Spade by Lassana (Closed)

係兆萬係完韓燒，有點意猶未盡，過去對面食下甜品先。其實已經好飽，想食窩夫但驚食唔哂，今晚都係食下雪糕算，留待下次吧。自己叫左呢個榛子脆脆，regular size ($36)，有榛子朱古力雪糕，杏仁碎，朱古力醬，朱古力餅乾條。第一次食炒雪糕，仲以為有咩特別，原來係喺凍板上面快速撈混所有材料。味道還算唔錯，每一口都有唔少材料，唯有點過甜。姐姐叫左踏碎尋莓，large size ($42)，有藍莓雪糕，雜莓，餅乾碎。望落去大size好似都差唔多咁，多一球雪糕而已。味道帶點少酸，剛食完油膩野，呢個味比較吸引呢。另一日又黎食過，今次要試窩夫！cookies and cream waffle曲奇妙趣窩夫 ($68)，有一整塊窩夫，一球雪糕連cream同orea，還有一條蕉切片。嘩，齋望都覺得好飽肚！雪糕係椰子味，甜甜地有點奇怪，不是我喜歡的味道。窩夫很脆，但欠蛋香，亦沒有牛油香，大概是想整得輕盈一點吧。食完一盤都不用食正餐了，十分飽肚，價錢上可是十分抵食呀。