炑八韓烤 (Closed)

原本想去醬缸，點知佢星期日唔開。因為太想食醬油蟹，所以來左呢度食飯。個入口就係鵝頸橋，入口比較細，上一層樓梯轉左就到了。一入到去全部都係卡位，已經坐唔少人，如果2-4人都坐得好舒服。一來到待應已經好好招呼，好快上小菜，沙律，芝士粟米，蛋汁等等，又會推介野食。要讚揚一下紅色長髮的女服務員。又主動加配菜，又會教我點燒d牛肉。令人感到呢度服務超好。今日我地點左3樣食物：醬油蟹套餐$198 隻蟹都幾大 ，有好多蟹膏。D汁唔會好咸，我覺得整體來說算係好好食。因為只有我一個人食，所以食到好滿足。海帶湯就普通啦，趁熱飲都唔錯。韓牛貝身肉 $220韓牛果然唔同d, 好食好多啊，油份分佈比例好，色澤鮮紅，睇得出好新鮮。真心推介，好好吃啊！待應教我哋焼完之後點小小海鹽，就非常之好食了。PS 牛肉下面有好多洋蔥，朋友燒埋d洋蔥來吃，佢話好好食。炑八特製護心肉$128呢碟肉份量都算多，我平時食喜xx肉叫豬肉/牛肉份量都比呢度貴同少。呢度仲有伴碟蔬菜。肉質鮮美，又淋又夠味。又大份又好食，去邊度搵呀？芝士粟米好味，我encore 左！唯一唔鐘意的是泡菜唔夠辣，所以要求佢地俾d辣d ge 野我地。最後拎左辣粉！！