Sleepless (Closed)

呢間cafe喺銅鑼灣希雲街屹立多年，好耐之前(嗰陣佢哋仲未改名)我已經因為佢哋嘅三眼仔同毛毛拉花慕名而來。🙈事隔多年，最近我同朋友嚟食晚飯，而今次都係衝住佢哋嘅拉花而來。坐低一陣好快已經決定好要試3D啤啤熊拉花朱古力 ($88)🐻‍❄️3D拉花真係靚到唔捨得飲！打卡簡直係一流，仲要唔係得個樣朱古力都好飲😋另外都推薦大家試下招牌貓頭鷹玫瑰溶岩特瀾拼配朱古力 ($68) 朱古力表面灑上可可粉同玫瑰花瓣，店員會即席倒入朱古力營造出熔岩爆漿嘅效果🌋 朱古力味香濃，帶微甜而不膩，果然係招牌飲品🍫食物方面，我哋就點咗Dinner Set ($398)​，包一款前菜、是日餐湯、主食同甜品。香煎法國鵝肝同蘑菇湯都不錯～主菜本身揀咗招牌慢煮豬鞍斧頭扒，但好似當晚冇貨，所以餐廳就轉左香煎三文魚俾我哋食～是日晚餐以2粒迷你馬卡龍作結🍬如果經過銅鑼灣想揾個地方坐低同朋友飲杯嘢傾下計，呢度都係一個幾唔錯嘅選擇☕