BB頭部隊 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-03-19
今晚行過灣仔果頭見到有間餃仔鋪坐到成鋪都滿晒人就諗住咁多食客都唔應該唔會差得去邊,所以一於試吓啦,點知…… 打開餐牌見到有一個叫做重慶雲吞嘅食品、重要分大中小辣咁過癮就一於叫個嚟睇睇係乜東東啦……唔叫由自可,一吖把鬼火……原本所謂嘅重慶雲吞(大辣)就係一碗普通過普通嘅雲吞,放咗喺碗叫做有少少辣味而又帶有咸味嘅水度,倫不類。真係街邊啲粉麵檔嘅 味精大地魚湯底重好過佢。 另一碗嘅韭菜餃溝芫茜餃仲奇突,因為呢一碗應該有5隻韭菜餃加5隻芫茜餃,但當我食到第7隻都係韭菜餃,第8、9、10都係韭菜餃時,我已經無話可說。 你可能問,點解唔同店員反映? 喂,你都食咗人哋韭菜餃,你想人哋點做呀? 呢碗餃嘅湯底仲堅……一啲淺啡色嘅咸味水,似係啲湯渣番煲番煲又番煲果啲淡如無味又或者溝咗好多水果啲味咁……總知好難形容咁啦! 抬頭一望,呢幅掛畫係唔係講緊班食客家吓嘅心情呢…… 到俾錢時,見到啲所謂又男又女,又乜又物嘅雜誌食評,立即感覺到……原來俾得起錢就有如住到半山嘅比天高。 又一証明、明人、戲子效應喺香港係有市場價值多過真才實料! 題外話/補充資料: 有真才實料又何需靠戲子效應呢
評分: 味道 1 環境 2 服務 1 衛生 3 抵食 1
2017-01-01
聽同事講呢間餃子店嘅老闆係貴州人,餃子又大又多汁,於是就膽粗粗同侯小姐入嚟試吓啦!全店20座位,但閒日下午茶時段嚟講,坐滿咗一半客人都算係咁啦。我哋叫咗一碗鮮肉韮菜淨餃同一碗鮮肉粟米淨餃。餃子到啦⋯⋯咿!又的確幾大隻喎,而且好肯定係自家製作。值得一提嘅係個湯底,用豬骨、紅蘿蔔、花膠(先唔好睇價錢)熬製,飲落口好清甜,不過花膠唔夠膠,但勝在一啲味精都冇而每碗湯都有兩三片花膠BB付送。輪到主角餃子啦,用料足,但又未去到好多汁,皮都夠薄,喜歡少辣嘅朋友可以叫重慶酸辣湯,不過本人嗜辣,我就覺得冇料到呢個價錢食到自家製又冇味精嘅製作,算係咁啦!
評分: 味道 3 環境 2 服務 2 衛生 2 抵食 3
2017-01-01
本人先利申,我係買團購2人餐嘅。食物已經係set好左架啦,但以呢個價錢試到咁多樣嘢,我覺得係抵食嘅。先講服務,又真係唔錯噃,有效率,又有禮貌,抵讚至於食物方面,漢堡有夏威夷漢堡同埋蘑菇和牛漢堡,包嘅size同M記差不多大小,但味道當然唔會咁行啦,牛肉都算juicy,但唔會令人有十分嘅驚喜。洋蔥圈就係洋蔥圈,冇咩咁特別。炸薯條口感幾rich,不過應該唔係自家製。反而雞翼就幾有驚喜,個面灑咗些少花椒粉,令雞翼幾惹味。最後到兩杯特飲啦⋯⋯真係估佢唔到!可能店主驚食客食完炸物會熱氣,特登炮製咗紫色嘅柑桔特飲同埋藍色嘅柚子特飲俾大家下吓🔥,雖然特飲配上burger確係有啲奇怪,但我都能夠感受到店主嘅創意同細心。 評分: 味道 3 環境 2 服務 4 衛生 3 抵食 4
2012-07-17
以現今嘅社會一分錢一分貨,團購所買返嚟嘅服務最好唔好俾咁大期望 今次我就一於去試吓某團購網站所講嘅… 1) 印度及尼泊爾正宗口味 2) 餐廳環境極具南亞風情,讓食客們仿如置身南亞,別具風味 3) 近30款精選菜式任選,一次食盡南亞風味 4) Openrice 100%好評,深受食客歡迎,信心保證……最吸引我嘅原因一 嘅NOBLE SPICE試一試。 地址係比較難揾……(如果話係喺中環某一間以賣奶茶而聞名嘅茶餐廳對面會比較易揾) 當日我同太座比原定六㸃至開始嘅時間早咗十分鐘到,但係華籍老板娘(我估咋!)好好人俾我哋入座先 其間仲講解呢間餐廳嘅背景……講環境家庭式餐廳,OK舒服。 食物方面真係好一般……而食物選擇真的少得可憐,如果連同沾Nam bread, 印式薄脆食用嘅醬汁都可以算為一道精選菜式的話……咁佢又真係無呃你有近30款精選菜式任選,一次食盡南亞風味喎!: 當晚數來數去有以下食物(俾到盡十多種): 咖哩角味道ok 炸魚槐……魚内一pat pat 印式燒雞合格 印式飯……正宗,Good! 咖喱雜莱……有待改善 咖喱雞……難以形容 咖喱羊……一試難忘 尼泊爾炒蛋……???曾與Gurkha共事幾年都未曾聽或具他們煮呢道菜! Nam bread…即叫即做,正宗,非常好食,Good! 粟湯……???印度菜或尼泊爾菜居然有粟米湯??? 印式糖水煎堆……正宗,超甜,我的至愛。 芒果酸奶……不過不失 青檸soda…無青檸你可以同客人講,但唔好為多收三十鈫而用檸檬代替(青檸同檸檬喺味道上有好大分別) 總括對我呢一位自稱為咖哩fans嚟講,印北咖哩為主打……尼泊爾式食物真係少得可憐(倒不如唔好用尼泊爾菜自居) 一試亦都無妨。 題外話/補充資料: 題外話係佢個厠所超小形,呎半乘四呎……但好乾淨吓。差不多每一枱嘅客人都議論緊食物選擇係少……如改為散餐服務會更好。 推介美食: Nam bread
評分: 味道 3 環境 2 服務 2 衛生 2 抵食 2
2016-12-27
同朋友行完街,諗住搵個地方歇一歇同食少少嘢醫吓肚,見呢間餐廳近又冇人唔洗等位,就睇吓門口個menu啦!有個面帶笑容嘅waitress主動向我地介紹個afternoon tea set,我地問個tea set係for 2人㗎?佢笑笑口答夠食嘅!咁好啦⋯⋯就呢間啦!全店明明係1個客都冇,但個waiter偏偏就安排我地坐張2人枱,我地2個1袋2袋又手袋,於是就問可以坐4人枱嗎?佢話如果陣間有其他客人嘅話,你地可能要坐翻2人枱講真,到我地走都係得嗰2枱客嘢食到齊,餐飲都到齊!講真,我地2個都唔係大食,但食物真係超級迷你!期間叫waiter幫我地壺茶加一加水,點知waiter好有禮貌咁同我地講,茶入面係冇茶膽㗎,所以加左水都只會係水嚟㗎咋會唔會太孤寒呢?茶膽都冇!!!唔通茶膽好貴 評分: 味道 3 環境 4 服務 3 衛生 4 抵食 2
|