樂園牛丸大王 (尖沙咀)

過海到尖沙咀有Ｄ肚哦，經過樂園門口見冇人就入去睇餐牌，
叫一碗牛雜粗麵：牛雜好淡裏面Ｄ牛肚好....."靱"唔好食，
叫一碗牛丸粗麵：Ｄ牛丸浸到淡宜無味....."唔掂"，
還有一碟細魚皮：魚皮好脆但係好....."咸"

鼎泰豐 (銅鑼灣)

同太太去崇光買完嘢，就打電話比仔仔約女朋友食晚餐，
一去到就可以入座睇餐牌後點咗8個菜式。
小籠包裏面Ｄ肉好香又多湯汁好食，
蟹粉小籠包皮薄湯汁夠鮮味道冇得...."鼎"，
乾燒四季豆好淋好香上面放嘅肉碎好食，
辣味小黃瓜：的碓好... "辣"唔食得辣Ｄ朋友唔好食，
醉雞雞好滑好入味酒夠香一定要試，
牛汁湯麵：牛湯底好好味麵質好爽滑，
炸豬扒湯麵：豬扒炸得好鬆軟好食，但係個湯底冇味道好..."淡"，
肉絲雞蛋炒飯蛋飯炒得夠乾身，Ｄ肉絲好滑...."正"好食，

翡翠拉麵小籠包 (屯門)

入屯門同媽打去食午飯，揸車到屯門市廣場經過翡翠拉麵小籠包門口就入咗去食。叫咗嫩雞燴麵.酸辣麵.小籠包.菜肉雲吞湯.素菜包，嫩雞燴麵啲雞很鞋，其他食物無驚喜。小籠包份量太少，一籠才四隻，要叫兩籠才夠食。

吉野家 (九龍灣)

到吉之島買嘢之後去吉野家食下午茶，睇餐牌叫咗個$15蚊嘅細牛肉飯，再加$2配汽水。細牛飯D所為牛肉不知所謂，洋葱只得4條咁多，珍珠米飯加埋D汁個飯就濕立立唔好食，其實個汁最好另外盛載比客人自己落。

彩福皇宴 (銅鑼灣)

我哋上個星期以經定咗位啦，約好咗8：30同外母1家人去到酒樓等咗15分鐘倒就入得座。
點咗個...「快欒母親宴」酒水全包＄2700菜式如下。

五福臨門大拼盆：乳豬皮好脆.豉油雞夠滑好味.燒鴨Ｄ肉好淋燒得夠香.叉燒半肥瘦夠熱好食.海蜇好爽脆Ｄ麻油好香。
法式珍菌蝦球焗伊麵：蝦球夠味爽脆彈牙，珍菌有蘑菰.鮮冬菰.雞脾菰.同鮑魚菰份量足夠，Fusion法式芝士汁配伊麵底的確真真好食。
碧綠炒鴛鴦蚌片：桂花蚌同象拔蚌泡制得好爽脆，加工西芹條又冇"根"好正。
瑤柱鮮菰扒翡翠：瑤柱絲嘅燴汁好"稠"，食到汁食唔到瑤柱再加翡翠...姐係小唐菜夾下夾下就水汪汪啦，鮮菰變咗罐頭草菰唔"掂"。
紅燒花膠海皇翅：一般Ｄ紅燒翅都只係暖暖"哋"，但係佢喱度Ｄ紅燒翅真係夠"熱"辣辣，指係食唔到花膠可能"煮"溶咗呢。
清蒸生猛大海斑：條海斑真係好鬼"鞋"，可能蒸過籠又唔知係唔係唔新鮮呢，薑葱豉油就幾好味。
金錢扣海鮑片：鮑片好"淋"唔韌OK，金錢...姐係花菰好大隻炆得夠淋好入味好食"掂"，但係個鮑片燴汁好"稠"。
當紅炸子燒雞：炸子雞嘅肉好好味夠滑，雞皮做得卜卜"脆"冇得彈。
鮮蝦荷葉飯：荷葉飯裏面Ｄ蝦都夠爽口，很重荷葉味嘅飯做得好爽同好乾身好味道。
親情子母蟠挑：普通嘅壽飽冇經喜。