niji bistro, Noritake - Gifts (尖沙咀)

黎過呢度兩次、非常念念不忘佢既Carbonara 、所以是日當我又約左我那個次次都俾我話事食邊間餐廳既好朋友時、我立即想到此店！

個人之前係覺得係我so far 食過最好味之一！
1. 但今次我覺得Carbonara個汁希左、無甘"結"、個汁味道淡左點
但係中間個蛋仍然令我好開心 
看上去像一大舊cream. …一吉落去、蛋醬立即四溢
做到半成熟既效果！蛋黃汁同煙肉、意粉撈埋一齊食！覺得成個口都係忌廉汁、好滿足！

2. 明太子墨魚蛋包飯
一切開個蛋包飯、就見到黑媽媽既墨魚飯
墨魚飯比較乾、但出面個熟蛋好滑、明太子醬正好為較乾味道淡淡的墨魚飯調味

3. Parma Ham Salad
一上到黎、哇！甘大份既？！正
附上七隻醬、我鐘意幾隻溝埋黎食
芥末就簡直係我favorite 花生醬我本來都鐘意、但係用黎點生菜就一般般

4. Cranberry Iced Tea
呢個誠意推介俾大家！飲落酸酸甜甜
夏天飲真係清涼舒暢、生津解渴！

成餐飯都好滿意、食到人地收工
只係覺得Carbonara 隻醬有點不如以往好！都係唔滿意係好"希"甘！大家有無好介紹邊間既Carbonara 好味呢？

愛吃家常便飯 (灣仔)

今日見左相識十幾年既朋友
我建議黎呢間中式餐廳、見到評論都唔錯、又想坐奈點
成餐飯三個人叫左三個送
我覺得其他都一般般、只有火焰冰淋醬骨最特別！
一送上黎、個侍應就淋火、唔夠五秒佢就熄左、可以擦開錫紙
肉汁酸酸甜甜、非常開胃！誠意推介呢味送

順帶一提、呢度洗手間地板太濕、我出到黎已在地墊上踩下先、但行到地磚上都係差點扇到、希望店方注意一下洗手間衛生以及顧客安全問題！

ZAKS (愉景灣)

天公造美！
曬左幾日、今日終於涼番、兼一點都唔曬 好開心
再黎到愉景灣、再黎到Saks、對住個海食晏、感覺好寫意我們兩個女仔叫左兩碟野
1. 煎雞芝士沙律
雞既皮好脆、咸咸地、幾好味、都有五六舊幾多喎！
沙律好大份、盛惠$100、貴左少少！2.Sea food crepes
上次黎係食蘑菇雞肉crepes
今次食海鮮味
但係原來醬汁所有野都一樣、只係涵唔同左！
欠缺驚喜！但勝在d魚幾好味、又多！飲品方面、我叫番strawberry smoothie同上次一樣、唔覺淡某某
唔錯！好飲過好多其他地方

Amici (旺角)

今日係睇波既日子、不過我就連邊隊對邊隊都未搞清
黎旺角食野、想坐奈點、坐到幾晏都無人趕既、就一定要黎愈夜愈精彩既朗豪坊頂頂
是日、我們志在吹水同隊啤！所以一早諗定朗豪坊頂樓見！
我同幾個朋友早到、發現因為有波踢關係、好多間都有最低消費：$250
因為之前都食過呢度幾間好幾次、知道每人都要二百幾蚊先落到樓、所以都無乜所謂

呢間平日無最低消費仲抵食、因為呢度野食份量超大、適合大班人黎食、除番開好化算！

我黎過三次、都犯左同一個錯 ｰ 就係做左"眼濶肚窄大晒鬼"！
經過上次既教訓、我今次都係重蹈覆轍、真係唔應該！
呢度個四人餐實在太勁、好大份、包左四個主菜加一個大批！我們四行人、當中一位男士、再一次高估自己食量！上小食主菜前、仲有南瓜湯同餐包！本來諗住留肚食其他野、所以唔食晒餐包、點知試左一啖、覺得個餐包甜甜地、幾好味、於是食左一大半1. 招牌小食拼盤
呢個超正！愛黎送酒一流
有五隻雞翼、三塊大薯皮、好多薯圈、好大份！2. 精選芝士拼盤
上次黎都有叫呢碟
我對於芝士品種不太認識、淨係覺得呢幾隻都唔係好濃味3. Chicken Risotto
呢碟十分普通！件雞都算幾嫩滑、唔老！飯有點淋4. 醬燒豬仔骨
豬仔骨好正啊(雖然食到呢度已經有點飽)、好多肉！仲好大份5. 唔記得名既pizza
個名唔記得左添！ 但黎呢度幾次試既pizza都一般、無話有乜特別！個餐包埋就叫一個啦！
無既都唔洗試！四個人坐左三個幾鐘！無人趕
總覺得呢度侍應好像多左點、有點無乜野做甘！時日住要唔要收碟
不停走黎問要唔要收
講左幾次唔洗後……算啦！既然你甘堅持、就收啦！我都唔夾硬食了！

馬家莊清真館 (尖沙咀)

由太子搬左黎尖沙咀真係近左好多、方便我帶爸媽黎試
一家四口黎食、爸爸係第一次試清真菜 

我們都點左幾多野下…
1. 牛肉餡餅
2. 羊肉餡餅
本人係非常鐘意食羊肉、所以之前同今次黎都係叫左羊肉餡餅
點知咬左細佬舊牛肉餡餅後、覺得牛肉更加好味、爆多汁流出黎

3. 咖哩牛腩
呢個超大碟、細佬話好好味
我們叫埋簿餅！ 爸吃左好多塊

4. 乾燒魚塊
上次阿媽試過呢隻魚後、一直想話帶爸黎試！今次份量少左好多
個汁酸酸甜甜、幾特別！好開胃！

5.牛筋配牛利
呢碟野要成差唔多一百蚊、但一點唔好味！有點乾曾曾！唔推介各位食

6. 沙薑雞
雞肉好滑！ 隻雞幾肥幾大隻！

其他食客仲有好多南亞裔人士！一搬黎尖咀就甘多人慕名而來、係堅喎！