Carbone (中環)

好耐之前同一大班朋友食過，梗係掛住傾計，冇乜印象食咗啲咩。突然好想食意粉，朋友話想再嚟呢度認真食多次

我哋叫咗set lunch 嘅 Spicy Rigatoni Vodka & fettuccine al Ragu, 兩個都有特別嘅地方。

Vodka 個汁 creamy 得來唔會滯口，辣味適中唔搶喉，蕃茄味唔會太酸，食完之後有個口有少少vodka嘅味，整體感覺味道有層次，令到會想繼續食。


Ragu 個汁老實唔係太特別，但係fettuccine 質地好好，al detnte 得來又好又蛋香，感覺好似係手製意大利麵...唔知係咪呢？


For Protein, 我哋叫咗Chicken Parmesan，黎到先知原來係一個Pizza🤪！Waiter 介紹話美式意大利餐廳通常冇Pizza，避免客人好想食又冇得食，所以就整咗呢個用雞做嘅Pizza啦！味道方面都幾好嘅，不過不失啦，賣相比味道吸引。


最後去到甜品，New York Cheesecake & Carrot Cake，味道都到位嘅，Carrot cake 驚喜大啲，蛋糕夠moist同夠nutty taste，係甜咗少少🤏，分量亦都非常大，雖然好味但係都食唔晒😋


餐前餐後都有幾款唔同嘅小食同飲品...感覺好有誠意。整體食物質素唔錯，環境及服務都好好👍🏻

I Love You Dessert Bar (銅鑼灣)

想試呢間甜品好耐，咁啱今晚經過就去試吓！見到其他甜品店都排長龍，我都預咗排排。點知行到埋去鋪頭入面一個客都冇..？！仲以為佢冇開舖添！

Anyway, 坐低後點咗個肉桂蘋果味，跟住再等咗超過25分鐘先有野食。

終於明白咩叫期望越大失望越大，個pancake 唔鬆不特止，仲一patpat吉唔到，味道就超甜，同我驗妊娠糖尿嗰杯糖水有得揮！堆蘋果粒又冇蘋果味又冇玉桂香，又係得個甜字！食咗幾啖真係好想放棄，但係又唔想做大嘥鬼，唯有用最短時間哽晒佢。

一句講哂...又中咗米之蓮伏...

泰仔美食 (九龍城)

心血來潮想去九龍城搵食，隨便行就就咗入呢到。

2個人點咗生菜包，炒椰菜苗，燒豬頸肉&燒鷄亦。食物味道唔錯，份量都幾大，因為太肚餓所以唔記得影相...

生菜包：味道好好，可以再辣多少少
炒椰菜苗：夠蒜香味，唔太油又唔會太咸
燒豬頸肉： 味道幾好，肉質都好林，唔太乾
燒雞翼: 唔似一般泰式雞翼甜甜地，味道似鹽燒雞翼多啲，個皮脆脆地，入面都有肉汁，不過係有少少油係個面到。

成餐飯最直得讚既係老闆嘅友善服務態度，因為我地坐係櫃臺隔離，不時問下d食物ok 唔ok, 又提我地一定要試個甜品。佢聽到我話食唔哂d嘢（當時點雞翼仲未到）就問不如上2隻，唔洗要哂4隻太飽。真係好細心一定會再噃黎!!!

皇室甜品 (佐敦)

第一次幫襯覺得好好味，所以特登返轉頭再試其他甜品,點知就出事！

首先個男侍應嘅態度好有問題，我只係問佢個甜品係啲乜嘢，佢好唔耐煩咁話餐牌上面已經寫曬! 完全唔想理我！

最後叫咗一個紅豆豆腐花&芒果布甸。首先講下個豆腐花，個豆腐花係有一陣窿味同埋囉味，又"up up" 地，好難形容，總之就係....臭！

而個芒果布甸就係....冇味，又唔甜有冇芒果香味，只係得啲奶味，唔講都唔係芒果布甸。

都係果句，冇下次！😡

ラーメン松壱家 (銅鑼灣)

One of the best ramen places in hk!!! 
I was absolutely thrilled to find thick noodles here coz I couldn't find that anywhere in hk!! The ramen texture was perfect, just like the one I had tried in Japan before!! 
The chicken and pork soup was very nice, the taste was strong but not greasy nor salty!! 
I will definitely come here again....and again.....