一龍燒鵝專門店 (慈雲山)

今日心血來潮同友人隨意搵間茶餐廳食燒味，竟然食到有質素燒鵝加燒腩仔😋特別係燒腩仔皮脆有口感，肉質又嫩即使放涼了肉感不變平民價錢但比得上其他出名的燒味店！值得再去

小甜谷 (尖沙咀)

早排見到雜志介紹由藝人開既小甜谷於尖沙咀韓國街尾開了分店，心想是否又係明星效應既甜品店呢？但眼見圖片實在吸引，一於同友人M小姐一齊去潮拜一下！發現果然不是浪得虛名呀😍😍

裝修方面有啲似日本某間coffee shop，感覺不錯！睇睇有咩好食先(^ з^)




有中式及西式既甜品，聽店員講會定期有新甜品推出！佢地除了甜品外，還配合了谷媽媽既上海小食！一早已聽說谷媽媽水餃很出色，先試試佢啲水餃先！

👍👍👍果然冇令人失望！皮唔會太厚，裏面既肉好鮮甜，唔會令人好濟既感覺！聽說每隻都係人手親手包，每日新鮮製作！值得推介呀!😊😊

食野當然要配合飲野,炎炎夏日冰凍產品最適合不過,我選擇了芒菓菠蘿雪莎!

夠清甜同凉入心呀😍😍爽呀!!講真哩類型沙冰有好多地方都有,不過佢特別在係啲沙冰,真係好細滑,普遍方間不易找到這種質感既雪沙!

試完小食就食甜品啦！我就叫了第一時間吸引我既芒果酥卷（其實想叫榴槤😢不過M小姐唔食）



酥皮好鬆脆,焗得恰到好處(^3^)幾層薄薄既酥皮包住裏面滿滿既芒果粒,而芒果粒非常新鮮及香甜😊😊
👍👍👍絕對係大讚既甜品呀!我眼見隔離枱叫了榴槤酥皮,同樣聽到有大讚既聲音!下次我一定會試p(^-^q)

而M小姐就叫了宇治抹茶軟雪糕新地,同樣係俾佢既賣相吸引了( ´▽' )ﾉ

好重既抹茶味雪糕,抺茶係由日本京都空運到港,雪糕質地好幼滑,另配合紅豆及丸子於雪糕旁,配搭得唔錯!不過丸子好似大粒了一點點...(*-_-)

總括而言對於今次既潮拜非常滿意,位置確係入了少少,不過係值得的!下次會試榴槤甘露同榴槤酥皮卷!應該都會有不少驚喜!

咖啡弄 (銅鑼灣)

近期經常聽到人講咖啡弄，話佢既waffle收出奇，雖然大排長龍，但都要一試睇下先😄😄
等左大約半小時，終於入座，先叫了咸点，一個
朱扒三文治


份量好大，朱扒肉好新鮮，而面色皮好鬆軟，另配上雞蛋薯溶，好味😛
另每人有一款飲品送，我選了橙汁特飲


飲品好清食，內裏加了茶包用作吊味
然後叫了士多啤梨waffle,店員大力推介


外表非常吸引😍但我卻有點兒失望，因waffle既表有啲太硬，唔夠脆同鬆軟，不過佢蛋味係足夠的
最後叫了這款唔太記得名字

佢其實係香港舊式棉花糖，另佢會有一杯仔咖啡用於放上面，不過我唔飲咖啡，所以店員好好人地換上朱古力汁俾我😃棉花糖底下係雪糕，整體個甜品扁甜了一点

帝樂 - 德國餐廳 (尖沙咀)

今次好朋友仔生日，選擇了哩間又有酒又有氣氛又聽閒幾好食既餐廳😁😁
我地叫了最多人推介既德國脆皮豬手🐷！另外一個德國雜感腸配焗薯仔！另叫了三杯限定果汁特飲🍹🍹🍹


佢入面總共有六款腸，分別有辣味，芝士，豬肉，雞肉等！佢既腸外皮好香脆同肉味好夠！再配合番茄汁就更美味👍👍


再來就係脆皮豬手！同樣皮好香脆，食落唔會太硬，肉質地好新鮮👍另配合既焗薯仔，中和了熱氣既感覺！唔怪得多人推介


夏日龍眼特飲！一睇圖已叫朋友唔好叫，因為顏色好藥水。。。果然不出所料，真係藥水味重，不過佢入面既生果如龍眼肉同椰果係鮮甜既( ´▽` )ﾉ


菠蘿沙冰特飲！好香菠蘿味，同埋佢入面放入了黃色既生果肉（應該係桃）仲要係星星形狀🌟好別緻👍

夢見屋 (尖沙咀)

跟友人食完飯打算搵甜品食下再hea下，行k11見到夢見屋，外表吸引，雖然主打係日本野食，不過佢都有其他甜品既！
我地分別叫了一個熱抹茶，一個芝麻雪糕同一件士多啤梨拿破崙蛋糕


芝麻味夠重，好味，但好多cream,我要潑走佢😑下面既涼粉好似不太合襯，所以只食了上半杯就停了
另外熱抹茶完全冇味，而個士多啤梨cake好似放了好耐咁，個好唔掂，個皮好淋。。。
始終主打唔係甜品，所以真係差了一点