富士山55 (拉麵沾麵專門店)

Open Now

Now Closed

隔了很多年後再幫襯呢間日本拉麵店💗水準依然 味道跟以往一樣👍🏻👍🏻👍🏻 位置方便 是睇演唱會前一個不錯的選擇～ 我們點了 濃厚豚骨魚介拉麵&名古屋撈麵 🍜 拉麵湯底濃厚 好香好滑😍 麵質軟硬適中 义燒筍絲木耳絲 都是最佳配搭💕 撈麵配料豐富 有义燒 玉子 芽菜 椰菜 肉燥 蒜蓉 蔥花 紫菜 再配上湯汁 👍🏻 個人覺得比拉麵還好吃🤩

同朋友食飯入座起30分鐘都冇，有女店員一見我地食完野即收碟然後就趕我地走，叫交枱，態度十分惡劣，如果想食間高質拉麵而又想坐得舒服慢慢食既話，真係唔洗考慮呢間，拉麵唔特別出色，女店員完全冇理顧客感受咁趕客，服務態度仲差過一般茶記，好似想你一坐低就即刻挑戰大胃王咁快吞轟食之餘，仲要拉麵湯都未飲就叫你即刻閃人，唔怪得平時客唔多，咁既服務完全趕客，側邊大把餐廳選擇，差唔多價錢比佢高質既餐廳大把可以黑名單佢

今日去咗間小店嘅食記來啦🍜！一走入去，店員已經好熱情咁迎接，搞到我都心情開朗咗唔少。跟住就應該講講佢哋嘅椒麻雞，哇，真係要capture呢一刻，是但插嘅一啖，冧爆嘅微辣同花生嘅香，簡直係喺口裡面燃起嚟！肉質鬆軟又入味，想唔係「撚嘴」都難喎！跟住講下佢哋嘅炒麵，吔，梗係必試喇。麵條爽滑得嚟，又帶少少韌勁，仲有個燒香味係咁撲鼻；彈牙得嚟又唔會坼。配上啲肉絲、菜心，「靚絕五街」啦！簡直係平民價錢，賓至如歸嘅享受。整體黎講，今次嘅食行大滿足，食物質素同價格真係成正比。真係要畀多啲心機去發掘好味架，真係「食得划算，食得開心」，值得一試再試👌✨！

去完科學館玩，找到最近嘅拉麵鋪巷仔一間小鋪，好易搵，鋪面雖然座位不多，但坐滿人叫了一碗濃厚䐁骨魚介拉麵$98，加$25慢煮叉燒仲有一個芝士雜坎（芝士飯）$36食物點完好快上枱，拉麵麵質揀了軟硬適中，果然煮得好好，配埋魚濃厚介湯底，好好味湯底係微熱，所以要趁快食，怕凍了會腥芝士飯，好好味，細細碗又唔會太漏，有拉絲口感，都係要快食，再食遲啲，芝士開始漿住個飯因為想吃拉麵，無叫招牌嘅沾麵，留返下次再嚟幫襯再叫過

首先：店舖安排極差！一入到去我話兩個人（我朋友轉過彎就到），咁佢叫我坐喺餐廳啲座位先。我都拎咗紙準備落單先。然之後有兩pair兩個人入嚟，跟住佢叫我出返去等。我覺得唔齊人唔入得要係出面等係正常，咁所以一開始就唔應該比我坐咗入去先。已經坐咗係到，點解仲可以叫我起返身出去等？究竟係咩餐廳先會叫返個客出去等，我出咗去之後10秒我朋友就到咗。朋友介紹諗住試一次，而家以後都唔使試。OpenRice要打夠200字以上先可以用評分功能，但係我已經冇咩再想同呢間嘢講。

呢間富士山55係黎自名古屋既沾麵店～黎到緊係要食沾麵啦🤤呢度既沾麵都幾客製化，有得揀軟硬程度，仲有得走蔥走筍。另外最特別既係，呢度有個芝士雜炊！鍾意食芝士既一定要嗌！日本人好似好鍾意食完拉麵/沾麵，再嗌個飯撈埋落個湯到食，呢度既芝士雜炊就係佢地既湯黎煮啲米，再加上芝士，絕對係一餐完美既終結～1️⃣濃香櫻花蝦沾麵（$98） 好特別既係，呢度既沾麵湯係用個石鍋上既～啱啱上枱既時候，見到佢仲滾緊🤤下面一路有火熱住，咁就唔驚食到尾啲湯汁會凍曬。麵條係偏粗既，食落口係好有彈性，亦都掛汁，個櫻花蝦既湯汁好濃稠，個人鍾意偏重口味就覺得好正😋佢既配料有兩片叉燒同埋半隻蛋。叉燒偏薄，同埋都有啲肥，蛋就有啲過熟，冇溏心效果。  2⃣️日式芝士雜炊（$36） 係其他沾麵拉麵店都冇見過有得食！芝士飯食落有啲似risotto 咁既feel，食得出有用魚介湯底熬煮出黎，味道唔會太過濃稠，芝士有拉絲效果，食落唔會太過膩。而且佢用石鍋上，擺一陣先撈勻佢，個邊邊有啲飯焦～👍  

富士山55 （拉麵沾麵專門店）叫左個豚骨魚介沾麵同柚子拉麵 沾麵同拉麵個麵原來唔同！拉麵比較幼身 但個人比較中意沾麵個麵 因為比較粗身 煙韌 有口感啲😋而且佢個沾麵會有個爐用火燒住 確保個湯唔會凍！但個湯無咁杰身 難啲入味 可能要浸耐少少🤏🎑環境：6/10👩🏻‍🍳服務態度：8/10 🔁回頭度：9/10 🚗方便度：7/10🗺地點：富士山55 (拉麵沾麵專門店) (尖沙咀)尖沙咀麼地道75號南洋中心地下7-8號----傳送門------地區：#tintineating尖沙咀 #tintineating尖東 價錢：#tintineating中價食物菜式：#tintineating日本菜 #tintineating日式#尖東美食 #日式食物#尖沙咀美食 #尖東日式 #尖沙咀日式 #尖東拉麵 #尖沙咀拉麵

湯唔熱，豬肉唔夠新鮮，四十蚊野賣出一百蚊價錢。關鍵是，收銀大媽態度極為惡劣，第一次付款出了點問題就大發脾氣，極不耐煩，狂戳收銀機器，話自己唔識，好似自己唔識好巴閉。又話第一單就這樣，撞鬼了。我話換一種方式再試過，佢就一直嘆氣，付款成功才收回黑臉。我坐低等外賣時，又叫我出面等，根本店內無幾個人。唔知點解間店鋪仲好多人食，明明性價比低態度又極差，可能係因為尖東過客多，回頭客少。當時遇到咁惡劣既店家，又唔想一早同人吵架。擔心其他顧客的眼光，怕人啲話入咗又唔嗌野，下次遇到咁即情況應該即刻轉身離開。極不推薦。

柚子沾麵 $98配料有溏心蛋、紫菜、荀、醃蘿蔔、日式叉燒。溏心蛋唔夠入味同熟咗少少；醃蘿蔔偏酸，幾清新開胃；叉燒肥瘦均勻，唔柴，但略嫌冇咩味道。沾麵有彈性；湯底濃厚，重味，加少少清湯再食會比較好🥲白湯豚骨魚介拉麵 $89配料有溏心蛋、木耳絲、荀、日式叉燒。拉麵麵質同沾麵唔大分別，滑身彈牙，湯底魚介味唔夠香濃，味道好單薄。唐揚炸魷魚鬚 $58炸粉脆口，魷魚鬆唔靭，味道正常。名古屋醬油黑椒雞翼 $38雞翼好瘦冇肉，肉質又柴，冇咩味，完全唔掂👎🏻〰️〰️〰️〰️〰餐廳嘅海膽沾麵同海膽拉麵係招牌菜，但我冇試😅 咁唔知係咪揀錯咗麵嘅關係，我覺得呢間餐廳好一般，湯底普通，麵質普通，唔知點解佢係網上可以有咁多好評🤷🏽‍♀️ 明明呢個價錢有好多質素高好多嘅餐廳可以選擇🧐〰️〰️〰️〰️〰️食物: 2.5/5性價比: 2.5/5 環境: 3/5服務: 3/5Revisit: No

星期四夜晚夾埋我得兩台客叫咗兩個拉麵沾麵湯凍過室溫下面個小火完全冇用似用嚟裝飾多前菜Wasabi 魷魚咸到喊如果大家錢多可以你間拉麵鋪試吓幫你減到肥🫣🫣🫣🫣🫣🫣🫣

🇭🇰富士山55 (拉麵沾麵專門店)·呢間我之前同同事食過㗎喇 我上次好有冒險精神咁嗌咗嗰咖喱豬扒沾麵唔係特別夾 所以之後都無食過🫢😂今次經過突然見到佢有半價優惠就決定即刻入去食 佢半價咗之後真係超級抵食 不過如果原價嘅話我會建議大家食沾麵多啲😈🤣·白湯豚骨魚介拉麵 l 豚骨魚介沾麵$45(原價$89)兩款嘅話我自己鍾意食佢個沾麵多啲 因為佢個沾麵湯底魚介味出啲 食落比較有層次🐟而且佢即沾麵麵質比拉麵彈牙 不過我自己就覺得佢個湯底就算用蠟燭仔一路熱住都有少少唔夠熱🫢😂😂反而佢個拉麵湯底就真係滾熱熱啦 不過佢拉麵個湯底係偏豚骨嘅 所以食落感覺單調同埋膩啲啲 而且我自己覺得佢拉麵係煮得偏淋既 所以大家可能拉麵軟硬度可以揀硬身🍜之後配料方面佢呢度個叉燒出奇地做得超級出色 係肥瘦好均秤 肉質好好🐷·#rbyeat#rby日本菜#rby尖沙咀·📍尖沙咀麼地道75號南洋中心地下7-8號

喺附近酒店staycation因我們二人都吃不了buffet所以沒買dining package 在想在附近怎樣吃應該都吃不了$1000😂走著走著看到了這麵店門外有排隊龍心裏想 有人排即係好野啦所以揀了這間作晚餐啦😌柚子拉麵咸酸味平衡得很好 如果鐘意咸柑桔果啲味 會大愛感覺似聲沙喉嚨痛食左會好返咁😂清新口味來的 有驚喜❤️辛辣沾麵 中辣下次會叫 大辣叉燒有火炙過 好香加左青檸 令好濃嘅汁平衡返愈食愈開胃 結果加了一份替玉😂加了一份 芝士雜炊 真係得芝士撈飯 冇其他配菜簡單滿足的超邪惡 好好食好似食意大利飯咁性價比高👍🏻👍🏻👍🏻平民價錢 有去日本食的地道小店感覺😎會有下次的還想試試其他小食啊

呢間都係聽人講唔錯 之後又話日本人師傅之類 好似好勁咁. 咁就搵日去拜訪下咁啦.去到就唔見傳說中嘅日本大師既 但無所謂好食就得.咁簡單叫咗個櫻花蝦沾麵. 嚟到賣相正常但塊肉好乾好散咁. 唔緊要 好食就得. 但點知係鹹到乜咁 又無乜肉味😅. 咁隻蛋就普通應該無醃過啦. 啲荀就應該真係難食既😂 好啦. 咁到個湯底啦. 咁正常沾麵呢 個湯都係濃既. 但佢個湯底又真心鹹到呢😅 仲要係個鹹味 叫櫻花蝦無櫻花蝦味😂 連濃湯味都無 得個鹹字. 真係難搞😂😂😂

👤人數：2，一男一女💰埋單：216（免加一）🍽口味：標準🍽菜份量：正常我哋兩個人嗌咗兩份沾麵，有一份加咗200G麵底，勁飽咯。🍜特濃豚骨沾麵，揀咗較硬，加大200G💰123麵汁比較濃，可以掛到麵，有個蠟燭仔加熱，保持溫度，但係唔知係咪因為選擇較硬麵嘅原因，麵好凍，搞到一放落個汁到，啲汁就即刻凍嗮，個蠟燭bb嘅加熱溫度完全跟唔上冷卻問題，導致我哋中途加熱咗一次，希望店家可以改善一下呢個問題啦。🍜濃香櫻花蝦沾面，標準面💰93我個人比較中意呢個，我覺得有櫻花蝦嘅香味，味道層次再多啲，冇特濃咁鹹。

今日出尖東行科學館，行完去依間好近既拉麵店試超濃既豚骨沾麵通常沾麵湯底比較濃郁，當沾得多凍嘅麵，個湯就會又凍又「瓊」，但依間沾麵店誠意送上暖爐暖住個湯，食到最尾啖湯都仲係暖👍👍👍如果係冬天嚟食應該更加正個湯真係稱得上係特濃🥰豚骨味好出，而兩塊薄切肥叉亦好夠香，本身塊叉燒都算多肥肉，佢薄切就覺得岩岩好唔會好膩，筍都比得好大方，唔似其他店會比得一兩條朋友既柚子豚骨拉麵都唔錯，柚子嘅清新同濃郁嘅豚骨保持住一個完美嘅平衡wasabii 沙律醬雞軟骨，我同朋友都覺得好似有少少軟骨嘅麥樂雞🤣如果未試過都可以一試好彩我地早黎，食到7點既時候出面已經要排隊依間餐廳唯一嘅缺點係……波子汽水有D貴… 🥲絕對會再黎食😋