富士山55 (拉麵沾麵專門店)

Open Now

Now Closed

之前Search到好想食,終於同男友一齊去食。店舖細細間,牆上有掛勾,方便客人放置手袋,你也可放手袋在椅底空間位置。1.特濃豬骨沾麵好香濃豬骨湯味,因為是沾麵,所以湯底濃郁d,等我地用麵去浸麵時,湯汁能包著所有麵條。第一啖食落去好入味,麵夠彈牙。兩片肉好薄~如果厚番d會好d~2.櫻花蝦沾麵同樣好香好濃郁湯底。不過因為佢用櫻花蝦,會有少許腥味。我就唔怕,因為好好食。湯底如果唔夠熱,每個位旁有電爐可以加熱。食到最後有些咸,因為濃湯。之後我地另加20元配1個白飯。職員會用你用淨的湯底,加白飯同芝士粉煮到黏飯。不過我覺得白飯份量唔值20元。太少~整體味道夠,好特別。值得一試