諾亞半熟蛋糕專門店 (Closed) View

身為一個甜品控，對於蛋糕有一定既要求，成日都好想揾唔膩既芝士蛋糕，呢到既芝士蛋糕雖然唔會有好精緻既設計，但係難得好味同埋食得多都唔會漏尋日工作完經過九龍城順便買返個返屋企慢慢品嚐呢到蛋糕主要兩個系列，我既目標係芝士蛋糕！本身驚咁夜黎到會無咩款揀，好彩黎到仲有存貨。不過選擇困難症又發作因爲芒果同士多啤梨都睇落好新鮮，好彩店員有耐性幫我揀，最後揀左士多啤梨蛋糕盒好厚好都實淨，個蛋糕本身又有圓兜裝住，好穩陣估唔到盒入面有套迷你切餅套裝，又有紙碟又有膠刀叉，明明我無問過店員拎，雖然今次我吾係生日但感覺好細心！岩哂啲人臨時無準備買蛋糕即係平時既我XD蛋糕放左一日依然新鮮！主要分三層，面既啫哩，中間係草莓芝士蛋糕，本身底部以為係曲奇餅底，原來係一層薄薄既朱古力海綿蛋糕！面既士多啤梨啫哩其實唔多，主要係士多啤梨粒，而家係士多啤梨旺季，夠哂鮮甜最驚就係食蛋糕食到酸既草莓真係即刻咩心情都無哂中間芝士蛋糕由於係半熟狀態所以似creamy版既芝士蛋糕，你可以當佢係慕絲texture既cheesecake, 所以感覺上唔會太漏，芝士味唔太突出，反而令草莓既新鮮更突出，恰到好處，而底部既海綿蛋糕雖然薄身，但依然