L.D.K. by Ufufu Café (葵芳)

上個月底見葵芳新開左啲餐廳,又咁岩係附近返工, 就同同事去試下新餐廳-LDK UFUFU.

7點半去到, 都多人排隊, 等左大約10個人左右。
碗盤都幾靚。我地見之水中間有舊炭, 問下職員, 原來係備長炭, 可以淨化水, 飲左健康啲!


我地叫左個烏冬(不過無影到相),意粉, 三色丼及口樂餅。
蝦意粉味到唔錯, CREAM CREAM 地既意粉汁好香滑, 而意粉煮既時間控制很好, 唔會太軟, 保留左麥味及"煙UN"彈牙口感

三色丼分別有吞拿魚,帶子及肉, 下面係日本米，食材與配料本質唔錯,好好味,但帶子只有2簿塊,及鼓油軟鹹。

可樂餅炸得外脆內軟,而不覺油膩黑松露醬味道足夠...而椰菜絲配炸物可消滯開胃......

另外,甜品叫左下列兩種:
賣樣靚!芒果味ok

外脆內軟1流!

首爾家韓國料理 (銅鑼灣)

最2日喺銅鑼灣同朋友行街 行行吓想食韓國菜 我係Openrice 揾在間韓國菜喺我哋附近
呢間餐廳係酒店內要乘電梯才度 雖然唔算好就腳
但係呢度裝修都幾骨子 幾舒服 座位都好闊堂

我哋兩個都係食肉獸 當然要食下呢度嘅燒肉啦
我地點左豚肉，牛肋骨等..

我哋兩個話晒都係食家 當然我哋先燒一下蔬菜來食 清一清口腔

跟住到主角牛肋肉 個樣賣相非常靚
未食已經覺得好吸引 好新鮮
呢隻係靚牛肉 所以不要燒太耐 大概一分鐘已可以食啊
燒嘅過程聞到好香味
一入口後 好似係口腔來慢慢溶化感覺 而且非常有牛味

另外呢度嘅豚肉都好新鮮 但當然冇牛肉咁好味啦 但調味都剛好，好有口感 亦不算好肥利

我哋食韓燒當然都不忘飲下啤酒 我哋邊傾計 邊燒肉 一食陣間已差不多兩個鐘啊

呢無論係食物或者係環境裝修 氣氛 都好適合傾計同韓燒 下次再嚟過

正宗水上人氣鍋專門店 (旺角)

今次約左幾個朋友仔係旺角打邊爐，其實我地都試過好多啦 
例如，火鍋打邊爐， 粥底打邊爐， 重慶重鍋，雞煲..都試過，
今次一起試新野， 蒸爐

第一次黎 個場係新開的, 裝修好有心思 不似一般海鮮火鍋餐廳咁，幾舒適 再睇下裹邊有一排魚缸，游下游下既魚， 到底咩時候落入我地口中？ 我地坐下， 就望下餐牌，一樣樣餸計價錢， 而且每一件件餸都有寫左要蒸幾耐， 跟住個時間， 就可以蒸出火侯岩岩好既美食物， 我都可以變廚神啦
一黎就叫左限定食物先，2個人限叫一隻既龍蝦，只係88蚊隻
龍蝦好多肉，仲有‘’糕“，上面黃色既係“糕”，好香濃， 而且肉都多， 可以大大塊切出黎，仲好彈呀
我地食完既蝦殼，放左去煲粥個粥係蒸爐下面來煲的 白粥加了排骨同南瓜， 粥吸收左食物精華同龍蝦味既精華 再加上我地得意之作,
令粥更香濃，鮮甜及綿綿 當然好味啦! 仲有雪花和牛，蒸1分鐘就食得啦， 肉質好嫩滑，勁有牛味 仲超多肉汁，而且一啲都唔靭同無根，再沾小小醬汁，美味可口 又唔肥. 個蟲草蒸雞都唔錯， 呢到係半隻雞，份量就細左D  仲切到好細，但咁樣可以控好個火喉， 唔會外熟而肉生， 每一粒都剛剛好熟，好滑同彈牙， 而且有雞味之餘 每啖都食到蟲草既香味，好野味！！ 另外呢度D員工服務好鬼殷勤咁招呼我地 , 上菜及收碟效率都好爽手 值得一讚.

總括來講, 值得推介一下

泰中意 (大圍)

最近朋友屋附近開左間新餐廳，  成日排曬隊， 為左唔洗排曬隊 揀平日先去試啦。

這間餐廳野食幾多元化, 泰國菜外, 還有外方野食, 幾特別呀!(但今次因2個人去食 叫唔到太多) 

大蝦冬陰公湯
濃濃既冬陰公濃， 足滿香茅味， 質感creamy, 椰汁味適中
仲有好大隻蝦， 差不多有一隻手掌咁大呀 , 仲幾彈牙!!

柚子大蝦沙律
沙律用r生菜做底， 配上紅紅小蕃茄做點滴，仲有幾多大大隻蝦，
仲一塊塊既柚子一齊， 加小小檸檬汁再一齊撈埋， 小小辣， 酸酸maymay, 好開胃。
份量仲好多， 足夠4個人食。 (但建議廚師下次柚子可以去曬d柚子核先.)

波蘿海鮮炒飯
炒飯個樣好靚仔， 用原個波蘿裝住， 上面鋪滿肉鬆同2隻青口， 仲有尤魚鬚等等既材料，味到好夾好香，飯炒得好乾身 而材料方面亦好夠份量。

最好叫左個芝士蛋糕做甜品 適中 , 芝士味濃 , 蛋糕幾有質感 , 算幾有水準啦!

整體水準唔錯, 下次約多人D 再來食過 等我再點多D 其他食物吧!

漁之部屋 (將軍澳)

朋友成日話將軍澳有間放題好味 , 今次終於可去試下啦! 食完又真係值得推介一下。

就好似花之戀既三文魚肉都好厚，成舊食物個口感同鮮味超好食，食到呢一到已經好滿足啦！

壽司既種類都好多，要咩都有。

我覺得刺身真係每一樣都要試下，因為佢每一樣鮮味都好足！
買相討好 好似甜蝦，三文魚，吞拿魚，魷魚咁，又厚肉，又冰身，超好食。

仲有佢連熟食都幾好
個羊架都好值得俾人推薦，因為一來佢個肉質好鮮嫩，容易咬。
二來佢肉汁超多，正！

最後想飽肚，可以叫個拉麵黎食，因為佢個湯又好飲，個麵質又彈牙，可以去試下食。

仲有燒菠蘿既汗甜甜地，可以解下渴，又可以試下叫。

價錢二百幾蚊左右，態度都好好都唔錯 不過個場大D仲正 但都算物有所值