Video
中環港鐵站D2出口.
continue reading
Good For
Special Occasion Dining
Private Party
Opening Hours
Mon - Wed
11:30 - 15:00
18:00 - 00:00
Thu - Fri
11:30 - 15:00
18:00 - 03:00
Sat
18:00 - 03:00
Sun
Closed
Above information is for reference only. Please check details with the restaurant.
Signature Dishes
同女朋友慶祝生日，先上黎open rice睇下有邊間好食。見到Favaca有咁多好既食評，於是就揀左呢間。不過試完之後我只可以話，食物好普通，完全唔值呢個價錢。與其話佢係一間餐廳，我會話佢似一間酒吧比較多，仲要係一間細既酒吧。地方細同狹窄不在話下，枱同枱之間好近，無乜私隱可言。枱面面積好細，真係放多一碟餸都唔得。Salad︰三文魚同露筍都唔錯，只係三文魚略為少左D，如果可以多番少少既話會更好，話晒都成百蚊吖嘛。Rice︰之前有好多人都話好正，所以order左。但唔知係咪期望太大，最後只有失望二字。個飯係香噴噴既，不過原來只有好少既鵝肝同少少菇類。鵝肝的確係幾香幾好味既，但真係得好少，食完之後就只有飯，真係無咩特別可言，呢個價錢接受唔到。Steak︰亦係有唔少人讚話好食而order左，十分後悔！唔識講佢D牛係咪高級，但碰巧今次有好多筋，多筋多到根本都食唔到，好差好差，直頭差過快餐店既牛扒，但佢竟然要200幾蚊。Dessert︰點左流芯朱古力心太軟 ($68)，算係全餐最好食既，不過就甜左D。到埋單時，我用左Open Rice既$100優惠券，佢地竟然對我黑面。你一係就同我講話唔俾用，唔好對我黑面吖唔該。用左優惠券之後都仲要600幾蚊，但係換來咁既環境、食物質素同服務態度，never come back again~~
continue reading
過黎之前都睇過不少openrice食家批評此店服務水準，當時心諗：你班友仔麻煩挑剔je。今晚親身上陣，兩個字：失望。開頭送既面包加個橙色牛油，得喎。由於見過有人o係openrice話可以叫佢再拎少少面包畀你for free，我就叫個男人畀多少少我，點知佢望一望個老細，就話先生唔好意思，要另外散叫先得。I was like "what the...", 唔係十零廿蚊既問題，少少面包值你幾多錢? 咁都唔肯送，真係覺得呢間野好孤咩寒。點左個乜鬼鵝肝飯，普通啦，略淡。另加一個唔記得咩意粉，又係一般。我連咩意粉都唔記得，佢個質素如何你真係諗都諗到，有時都無謂講到咁白。另外都唔記得叫左咩野，唔係唔好食，但唔係好食到會令我再黎囉。叫水又係要畀錢，心諗：咁細間野，幾舊水一餐咁平，你估你自己高級餐廳咩，呀老細，唔好做到咁肉酸啦。又要扮高檔餐廳賣收錢水，個客支持你個面包你又叫佢另外畀錢賣，呢間Favaca，to sum up in one word: CHEAP.
continue reading
話說星期一吃完一個開心的下午茶，眨眼間又要再來LKF吃晚飯，為的就是和朋友們慶祝生日啦。12月真是忙碌的月份，好像有吃不完的飯局似的，是晚兩位朋友都在附近日子生日，所以當然由我來請客和負責想吃什啦。原本想過吃意大利菜，但突然想起上年生日才和朋友吃過意菜，所以就放棄了，最後來到這裡~ 眼見其他食評也不錯，而且生日者有蛋糕送呢~ 反正我也在頭痛 3 個人吃什麼蛋糕好，現在連時間也節省了，簡直一舉幾得~早幾天打來訂位，而且麻煩店員幫我在蛋糕寫上字眼等，店員非常有禮貌，而且又主動提出幫助我，真的麻煩他了。是晚準時來到，不過來到的時候店內一個客人也沒有呢~ 整晚看上去客人也不太多，難怪星期一LKF的餐廳特別多優惠啦~ 這裡環境雖不是特別寬敞舒適，但也不算太差的~ 可能不是太多人所以一點也不會太嘈，我們整晚坐了很久時間也沒問題~雖然大家都麻麻地飲得=)，但生日開心當然要飲返杯，house red飲落比較薄身，開初飲味道幾香，反而後期越飲越覺得有D酸喎~ 由於食左個下午茶，食呢餐飯既時候都仲幾飽，所以整晚我都要慢慢吃呢~麵包不算很熱但起碼也不是冷冰冰的~ 咬下去鬆軟好吃，再配上清新又香的蕃茄乾牛油，是個好的開始呢~先說Caesar salad，這裡來到的時候給我感覺反而麻麻呢，賣相比較一般~ 吃下去生菜新鮮爽口，麵包粒加上芝士亦香口好吃，不過如果沙律汁再多一點就好了，現在感覺味道較淡呢。朋友想吃墨西哥芝士雞肉脆餅，不過這個其實不算小吃或前菜吧，像一個大pizza呢~ 我吃畢已飽了一大半，不過這個味道真的不錯，脆餅裡有很多紅黃椒，加上芝士和雞肉，很香味道很夾~ 芝士還可以拉成絲狀的，表面的蕃茄醬酸酸的令味道更開胃，喜歡芝士的朋友吃得很開心~ 青口虎蝦墨魚汁意粉這個來到份量感覺比較小一點，但吃下材料豐富，也沒有欺場的，除了青口虎蝦還有頗多魷魚圈~ 蝦肉既大且爽口，加上意粉也彈牙好吃，再配上香香的蕃茄醬，雖然小一點但也不錯啦。最後就是鵝肝野菌石頭窩意大利飯啦，這個來到大家也垂涎欲滴呢! 鵝肝煎得不算過火，內裡軟身加上滲出的油香，令整個RISOTTO更好吃~ 比起鵝肝我更喜歡那些野菌啦，味道不會太膩又有菌香，吃到底還有薄薄的飯焦都幾香口的。吃畢所有店員就遞上朱古力心太軟蛋糕再加幾杯香檳，他們又會主動幫我們拍照，真好! 不過其實我已經很飽啦，也不太吃得下這個心太軟，大家也比較想吃它旁邊那個雪糕多一點。簡單說這個心太軟夠流心，中間的朱古力醬是幾熱的，而且味道香濃又不太甜，配雪糕吃當然是好吃啦。吃光所有食物我們還慢慢聊天坐了不短時間，勝在氣氛和環境都不錯，店員招呼又好~ 是晚吃得幾滿意，但最重要的還是壽星 1 號 + 2 號開心滿足啦。只要在一起，做什麼都是快樂的***
continue reading
自從蘭桂坊果座嘢重建, tuscany by H 又無咗, 見到有間favaca呢間餐廳又想試下, 上黎openrice睇下咩環境先, 有d讚到不得了, 有d彈到話以後唔去添......點都好, 耳聽三分假, 眼見未為真, 自己去經歷下最實際.......係openrice download 咗張coupon, 擘大我隻死人眼睇清楚, 免得又話果張唔用得, 呢張唔用得, 又打去餐廳問下, 哦, 原來用either一張coupon都得, 咁又岩既, 優惠不能同時使用嘛, 我明白這個意思......唔通拎晒xfood, x假期 d coupon 一次過用晒咩~~~~去到餐廳, 還早, 6:30, 我見到餐廳入面d staff未ready, 可能人地食緊晚飯掛, 咁我就坐係出面等一等, 睇下風景, 吹吹風都好呀, 有個類似老細既人就出黎同我講話執一執張枱就可以入去坐........真係唔該晒 入到去坐低, 果個類似老細既人即刻拎個menu比我地睇, 又介紹今日有乜新鮮, 又講佢地有乜出名, 又問我地有乜想食, 講到好似我叫乜佢整乜咁....其實佢都真係非常好, 我生蠔又唔食, 海鮮又唔食, 佢都仲好好人咁講有個mushroom risotto好食, 岩啦, 我最鍾意食菇!!去片~~~牡丹哈帶子沙律我個frd話好正喎, 帶子同哈都好新鮮, 我淨係見到好大隻囉~~~mushroom risotto我食得多, 我未試過食一個有飯焦既risotto, 仲要係石頭窩上, 出黎果刻係"滋滋"聲的, 一絕!!!! 加埋塊鵝干, 哇, 係膩咗少少, 但好味到一諗起就流口水~~~~~飯~creamy but not too sticky, 鵝干~大塊, 外脆內滑!!! 但一個人食都算幾大portion......我個frd就order咗呢個, 我顧住食我個飯, 淨係試左少少豬, 肉厚有汁juicy唔乾, 但我又唔太好豬......我同frd叫咗支白酒, 免得又話人針多針少又乜又物.........一支就一支, 最多咪醉 再叫亞經理比杯水過我地, 佢問我地要有汽定無汽....我諗宜家所有高級餐廳都會咁問㗎啦.........出得去食飯都無乜所謂~~~~飲酒都要飲吓水緩和下dessert time~~~我最想食個creme brulee, 但我個frd又話唔想食, 終於叫咗個唔知咩banana crepe, 有d朱古力sauce, ok, 普通嘢, 不過下次真係要試下個creme brulee, 個老細講到有幾勁幾勁......總括黎講, 我覺得呢度d food係好食的, service亦ok, 老細仲好吹得水添, 有幾分搞笑, 成個atmoshere好似屋企咁, 係張枱細d, 要d course分開上, 慢慢食........我仲要坐bar櫈, 早知早d訂位, 咁就可以坐入面d 枱~~唔洗坐高櫈腳fing fing...........仲有, 最抵死係個奶茶, 真係同茶餐廳有得揮~~~~一定有下次~~~再download過 openrice coupon!!!!!!!!!!
continue reading
之前都黎過favaca 3次, 1次係用生日優惠, 另外兩次用團購.打電話訂位果陣時已經講清楚會用coupon, 所以食飯果陣都無咩問題發生.但我睇其他人寫的食評, 大多數都係爭論關於優惠或者團購的問題. 其實你地有無細心睇過d條款? 我都用過d優惠, 都冇問題. 如果自己冇睇清楚就怪人, 我覺得好似對間餐廳吾係咁公平.值得推介的是, 鵝肝石頭飯, 好多食評都有講, 我就最鍾意d飯焦. 麵包 – 外面脆, 入邊軟熟. 因為要焗, 所以要等耐少少~我最鍾意朱古力心太軟, d朱古力勁濃郁, 配咪雪糕一流. 果日係我生日, 佢地幫我係隻碟度寫左happy birthday, 我覺得佢地好有heart.其實人地整咁多優惠都係想益我地d食客姐, 吾通想倒自己米咩!
continue reading