牌嘅白飯魚，就覺得唔係想象中咁好食，而且漲佐價，就無買。總之強烈推薦呢間嘅蛋卷！

TIPS：如果整蛋卷嘅師傅係度嘅話，而你又唔係好想加料，或者鍾意食齋蛋卷多D，可以麻煩佢現場幫你做一盒無餡嘅蛋卷。亦都係十分之好食ga！而且新鮮出爐滾熱辣！

南丫島海鮮太貴，作爲學生仔負擔不起亦都無咁大興趣，同frd嚟爬山，從榕樹灣行到索罟灣一路食豆腐花同茶果、缽仔糕D嘢過來，所以都唔係好餓。就是但搵間便少少嘅茶餐廳食少少嘢。

我要嘅係招牌炒飯，35HKD，同frd個雞柳炒烏東同個價錢。

上菜速度還是比較快嘅，而且睇落都唔錯，分量好足。炒飯加佐火腿肉同埋叉燒肉嚟炒，蔥花亦都唔少，所以成個飯都好香。不過美中不足嘅就係油佐D，成個碟底都好多油，其實落少D油乾身少少應該都好好食ga~

個frd話烏東都好好食，雞柳整得幾滑嘅，不過都係油太多。

環境嘅話就好唔錯，唔會好似其他酒家咁迫，都幾乾淨，而且我哋到嘅時候唔係好多人，就坐在靠海嘅位置，吹海風食嘢真嘅好享受！

週末得閒專門同frd約佐嚟中環食早餐，梗係要嚟勝香園試吓喇！食到飽晒，真嘅好滿足！總體環境都算ok嘅，大排檔咁，好有香港風味

同frd點佐兩份牛肉碎蛋番茄面同埋檸蜜、鮮油脆脆，樣樣都好味！如果唔係個胃唔夠大，真係想一次試晒佢全部嘅嘢！

1. 牛肉碎蛋番茄面：

新鮮茄肉真係好多分量好足，D牛肉碎蛋分量都好大，D湯飲落去好香濃！唔係番茄醬湯咁嘅，認真係鮮味十足！D蛋又好香滑，可惜牛肉少佐D，因爲早餐又想有少少肉又想食個雞蛋咁營養比較均衡所以先點佐呢個面，但係牛肉就唔夠多喇！但食到咁鮮嘅面真係好正！2. 檸蜜脆脆：

啵啵脆，熱辣辣，酸甜可口！好鍾意呢種酸甜對比碰撞嘅感覺，檸蜜脆脆食落去即刻醒晒神！好鮮好香，一大早就算未瞓醒，食佐佢都即刻精神返！食完一份仲想加多份添！真正嘅分量其實是呢張圖嘅double，食佐兩塊先記返起要影相，所以補返張圖

3. 鮮油脆脆：

食起身感覺有D似菠蘿油，但菠蘿油係蘇皮、呢個就係脆皮。不過一樣嘅係冰火兩重天嘅感覺，熱辣辣嘅豬仔包加埋冰凍嘅鮮油，好好味！都好鍾意！不過我個人prefer檸蜜脆脆多D，hahah~番茄面分量好足，食得好飽！埋完單心滿意足咁離開佐，但下次一定會再嚟ga！

終於等到得閒嘅週末喇，於是乎同frd約好時間到中環食嘢。蘭芳園名聲在外當然要來試吓，感覺總體來講都幾好噶，不過D嘢就無想象中咁好食咯。（都係鍾意勝香園嘅番茄面多D！）

講吓今次食嘅嘢：

1. 奶茶

我點嘅係熱奶茶，嘅frd點嘅係凍奶茶，兩種都試佐吓，覺得都係鍾意凍奶茶多D。只不過呢排喉嚨痛，就唔咁飲咁多凍嘢。個人覺得奶茶都幾正，唔係好甜，茶味都幾濃。

2. 豬扒包

豬扒包認真好食！新鮮滾熱辣出爐嘅豬扒包，個皮好酥脆，豬扒都唔錯，連我呢個平時唔食生番茄嘅人，呢次食佐都覺得好食！推薦呢個！坐係餐廳外面個張臺睇住佢整豬扒包，都係一種享受！好鍾意呢種飲食文化

3. 鴛鴦

鴛鴦感覺就麻麻地，無咩特別出彩嘅地方。

4. 蔥油雞扒撈丁

因爲撈丁到11點過先有，食完豬扒包係街市行佐一陣先返去點撈丁。雞扒整得好香，皮有少少脆，D薑蔥亦都好香，一丁面底下有埋豉油汁，撈埋一起好香。不過我鍾意再濕少少，因爲食到後面覺得少少乾。撈丁+鴛鴦餐44蚊，唔係咁便，但都值得一試，話晒係招牌。

總之係整體來講，我都覺得幾唔錯。下次有機會經過嘅話會再來，但是就唔會專登來食lor~

聽聞堂食評價唔係幾好，所以次次都係揀D素食再買D黃糖糕拎走帶返屋企食。

經常都係買15蚊素食，一樣嚟一D咁，其實味道都算ok，不過亦都唔係話好好食咁，無功無過咯。

黃糖糕可能係因爲自己本身就鍾意食，所以經常見到都會忍唔住買番兩塊。好實身，味道唔錯，唔會太甜，但感覺就唔夠鬆軟咁，我鍾意松身少少嘅