The Popsy Room (Closed)

入到去Popsy Room，你第一個感覺會以為佢係Art Gallery，完全冇諗過佢哋係一間做Fine Dining嘅私房菜，今次多得朋友嘅介紹，令我係十二月頭就已經食到聖誕大餐，聖誕月就此展開 我同朋友揀咗由八道菜組成嘅聖誕大餐，佢哋嘅菜式亦好特別，你完全唔會諗到佢哋會用中國酒嚟做一道西式菜，而一鴨兩食係西餐嚟講亦好少見。個人嚟講，係咁多菜式當中，我個人最鐘意嘅就係龍蝦湯，佢哋個湯用料十足，最特別之處係佢哋上菜時，啲龍蝦同個湯係分開上，你完全可以睇到你嚟緊飲嘅湯有幾足料，然後侍應就開始幫我哋倒湯，一個靚靚龍蝦湯就咁呈現係你眼前。當然賣相靚，味道亦好重要喇，佢哋個湯口感豐富，鮮味十足，完全感受到廚師嘅用心製作。用餐之餘，亦睇多咗少少呢間餐廳嘅資料，佢哋平時除咗會跟唔同嘅Artist合作舉行畫展外，亦會按Artist嘅畫作嚟設計菜單。一間餐廳，除咗可以欣賞畫作，又可以有私房菜食，呢個咁新穎嘅概念，絕對可以約埋朋友嚟再Encore。