Bubbles Dream Cafe (尖沙咀)

今天和朋友在尖東閒時逛了一回, 偶然巧合地路過一間叫Bubbles Dream Cafe.

適逢當時腳有點軟, 在Openrice 看見此小店口碑不俗, 便內進一嘗.

點了三杯咖啡喝, 兩杯朱古力咖啡, 一杯焦糖咖啡, 一碟芝士蛋糕, 一碟手指餅.

感覺一般:咖啡

拉出來的圖案都幾漂亮, 儘管味道跟街外的Cafe 差不多, 但都有值得食客停一停,先欣賞,後拍照,再品嘗的一刻. 至於價錢則尚算偏昂貴, 那麼一小杯都要 HKD$3X....真的要慢慢一小口,一小口節儉地品嘗及珍惜.

手指餅
味道幾好, 入面的吉士都幾香滑, 本人幾喜歡! 但感覺就似食苞芙多些.......

芝士蛋糕

太小了, 感覺就像細如一隻麻雀!!有點過份! 味道一般, 咖啡跟餐加HKD$12 太不值了.

服務態度: 一般, 沒有親切熱情/冷澈相待的感覺.

越華會 (筲箕灣)

每次路過筲箕灣越華會總是人山人海, 今天終有機會一試....

味道真的幾好, 但價錢都較非常昂貴, 很多每道菜式都接近或過HKD$100, 環境亦較擠逼, (在筲箕灣區算是非常貴的食肆了)

侍應服務態度都不過不失, 幾快手.

蔥花走地雞: 一看見就覺好誇張了!!!! 很多蔥呀, 但好有蔥香及雞肉鮮味! 正!!!!!!!!

越華會海鮮湯: 超正! 鮮味十足, 料足, 價錢都ok (HKD$110). 喝了數碗還想喝!! 內有一隻花蟹, 鮮蝦, 蜆, 帶子, 豆腐,番茄, 菇類........誠意推薦, 值得一試

蒜香炒雜菜: 這是一道較平宜的菜式(HKD$55), 但沒有令食客失望, 比什菜煲好食. 如果覺食肉太多/ 其它菜式都已花費好貴的朋友, 可以試一試這道菜

大榮華圍村菜 (灣仔)

今天來到大榮華, 味道幾好, 但所有菜式均以$72 出售,
(有些是抵食, 有些都較昂貴及不值)

圍村五味雞: 味道幾好, 不太鹹, 不肥膩,雞肉亦入味, (較豉油雞好吃) .可以一嘗, 可能香港以冰鮮雞為主, 始終未有一間食肆, 可整到雞肉非常嫩滑, 本菜份量尚可

客家煎釀豆腐: 味道好! 但份量少, 價錢貴 (HKD$72). 4人同行. 一人只得兩件, 豆腐本來不襟飽, 有點像吃了如沒有吃過的崐覺.

還有店內一種奶皇馬拉糕都值得一試, 熱呼呼的, 奶香非常, 但價錢非常昂貴 (HKD$72 一底), 試前要深深考慮

添好運點心專門店 (北角)

早陣子聽到朋友說在北角開了一間 添好運點心專門店

據說這間 添好運點心專門店 的點心是蠻有名的, 故親身來一嘗.

酥皮焗叉燒包: 這個絕對得一試, 香味脆熱! 咬落有點像墨西哥包, 內裡卻是像叉燒焗餐包的味道. 最重要是夠熱

煎蛋牛肉盅飯: 好懷舊, 份量亦好大, 一個人真的吃不完, 儘管吃了一盅, 也不能再食其他了. 味道一般, 但流出來的蛋汁可使蒸飯沒有那麼單調乏味. 不過不失.

懷舊馬拉糕: 本人較喜歡這種傳統,甘香鬆軟, 熱呼呼的馬拉糕.....近年市面多以出售奶皇馬拉糕為多, 可是本人覺奶皇馬拉糕始終有點味道太濃,奶香卻乾喉的感覺......反觀這種懷舊馬拉糕卻可口得多....而添好運卻做到甘香鬆軟, 熱呼呼的....值得一讚!!!

南瓜沙翁: 這個反觀有點失望. 雖則熱鬧鬧, 但太油膩......傳統的沙翁好吃得多.....還有它表面的是椰絲, 而不是沙糖...名稱吸引, 卻口感味道較為遜色....

整體來說味道不俗, 食物等侯時間不長, 價錢尚可, 店內食客以內地人居多, 環境較嘈及擠逼

紅豆烘焙 (佐敦)

早前見咁多人派隊，加上係媒體見過，好似覺幾好食咁，於是今日趁有機會，買左兩個試下

外形就好吸引，味道我就覺一般，只係大碗吉士咁.... 咁佢D吉士都好滑，香味就一般般，食一個就好飽肚，如果本身食量不多，咁$15當午餐都可以的 (但佢要4點才出爐，下午茶又好似太飽)，但可能之前期望太高，所以食落又唔係覺好好好好味，要排咁長隊就有點誇，個麵包有少少硬，咁個包同吉士紫薯就唔太甜，甜度剛剛好

只是如果係鬆餅或撻皮可能會更好食.... 可以一試，但就唔好抱太大期望，只可以說OK啦，不過不失，但如果排大隊，專登走去，日曬雨淋咁等去買就唔值了，剛巧路過，又有點肚餓，就可以買過來試既，始終都$15一個，夠車錢坐巴士返新界了。