JHD American Gourmet & Bar (Closed)

星期六下午一個人放工搵晏食，想起上次西九龍中心食過一次美式漢堡，又去試多次。店舖令人感覺舒適，採用先到櫃面選購及付款後取牌仔找座位座好，服務員其後將食品送上。店舖提供美式食品，包括熱狗、漢堡、意粉及美式小食，並有各式飲料，今次選了德州香辣肉醬漢堡$58，牛肉轉做安格斯加$12，另加$20做套餐有飲品、薯條、沙律或湯，我選了湯，是粟米蜆肉忌廉湯。德州香辣肉醬漢堡加上安格斯再放上大大數圈生洋蔥，辣肉醬夠辣味洋蔥鮮甜而漢堡夠肉汁，非常滋味。忌廉湯內有不少蜆肉，味道較為清淡，要加鹽及胡椒。薯條粗切，脆卜卜裡面亦不會太乾，好食。