大羊B 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-12-18
今日行完Donki再行Aeon,行到對腳都無力,又勁肚餓,就近近地去左附近食飯。 原本係想食海南雞,所以入左呢間金朝海南雞,入到去坐底聞到隔離枱既雞煲味好香,於是轉軚改食雞煲。雞煲半隻都只係138,都幾抵食! 估唔到半隻雞分量都好大,雞煲落足香料,味道滿分,之後再打埋邊爐,仲加埋串燒,所以食到勁飽,呢餐實在十分滿足。 單係雞煲已經食到飽飽地,但打邊爐仍然推介牛小排,啲牛花勁靚,好香肉味,幾碟配料分量唔少。另外串燒推介牛舌,好香好軟好好味,串燒雞軟骨脆卜卜,又可以打邊爐又可以食串燒,真係好幸福。 推介美食: 金朝雞煲
評分: 味道 5 環境 4 服務 5 衛生 5 抵食 5
2022-10-28
首次踏足大角咀覓食,附近很多餐廳裝修都比較殘舊,唯獨呢間門面光鮮企理,所以就決定喺呢度食晚飯。 餐廳內十分闊落,枱與枱之間有充足空間,坐得好舒服! 食物種類豐富,選擇繁多,價錢亦很親民,十分適合一家大細去食。叫左4款食物都只係320,飽到食唔哂 首先是日推介係豉椒炒蟶子,啲蟶子又新鮮又大隻,而且好乾淨,完全唔會食到沙。 咖喱牛腩,可以揀印度或者椰汁,我哋揀咗椰汁,雖然椰汁味未算好香,但係份量好大亦好惹味,仲包埋2片薄餅,真係好抵食。 小食拼盤有齊雞翼蝦片札肉春卷同串燒都只係88蚊,直程係超值抵食,雞翼同春卷都炸到脆卜卜,串燒係一片片新鮮肉片,唔係啲一舊舊既下欄肉,超讚 海鮮喇沙鮮甜香辣美味,湯底有鮮蝦味,材料豐富,有蝦有青口有水魷,特別睇咗佢隻青口都有清理過,果然細心到位。
評分: 味道 4 環境 4 服務 5 衛生 4 抵食 5
2022-10-10
約返好耐無見既同事食飯,今次想食泰國菜,記得之前食過呢間唔錯所以再訂返呢間,好彩有訂枱,因為星期五真係幾滿客。環境比較迫同嘈,其實要傾計就唔係太傾到既。 本來好想食佢火焰燒雞,成班想打下卡High下,點知8:00已經賣晒,早知應該要訂枱果陣訂埋 無得食燒雞唯有叫半隻海南雞食下,雞肉都幾嫩滑,個汁亦好好味,但唔夠開心囉! 大小食拼盤有埋生菜包,太正了,出面通常要另外叫一個,但通常都食唔哂,拼盤有埋咁就有得食 農夫飽咖喱軟殼蟹,好大個,上到枱真係嘩左聲,軟殼蟹炸得好脆,不過咖喱冇咩味,算係好睇唔好食。 原本打算叫蠔餅,侍應哥哥話今日啲蠔靚,但蠔餅唔係個個岩,所以轉左蟹肉蛋餅,完全出事,呢個只係煎蛋餅,連蟹柳都食唔到 另外叫左碟炒雜菜,呢個又反而少得可憐,$9x細細碟,係最唔抵食既一道菜。 最後仲叫左啲甜品,賣相同味道都算ok啦! 如果有火焰燒雞食應該會加分 評分: 味道 3 環境 3 服務 3 衛生 3 抵食 3
2022-07-07
放大假出銅鑼灣搵食,想試吓小店,上OR見到呢間好似唔錯咁,就出發去搵,响渣甸坊度細細間,仲响門口見到有AL應援派,驚喜 店內一片綠油油的牆壁,掛住一大個店家猿人Logo,天花板仲掛住左好多隻Monkey,裝修得幾得意幾舒服。 因為唔算太肚餓,所以2個人叫左一份主菜、一個小食、再加一個甜品全部都揀左Menu上既推介,睇下係咪真係好推介 主菜加38可以揀要沙律同餐湯,個湯應該係南瓜忌廉魚湯(如果無估錯)湯面都仲要拉花,真浮誇,味道比較淡淡地,但我鐘意,最怕飲啲杰撻撻既湯。 小食叫左日本流心海膽忌廉餅,切開又未去到流心既地步,但係真係比平時食開忌廉餅流小小,食到小小海膽味,味道唔錯,最好係食落一啲都唔油。 主菜係日本甲羅燒蟹膏味噌燴意大利飯,呢個真係好推介,一上枱見到個蟹蓋入面勁大舊蟹膏,即刻就咁整一羹入口食,超級正 撈埋啲飯都食一樣咁正,最終刮到乾乾淨淨,好似洗乾淨左咁😂😂😂 甜品揀左日本麻糬製朱古力窩夫餅焦糖醬配豆腐雪糕,豆腐雪糕好香豆味,偏甜甜的,朱古力窩夫餅好好味,差啲想要多份,不過怕肥就收手啦! 店員一直都好有禮貌,一入坐就俾個籃我放袋,一食完野就收走枱上啲碟,食見主菜主動問上得甜品未,全程都好好服務。最緊要佢有介紹我like IG有應援送,我好多朋友係神徒,攞嚟送俾佢哋岩哂 推介美食: 日本甲羅燒蟹膏味噌燴意大利飯 評分: 味道 5 環境 5 服務 4 衛生 4 抵食 3
|