泰成菜館 (Changed Hand) New Restaurant

今晩又和男朋友來了銅鑼灣，因為上次本來想食呢間，但要等位所以無等到，今日佢又話想食咖喱，所以帶咗我嚟呢度。聽日明明係公眾假期，但今晩竟然一啲都唔忙，個場唔爆。當然一定要嗌寶寶最愛既黃咖喱(雞)，啲咖喱唔辣但好香，最啱撈飯，寶寶一個人食咗兩碗飯。咖喱入面仲有洋葱同薯仔，非常野味，但啲雞肉反而麻麻好似無醃過咁。除此之外我哋仲嗌咗個豬頸肉炒芥蘭。好驚喜有咁多塊豬頸肉，芥蘭又炒得爽口，但如果菜既份量多啲仲好。