南小館 (太古)

本身住附近，終於約埋家人一齊試呢間。點知來第一碟餸我們已經呆左，點解細碟成咁...

叫一款特式薑蔥雞，成9十幾元，睇相唔錯，諗住係主菜來的，來的時候隻碟細到以為係前菜，仲要得幾件，味道一般...



50紋叫一個青瓜海蜇，名乎其實係前菜，但味道好一般，D海蜇硬到呢～～好似人地上海酒家免費前菜質素還好一點。



自己好想食水煮魚，成碟9十幾元點知，來到時係一個細碗，真係有點激氣。魚得4舊，下面住部都係薯粉，味道唔知講咩好，完全唔似食開的水煮魚....可能我真係沒食過上海正宗的野。



4個大人1小朋友，都迫住要係咁叫部餸先叫做有點飽肚。因為心情麻麻，所以其他相我都唔想影了。連我女女4歲食小龍飽、粗炒都話 翡X, 太古尚X 好食D....



總結：裝修靚，服務態度ok, 但食物質及分量真係，所以我們一致認同唔會有下次！

本陣 (北角)

真係忍唔住想在此投訴下!!
用$148買了"本陣" 特盛晚餐 Coupon, 見佢的Menu, 同post 出來的相, 以為有番咁上下質數, 點知完全唔得!!

食物質數真係好普通, D 野好細碟(部份質相片不乎), 除了第一碟鵝肝不錯之外, 全部都係普通貨色..

a. 鮑魚、甘蝦、三文魚刺身 : 除了鮑魚同三文魚OK D 外, 甘蝦有d 腥臭味。 話係南非鮑魚仔, 其實係普通野, 平時西貢食個d仲正.

b. 焗蠔 : 算OK, 不過好細隻, 酒店自座餐個d 大隻美味好多lor !!

c. 法色冷春雞 : 主菜之一, 真係不知所謂!! 好似雪櫃拎出來, 求其加d 汁比你咁; 沒咩顏色, 味道好淡.. 老婆話, 都唔知咩來, 我地成碟沒食!!

d. 美國安格斯牛 : 也是主菜之一, 話係安格斯牛, 真係唔係好信 lor... 我在 Sogo 買個d 仲美味!!
相片個度 Show 係一塊牛扒切成 8 小片的, 點知上主菜時係用細點上 4 小片, 好似一塊牛扒分開兩份上比客人...
主菜之一 wor... 得個 4 小片? 唔係麻... 真係當我地傻 ga mei..

e. A5和牛炒飯 : 真係不知A5和牛在哪裡?! A5和牛應該遇熱易溶, 點解炒飯上d 牛肉咁硬的, 唔知仲以為係叉燒。
似牛肉粒炒飯多D Lor.. 仲要得一碗仔炒飯, 幾啖沒哂
f. 蜆肉立魚湯 : 淡,沒鮮味; 好似溝水沖的咁, 真係唔得; 吉野家的Miso湯好味得多了...


因為個餐原價係$398, 所以要以原價收加一, 即係$39.8 一位。
我見到隔離賣單時, 向佢地收每人40, 客人問唔係 39.8 咩, waiter 竟然話$40 係39.8 的齊頭數, 加上他們沒豪子找, 唔好意思...
咁都得?!

總結:
用$188($148 + 40)食一餐咁的所謂特盛晚餐, 我寧願自己出去食其他日本野 lor。 和民、千兩好好多啦..
原價仲要係$398, 真係唔知價值何在!! 食餐 Buffet 唔好?!

我從未因食完一餐如此憤怒,也從未投訴過。平時試新野唔好食咪算lor, 但今次憤怒係因為感覺被人欺騙,
相就影到好靚, 仲有好多明星來食過的相, 又話幾好口碑, D 野點新鮮... 完全唔係呢回事, 仲夠謄死主菜得個四條牛扒絲...!!

話榮獲最受歡迎食肆 ?! 榮獲必食食店 ?!
我估佢本身的質數未必真係咁差的, 但可能我地係買 Coupon 來吃的, 所以有d 求其, 得過且過!!
真係唔好以為人地傻架, 比d 咩人食, 人地係知的!! 我地都係用 $$ 買架 lor !! 我以後同d Friend 都唔會食呢間!!

牛気 (東涌)

勸大家小朋友高少少都不要在這裏吃。
一家大細排隊超過45分鐘，
細女2歲半稍高一點，話要計小童；
大女4年班，141cm , 高140 少少 話要計成人，一啲都唔唔肯讓步，無啲憐憫人的心。見小朋友等了咁耐。還無理取鬧，仲話邊個叫你哋真係高。

好過份！ 一來沒寫清楚講明，一係下次幫排隊的人度哂高度先！對呢間舖頭好失望

正斗粥麵專家 (太古)

食物質素OK嘅，但係價錢真係好貴下。食一碗雲吞麵要$50，得三粒雲吞。一碟普通炒嘢，大約$120。

雖然都保持到唔錯的粥粉面的質素，但係性價比低。講真客人來，願意用咁嘅價錢食茶餐廳食到的粥粉麵，其實都係想要服務。

但這裡服務態度好一般，叫餸出餸好慢，係咁叫你體諒吓要等下喎。叫一餐餸簡簡單單，加埋半個鐘多啲先嚟到。都係雲吞麵、粥、炒粉麵之類者，使唔使咁耐啊。

臨走叫一份外賣，雲吞麵 + 雪菜肉絲炆米，已經預早20分鐘叫定，都要40分鐘，搞乜嘢啊。

菜菜鍋 (太古)

見開左咁耐，的起心肝同同事一齊 Lunch 去試下。點知大家食到一肚氣，絕對沒下次!

首先：食物質素一般般啦，為填包個肚係沒問題的，不過小心未落肚先激到飽。
其次：服務質素奇差，唔知個D係咩侍應，好似唔識咩係 “服務態度”，又或者根本連少少訓練都沒。。

1.         同事預先訂了位，去攞位，見裡面明明有大把位，行去禮貌問門口的侍應我們齊哂人可否入先。
他回應：你見唔到要執枱架，攞左飛就等等啦...反正你們訂的是1:00 都未到...(我們12:50 已到）

2.         我裝菜的碟因整污糟左，我拎出去放在回收盤，然後想拎隻新的，問一位男侍應可否比隻新的我。
    他回應：沒架喎，集碟一人一隻，你自己整污糟沒辦法....
    我回應：唔係呀，你咁大間餐廳，客人想攞一隻新的碟咁困難架咩，我的碟污糟仲要用呀....  (同佢爭辯幾句都費時理佢..我自己行去D空枱攞隻碟)
    他又出聲：明明自己有隻碟，更係要去攞人地的...  下次食野小心D，唔好咁唔小心啦，知道嗎。
（我們火都來: 沒下次啦！同事們想發火了，不過我們忍住算數，不在大亨廣眾嘈，返去食野） 之後那侍應心仲一路眼啤啤望住你喎。。

3.         同事去了廁所，個男侍應無啦啦行來收起佢的野，我另一位同事說，他未食完架喎。侍應回應：咪拎番比你囉~~~
           之後仲眼啤啤望住你。。我同事真的忍不住同佢嘈起上來了。。後來個女侍應行來隔開他先解決。我們最終埋單走！


講真，食完返來睇翻呢度唔少post，有人身同感受，有人就讚到呢~~   期實聰明的消費者應該識分真假吧。

總結：價錢、質素、服務 加起來，一啲都唔值，無下次~~