Mini Friday (旺角)

今日幾個朋友聚會, 本身想去嘅地方full booking, 即刻起openrice 度睇下有咩餐廳岩食, 見到mini Friday d comment 好唔錯, 所以一致決定食呢間!

去到環境好英美feel, 地方大同闊落,
見到好多食物都好吸引!

一入座就送上一藍炸脆片, 個芝士醬幾好食嘅, 但真係太油了, 每人食左一塊就唔想再食了! 如果改良少少就好啦!


叫左個黑松露薯條, 好熱好香滿滿嘅薯蓉, 份量唔少, 值得叫!


水牛城雞翼, 酸酸的好開胃, 但醬汁好重味下


千島海鮮pizza 餅底好薄好脆, size 都唔細材料豐富, 好好味, 下次都會再encore !


最後叫左個牛肝菌寬條麵, 份量少左d, 但牛肝菌味幾濃!




最後想講主餐牌有88折, 其實以咁嘅價錢真係唔錯!

Three on Canton (尖沙咀)

見官網寫有龍蝦, 皇帝蟹腳, 長腳蟹, 生蠔, , 呢d 全有齊, 好係期待。

琴晚6:15pm 到達, 門口已有不少人, 但餐廳等到6:29pm 先比客人一一check booking 後先入內進食, 安排有點失當!



我地6:35 左右先能入內, 但龍蝦與皇帝蟹已不見蹤影, 生蠔亦一直要排隊, 每次見都有5,6人以上在排隊, 而只有一個師傅起度開生蠔!



而食物質素同樣令人失望, 龍蝦細小, 外形更是甩皮甩骨, 質素很差, 皇帝蟹腳偏咸而且refill 速度唔快!



生蠔新鮮, 但次次要排好一陣子。

其他食物無咩興趣影相了,只可以話呢度種類好多, 但質素一質, 食過一次便可了!


另外真係要提一提係洗手間阿姐唔太得, 竟然2個阿姐可以起洗手間打牙較打左好耐, 重點係其中一個係坐埋上洗手盆隔離嘅雲石度, 果時仲要有4,5個客起度搵抹手紙(因為好多盒用哂都無refill) 佢都可以無反應, 只可以話呢間buffet 有太多嘅不足!

海灣餐廳及海灣咖啡室 (黃竹坑)

因為某網上平台做promo, 折完$4xx位,
所以造就左呢次開心之旅
未食之前已經知道呢度有清蒸龍蝦了, 一直好期待, buffet 6:30on 準時開始, 第一時間當然去拎龍蝦啦

龍蝦: 因為新鮮, 唔怕清蒸無味,一食爽口
鮮甜, 龍蝦肉配上蝦膏同食
羊架: 看似好生, 本身都有d卻步, 但食落
味道一流, 熟度岩岩好



鴨肝和牛漢堡: 好正, 味道同出面專門店無
分別, 前後食左2個

美國和牛: 個人都係覺得日本和牛好味d


大大隻嘅赤蝦同大大粒帶子, 新鮮
味美, 最開心竟然有三文魚子壽司, so happy, 第一次食buffet 有呢款壽司任食咋, 好開心, 可惜當晚太多好野食, 太飽只食到一件咁多



舞茸竹絲雞"鄧"湯, 好香好味, 點都要飲一盅




呢間萬豪buffet 真係好正, 試過真係好難返轉頭但原價真係唔捨得成日食, 如果要有super promo一定再食!

Kudos (銅鑼灣)

1月尾時黎過一次, 亦有起openrice 寫了篇餐後感, 當時對食物方面有些失望,但意外嘅係餐廳竟然有所comment (應該話餐廳對每篇食評都有comment), 或許是官方式回覆, 又或是真的會改善, 但至少佢地會花時間了解食客嘅意見, 呢方面不得不讚

因之前網上有promo, 所以一次過買左唔少coupon, 正值年初四相約朋友一家黎用膳,
今次食物質素比上次好左。

熱食同之前一樣差不多, 但佢地main course 真係好得, 以咁嘅外觀同質素真可媲美出面嘅西餐廳!

香煎羊架: 今次再黎encore, 份量足夠, 雖然肥左少少, 但味道幾好, 有羊味但唔太so



香煎大蝦, 3大隻, 家人話好食, 雖然我無食, 但以外觀黎講都好吸引!



今期新菜式: 威靈頓牛柳
要左7成熟, 牛柳連穌皮一齊食的確好味d, 牛柳仍然keep 到 juicy, 加埋穌皮一齊入口味道豐富左!



新鮮生蠔: 上次生蠔新鮮, 但今次更加新鮮, 連一向唔好生蠔嘅我都食左好幾碟, 開蠔師傅辛苦了



雜莓雪糕: 酸酸甜甜, 如其他食評講嘅一樣, 感覺好fresh, 好味!
覺得佢比H 雪糕更好
(私心問一問, 唔知酒店方面會唔會考慮引入milktop 雪糕呢)



今次再去印象好左好多, 以promo 價去食真係好抵!

再次感謝生蠔師傅, 開生蠔真係好累好哂力

會再黎, Kudos下次見!

Kudos (銅鑼灣)

自從Kudos 改左做semi buffet 後就好幾年無黎了, 今次見永安同kudos 做promo , 折完三百幾真係好抵!

當晚一黎到發現kudos 比以前細左好多, 面積細左一半, 地方迫劫左, 而食物都少左!

一人一個main course, 本身想揀火鍋, 雖然menu 有但佢地當晚無供應, 而其他嘅main course: 例如龍蝦果d 就要加錢!

我地3人行, 最後叫左以下3款:
煎羊架, 有3件份量足夠味道唔錯唔會so!


牛扒 7 成熟, 煎得香脆味道就普通牛扒咁樣囉!



香煎雪魚, 係幾滑同幾香, 但份量真係超少超少同超少, 少到難以置信咁細份! 小朋友都唔夠食果種! 但係係幾好食嘅!



生蠔有3款, size 正常唔特別大隻, 我個人唔好, 所以無咩好食唔好食嘅感覺! 如好生蠔者,應該會好開心!




凍盤: 龍蝦仔, 長腳蟹, 青口, 螺
但refill 得有d 慢, 每次refill 嘅份量都唔多, 所以想夾多幾隻都有難道!



而其實熱盤嘅選擇都唔多, 味道亦好普通所以無特別影相了!

甜品亦普通, 係豆腐花最好, 有豆味又滑仲可以自己"畢"







如果3百幾真係十分十分之抵,平時起出面食個好少少嘅dinner 都二三百起跳啦, 更何況有生蠔食!
但由於我唔好生蠔所以如果要用正價食應該唔太會了!