翠華餐廳 (Closed)

7月21日 多 雲 ， 有 驟 雨 及 雷 暴人真係多煩惱，有得選擇又煩，無得選擇又煩，連中午去邊度食飯都要咁煩惱。樓下大x樂我已經食到厭，突然間閃過我腦海的，就只有菠蘿包。今日早上落過大雨，幸好中午只有毛毛雨，由公司行路去翠華大約15分鐘，去到就買了個菠蘿包，買完後就去附近海濱長廊度隨意咁搵個海景位坐。由於落過雨地下濕，今日無咩人經過跑步，我就坐喺度欣賞下風景，再施施然攞個菠蘿包出嚟。菠蘿包仲熱辣辣，一啖咬落去，金黃色外皮香脆得快要跌滿地上，配合埋鬆軟綿綿的包身，我要好好咁享受呢一刻。