Gradini意大利餐廳 (中環)

其實係睇中左個環境同裝修而決定食呢間餐廳嘅，所以對呢間餐廳嘅嘢食本來都冇乜期望。但求佢唔好唔值呢個價錢就得喇。
即係大家都知啦中環有好多餐廳得個靚字啲嘢其實性價比低架嘛。
臨book枱之前睇過下啲食評，都係參考下就算。大家都知啦呢度好多打手🙊
知道係食意大利菜啦，覺得應該都幾穩陣。我大約七點鐘去到，星期日嚟嘅成間餐廳好似包場一樣。咁就隨便order咗兩個starter 試啦，見到佢地係signature dish同埋是日推介。
一個係八爪魚前菜，一個係小龍蝦前菜。八爪魚煮得好琳，口感非常之好又夠味。讚👍🏼
小龍蝦煮得啱啱熟，帶着鮮甜。good
Main course我哋就叫左一個羊扒，一個紅蝦意粉。由於我唔食羊嘅關係，我就平加唔到個羊扒啦。但係我兩個朋友就食得津津有味，所以應該都係水準以上。佢哋話啲羊味啱啱好。
我就主要食嗰個紅蝦意粉，個汁做得好好，好濃郁蝦膏味，紅蝦亦都係啱啱好，冇over cook. 唯一美中不足就係D蝦肉拆得太碎,令到冇太多咬口。
最後我哋叫咗兩個甜品，一個係signature 一個係侍應介紹嘅，我覺得朱古力脆脆嗰個好好味，相比之下signature 嘅moscato jelly with coconut gelato 就比下去。但係都係好食。
你一餐我哋都食得好滿足好愉快。值得我專登上嚟寫篇食評讚許下。

大漠 (土瓜灣)

食之前其實都知大漠出名在食羊，我本身唔食羊，但朋友話想食，所以咪陪佢去law!!
睇Menu 時，原來非羊類嘅選擇都幾多！咁就好喇！我哋一行五人，點菜如下，哈哈....可能個菜名有D出入😛
牛尾湯，一大碗足夠五人飲，味濃料足，正👍
串燒六串，雞、牛、羊！我只食咗雞！好滑！如果有沙嗲醬就正喇！哈哈，不過唔係食馬拉嘢嘛！
哈蜜瓜炸牛腩，好得意嘅口感，原來哈蜜瓜可以炸ga!! 仲補存到D果汁！
仲食咗一個炸辣雞，但因為我掛住講電話，俾班fds 食曬😭
羊架，sorry 我冇食，但朋友話好食
紫椰菜，呢個好好味👍👍👍我鍾意佢有青提子乾！
鴨胸，omg......超好味呀！佢有D甜甜酸酸嘅汁，超惹味！我覺得我可以一個人食曬成碟！
之後我哋每人叫咗杯飲品，友人叫咗羊乳酪，佢話冇羊騷味ga 但我唔敢試，我叫咗個蜜糖桂花茶，好飲呀！如果有得凍飲更好！

總之就係以一個唔食羊嘅食客嚟講，我都會推薦嘅餐廳！

另外提一提，原來十點半last order!! 我九點幾去到，好彩都趕得切！服務好上菜快！

支持支持😊

Prime Pho (中環)

我一向都鍾意食越南嘅pho, 奈何喺中環返工真係冇乜越南餐廳可以選擇。難得見到有一間越南pho 餐廳咁就梗係即刻去試。

其實我已經食咗兩次今次先來寫comment，呢間野絕對值得推介。

我第一次食嗰陣時係試咗佢哋個招牌pho, 好多餸好多料，但男士就可能覺得D粉唔夠多。女士食就非常之夠飽。首先佢個湯底做得非常之好味道夠晒濃郁，feel到用骨餚咗好耐，其次係佢嘅生牛肉非常之有肉味亦都夠嫩口，細問之下原來佢哋係用美國頂級牛肉，唔怪之得唔鞋口又好食。

所有粉麵都會配青檸同辣椒夠正路，因為我都食過一啲真係唔會跟青檸同辣椒俾我ga.

可以話呢間鋪頭嘅老闆絕對係用心做粉麵，食咗兩次水準都保持得到。所以真心推介。

Jimmy's Kitchen (中環)

香港是一個很急促的城市，彷彿你腳步慢一點都跟不上變遷。特別是飲食業，可以數得出還有多少餐廳是屹立不倒嗎？在香港經歷85年，看盡時代變遷，這是怎樣的感覺？俗語說而不變應萬變，做好最傳統簡單的西餐就是不簡單。
無心插柳下，光顧了午餐，深深喜歡上這件牛扒。留意到嗎？牛扒是沒有根沒有脂肪的，所以可以令你吃着都不覺得肥膩，配上濃厚嘅蘑菇汁。yummy😋要煮好一份看似簡單的牛扒，口感軟、汁多肉厚、唔知以為係慢煮出品，其實真係唔容易。讚👍🏼

舞鶴 (銅鑼灣)

我見到我有一班朋友成日嚟呢度食omakase, 其實一早想試嘅啦，咁啱朋友講起於是就決定黎會一會dee哥（主廚）。

我omakase 嚟講呢度唔算貴，$1300-1500 左右一位。有大約八款刺身八款壽司。但其實我食到尾段已經叫停😂因爲真係好飽。

呢度嘅魚質素的確好，夠新鮮, dee 哥嘅份量好大方，佢份人又好nice 會同你講解好多魚嘅知識。

我係平時都唔多食紅肉魚ga, 所以我嘅selection 係白肉為主。

成餐飯都好滿意，最後甜品係日本香印青提，超大串好好食。

質素高又性價比高，難怪有咁多熟客啦。